|
استفسار عن فرخ هولندي
السلام عليكم يا شباب
اليوم شريت فرخ كاسكو هولندي عمره الظاهر ٥ شهور ولي بعض الاستفسارات ويليت تردون علي فيها اول شي الطير اليف ومايعض اللا عض خفيف والقصد منه اللعب لا يجعر ابدا واقدر اقرب عليه وامسح عليه باي مكان بجسمه ماعنده مشكله ابدا ويطلع علي يدي بسهوله وحاطه بقفص بابه مفتوح ودايما واقف فوق مايطير مع العلم بان جناحه كامل مو مقصوص والكل تفاجي بان في كل هالمواصفات واهول توه اول يوم معي بالبيت بس الشي اللي محيرني انه الببغاء ماوقف اكل من يوم جبته بدون مبالغه الان صارله قريب ال٦ ساعات ما بعد عن الاكل اللا بس لما اجيله انا واشغله بشي ثاني فما ادري هل هالشي طبيعي ....اللي اقصده اخللي الاكل طول اليوم متوفر له ولا اسويها وجبات باوقات معينه وكميه معينه خلال اليوم والشي الثاني كيف اعرف اذا عنده اسهال او لا يعني كيف الشكل الطبيعي لفضلات الكاسكو هل هي جامده فقط او جامد وسايل بنفس الوقت يعني تكون جزء منها جامد والباقي زي الماي والشي الثالث والاهم ايش درجة الحراره اللي يكون الوضع فيها مو خطر علي الكاسكو لاني في بيتي تقريبا من ٢٠ الي ٢٥ درجة الحراره خلال اليوم وبالليل اطفي مكيف الغرفه اللي اهو فيها شيئ اخير ....في هالعمر الامكسرات كافيه له وللا احطله شي ثاني معاها مثل الخضار المسلوقه |
رد: استفسار عن فرخ هولندي
اهلين اخوي
معلومه: الببغاء الهولندي اصله وليف وكل الي قلته تنطبق بكل الهولنديات لانها منتجه من مزارع والي معتني فيها البشر. ثاني شيء البراز يكون عايدي اذا كان الونه ابيض+اخضر +والون الشفاف . ثالث شي الطير توه فرخ ولاتعرضه لتيرات لانه مهدد بلمرض لان مناعته ليست قويه. رابع شيء الطير مثل ماقلنا صغير ولاتكثرله من البذوور الغير مسلوقه لانها تعسر الهضم على الطير وعطه بطاطس مسلوق وذره مسلوقه ....إلخ لك خالص تحياتي... |
رد: استفسار عن فرخ هولندي
اهلا وسهلا الف مبروك عليك الطير وربي يخليه لك
اولا اطفي المكيف على الطير ولا تخليه يتعرض لتيار هوائي لأنه ما يتحمل وممكن يمرض ثانيا خلي الطير ياكل براحته الفرخ بحاجه للغذاء بكميات كبيره لكي ينمو جسمه ويتقوى بالعكس ادعم طيرك بالبليله والذره والبطاطس وغيرها موفق ان شاء الله |
رد: استفسار عن فرخ هولندي
يعطيكم العافيه بس بالنسبه للاكل سلقتله جزر ربطاطس وطحنتهم مو راضي ياكلهم ابدا بس الشي اللي مجنون فيه هو الرمان فهل عادي اعطيه رمان كثر مايبي وللا مو رين له الرمان كثير ؟؟ واذا عندكم خبره الكاسكو كلش مايطلعله حس عايش بصمت صار ودي لو يجعر عالاقل يطلع صوت>>ايش الحل
|
رد: استفسار عن فرخ هولندي
خل الطير مده عندك بلبيت ونشاء الله راح يصدر اصوات
والرمان لحاله مايكفي شكله من الفواكه ولاتكثر له من صنف واحد ولاتستعجل على اصوات الطير بما انه توه جيديد على البيت لك خالص تحياتي.... |
رد: استفسار عن فرخ هولندي
حلو الرمان اخوي لكن لا تكثر منه خوصا لو الطير ياكله باللب الداخلي
موفق |
رد: استفسار عن فرخ هولندي
يعطيكم العافيه ماقصرتو
اليوم انشالله بجيبله ذره مسلوقه والحبوب اللي فيها جذور قريت في موضوع انها مفيده |
رد: استفسار عن فرخ هولندي
اخوي ا>ا كنت تبي الطير يكون نشيط عطه قطعت تفاحه يعني ربع وقطعها صغار بس مو يوميا كل 3 ايام مره
لان التفاح حسب ما قرات ينشط الواحد وبامكان التفاح يخليك صاحي الين الصباح وانا لاحظت ان طيري يكون نشيط في اليوم الي اعهطيه التفاح وحاول يوميا تعطيه ربع تفاحه او ربع خيار او حبتين فول او شوية خس او شوي طماط واهم شيء يوميا عطه شوي مو تحط كيلو من كل نوع هههه واللهه يهنيك بطيرك يا رب |
| جميع الأوقات بتوقيت GMT +3. الساعة الآن 03:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو