حركه غريبه للكاسكو
 

السلام عليكم

يعطيكم العافيه شباب

عندي كاسكو هولندي محجل عمره تقريبا خمس شهور

المهم اشتريته قبل ثلاث ايام يعني يوم الخميس

وياكل من يدي من اول يوم جبته

المهم امس فكيت له القفص من فوق وطلع فوقه

وجلست احايله شوي الين سمح لي امسح عليه

يعني يخليني امسح عليه شوي ثم يحاول يبعد واقوله ( عييب مع رفعة صوت شوي )

ويرجع ينزل راسه ويركد وكل ماحاول يعضني سويت نفس الحركه عيب ويرجع ينزل راسه


المهم مالكم بالطويله

لاحظت شي بعد ماخلص لعب معه وكذا

انها يصير يغمض عيونه ونافش ريشه

وهذي صورته

http://www.mlfnt.com/lives6/13483039641.jpg

وبعدها بفتره خلاص يرجع طبيعي
يعني مثلا امس العصر لعبت معه وبعدها رجعته للقفص
ورحت وخليته فتره ورجعت له وهو طبيعي
واليوم لعبت معه ومسحت عليه والحين رجع يسوي نفس الحركه


وفيه شغله ثانيه كنت حاط طبيعي باصبعي واكل منه لكن جزء بسيط من العسل انمسح بوجهه تحت عينه ومو راضي يخليني امسحه عن وجهه شلون انظفه ؟

ولا اخليه وهو بينظف نفسه بنفسه ؟

وبرضو شغله ثالثه وش الفيتامينات والغذاء اللي يحتاجه الطير بالوقت هذا

مع العلم ان اعطيه حب شمسي وياكل منه واحسه يحبه كثير

وكذلك التفاح ياكل منه كثير

والذره مايحبها مدري شفيه مع انه بالمحل كنت اشوفه ياكلها

والكمثرى برضو رفض ياكل منها

واليوم اكل عنب احمر وعنب اخضر من يدي

وملاحظه اخييره شفتها وانا جالس اكتب الموضوع

http://www.mlfnt.com/lives6/13483048281.jpg

مدري كذا نايم يعني ؟

استمر دقيقتين وهو كذا ثم رجع لحركته اللي بالصوره الاولى

افيدوني الله يعطيكم العافيه

رد: حركه غريبه للكاسكو
 

باختصار و مالك بالطويله
خله في مكان بنص البيت لمدة اسبوع لا تطلعه من القفص و اكرمه بالأكل و عوده انك انت دائم اللي تغير له الماء و تأكله
بعد كذا نظافة القفص اول باول و أبعده عن التيارات الهوائيه و المكيف
اللي علق في وجهه عادي راح يروح مع شرب الماء و هو يعرف ينظف نفسه
اهم شي خله يتأقلم على جو البيت هالفتره و يعرف نظام البيت و وقت النوم طف الأنوار و لا تستعجل عليه
و الصور حركات طبيعيه استرخاء و عدم تأقلم و خوف و نوم عاااااادي
بالتوفيق

رد: حركه غريبه للكاسكو
 

اخي كريم ياريت تنزل صور واضحه فيها فضلات كاسكو الله يعزك ليكون عنده اسهال لا سمح الله

رد: حركه غريبه للكاسكو
 

اولا مبرووووك الكاسكووو ثانيا اذا سوا ذالحركة اللي تقول عنها
طبيعي لانه نااااايم ينفش ريشه ويلف راسه ورااا
وحاول لاتصااارخ ع الكاسكو هولندي يجي مدررب وخااالص
حاول تلاعبه كل مابين فترة وفترة ليين ياخذ علييك .


والله يخليه لك ,,,,ودمت بود

رد: حركه غريبه للكاسكو