|
جريمة في قفص الفشر| الجزء الثاني| مدعم بالصور !!
السلام عليكم و رحمة الله و بركاته
الجزء الأول لمن لم يقرأه http://www.2zoo.com/vb/showthread.php?t=280489 هذي المرة أقنعني البائع أن الموجود عندي هو ذكر و جبت له نفية 100% متأكد بأنها أنثى و بصحة سليمة حطيتها في القفص و تسحرت و نمت و ما جيت الصبح الا و هالحيوان سالخ جلدة راس ذاك و ماكلها و المسكين قاعد ينفخ و يتنافض نفس الجريمة بنفس الأسلوب البشع و هذي الصورة و انا متأكد 99% أني رجعتي من الدوام بلقى المسكين مات حتى بعد ما عزلته لأنه حالته فوق الحرجة اللي بيقول لي قوارض يريح نفسه .. ما فيه منفس تدخل دبانة ولا حشرة أصغر منها لهالغرفة http://im14.gulfup.com/2012-08-13/1344844197801.jpg صقر هذا مو طير !! ويش اسوي فيه ؟؟ أربي وياه شرياص لو صقر لو ويش ؟؟؟؟؟ الشره علي أنا اللي بغيت أجيب واحد يواسيه !! |
رد: جريمة في قفص الفشر| الجزء الثاني| مدعم بالصور !!
خليه الحاله عشان يعرف ان الله حق ويذوق الطفش هههههه
راح يفيدونك الاعضاء تحياتي ابو سدران |
رد: جريمة في قفص الفشر| الجزء الثاني| مدعم بالصور !!
افاااا
مره ثانيه طيرك متوحش وهاذي اغرب حاجه قريتها عن طيور الحب طير يقتل طير تاكد على فم الطير الثاني دم |
رد: جريمة في قفص الفشر| الجزء الثاني| مدعم بالصور !!
والله حالتك حالةشيء غريب علي قول اخونا ابو سدران خله لحاله والى بيعه ويريح بالك وان استطعت تعمله حجز عند دكتور نفساني او تقراْ عليه يكون ازين هههه امزح
|
رد: جريمة في قفص الفشر| الجزء الثاني| مدعم بالصور !!
انت غلطت لما دخلت عليه الانثى على طول المفروض تحط الانثى بقفص جنب القفص الاساسي اللي فيه الذكر وتخليهم بس يشوفون بعض من غير مايلمسون بعض لمدة اسبوع اذا شفتهم يتقربون لبعض من ورا القفص يعني يتقربون بطريقه بوديه مو بطريقة هواش وبعدين دخلهم على بعض سوري ع الاطاله
|
رد: جريمة في قفص الفشر| الجزء الثاني| مدعم بالصور !!
الطير هذا مريض .. ياخوي لعد تجيبله حريم ههههههههه!
مايرحم يهيب ياوجهه .. أقول وش رايك تتعشى عليه وتعزمني (((((: لأن صراحه الطير متوحش بقوه !..! |
رد: جريمة في قفص الفشر| الجزء الثاني| مدعم بالصور !!
عفواً الطير أنثى .. اليوم رجعته المحل
يوم وصفت له قال لي ذكر بس يوم جبته له و شافه قال لي هذي نفية المهم قلته له خله عندك و بدله لي بأي شي عندك في المحل و بكرة بمر عليه أنقي لي شي ثاني يمكن حب باكستاني أصرف منه |
رد: جريمة في قفص الفشر| الجزء الثاني| مدعم بالصور !!
مثل ما قال يمكن دخلت الانثى قجائه عليه جرب وحطهم بقفصين جنب بعض واتركهم شهر الين ما تشوفهم يغردون لبعض
شي محزن بصراحه |
رد: جريمة في قفص الفشر| الجزء الثاني| مدعم بالصور !!
فتحة الإخراج: تكون في الذكر شكلها دائري بخلاف الأنثى التي باضت فيكون شكل فتحة الإخراج لديها بيضاوي ...
هذه صورة فتحة الاخراج لأنثى على وشك وضع البيض شكلها بيضاوي : http://im25.gulfup.com/2012-08-14/1344905336291.jpg شكل الذيل : ذيل الأنثى يكون تقريبا متساوي من الخلف بخلاف الذكر الذي يكون ذيله على شكل 7 http://im13.gulfup.com/2012-08-14/1344905433881.jpg تأكد والمعلومات منقوله |
| جميع الأوقات بتوقيت GMT +3. الساعة الآن 04:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو