|
انقذوني يزااكم الله خير
شريت كاسكو مب راضي يتعامل وياي كل ما ادخل ايدي فالقاص يجعر و احس انه بيطيح من فوق العصا
وانا أمبطله باب القفص مب طايع يطلع و اظافر ريله طالعة على فوق عادي ولا مب عادي و عظمة الحبار ماعرفت وين اعلقها و اعلقها بشو لكن المصيبة الكبرى انه مب راضي يتجاوب وياي ولا يبي يطلع من القفص شو اسوي فكل هاي الاشياء الرجاء اللي عنده خلفية يقولي و ينصحني تحياتي لكل اللي بيردون:12: |
رد: انقذوني يزااكم الله خير
عندك احد الامرين اذا كان الطير جديد على البيت يعني ماكمل 10 ايام
الاولى: انك تخليه معلق على ارتفاع متر ونص وتخليه ياخذ على البيت واهله وتبدل الاكل والمويه باستمرار ووتحاشى النظر بعيونه الثانية : اذا مستعجل تبيه ياخذ عليك طلعه من القفص باي طريقه وامسكه بفوطه مع عدم تسكيرها على الراس وحط الطير بحضنك ساعه ساعتين ثلاث لحد مايهدى ولايجعر وحاول تلمس راسه برفق بدون ماتتكلم معاه فقط تمتع بالابتسامه ( يفضل تكون بغرفه لحالك انت وهو ) كرر العمليه مده يومين ثلاثه الى خمسه لحد مايستامن ثم ضعه في قفصه وخليه ياخذ راحته بدون ماحد يقرب له غيرك اما عظمة الحبار علقها بالقفص باي شكل تبي يفضل قريب من المويه مع تعليقها بسلك حديدي( معلاق الملابس) وصلى الله وبارك لاتستعجل على الطير والافريقي طير عجيب لما يتعود عليك بتحبه وتتعلق فيه بشكل هستيري |
رد: انقذوني يزااكم الله خير
الأظافر طلعت مكسورة ابي اوديه بيطري
تنصحوني اوديه بيطري ولا لا |
رد: انقذوني يزااكم الله خير
أنا أنصحك أول شي توديه البيطري تقرض أظافره ومنقاره وأشترله فيتامين وبعدين تسوي مثل ما قالك أخوي "ولد الحرب"
هذي أحسن طريقه لتعليم الكاسكو وأولا: إذا أنت راعيه أنت دايما حطله الأكل والشرب ولحد يحطله غيرك علشان يعرف راعيه ثانيا: أنت تحطله الأكل والشرب ردد أسمه بوضوح وبطريقه حنونه ومستقبلا إنشالله لمن تنادي بيعرف أسمه وتقبل مروري |
رد: انقذوني يزااكم الله خير
بوديه ان شاء الله باجر باخذله موعد و بالنسبة للأكل انا اللي اسوي كل شي و محد يقرب منه او يلمس قفصه الا بأذني يعني لا تحاتي بيعرف اني راعيه و بخصوص اقول اسمه وقت تغير الاكل ماكنت اقول لكن رح اقول بس ما بيربطها و يا الاكل و بعدين كل ما جاع يقول اسمه
و الفيتامين يوم بوديه البيطري بركب عظمة الحبار فالقفص >> تنصحوني اعلقها كاملة ولا اكسرها و الفواكه كل كم يوم و شو هي الفواكه و تسلم ع الاهتمام* |
رد: انقذوني يزااكم الله خير
يعلق الطير بمكان يرتفع عن الأرض مترين ويكون مكان عام فيه حركه للناس لمده اسبوع ث يؤخذ الطير ويقص جناحينه ويوضع على استاند مده شهر في مكان عام
عظم الحبار يعلق في الحديد تبع الشبك بحيث انه يكون من الداخل حتى يتسنى للطير اكله تحياتي |
| جميع الأوقات بتوقيت GMT +3. الساعة الآن 12:09 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو