|
عاجل:: هزييييل و صوت بلغم!
السلام عليكم و رحمة الله وبركاته كيف الحال؟ ما تمنّيت ارجع لكم بموضوع مثل هذا :( و لكن قدّر الله و ما شاء فعل عندي ببغاتي بوشهاب (٤ سنوات) صار له فتره وزنه ينزل و اليوم امسكه لاحظته انه ضعييييييييييييييييييييف بطريقه تخوّف! صاير جدا هزيييييييييييييييل :( و مسكته طلعته من القفص و سمعت صوته كأنه فيه بلغم شلّيته حطيته عندي فالغرفه عشان اراقبه و بعد نص ساعه راح صوت البلغم عطيته قطعه من التفاح (بدون الحبوب) و أكلها و الحين حطيت له سيريلاك معاها ثوم (مضاد حيوي طبيعي ع اساس) لكنه من النوع الي يرفض ياكل اي شي إلا الحب :( وانا متأكده هالشي الي مخلي وزنه ينزل عنيد ما يرضا ياكل اي شي المهم... الحين شو اقدر اسوي له؟ :( ما عندي اي احد يوديه البيطري و خايفه انه تزيد حالته :( |
رد: عاجل:: هزييييل و صوت بلغم!
يا هلا ومرحبا باختي كاسكوكيه
اولا استحدمي معه خلطة الثوم بالليمون بس شيلي الماء ساعه وعطيه الخلطه علشان يشرب كثير منه لان من اللي تقولينه واضح ان الطير فيه دود الله يشفيه ان شاء الله وان شاء الله الخلطة تخرج الدود من بطنه وروحي للصيدليه البيطريه او البيطري و اخذي التايلان باذن الله الطير بيسير نفس الحصان :) اولا ابدي بالخلطة علشان الدود ممكن يذبحه (لا سمح الله) ولما تخلصين من الخلطه وتاكدتي انه شرب الكثير منها ابدي بالتايلان لان المرض هذا ماهو خطير يعني ان شاء الله يطيب منه بسهوله باذن الله :) *فواز* |
رد: عاجل:: هزييييل و صوت بلغم!
هلا بك اخوي هاوي البادجي
ان شا الله بعطيه الخلطه باجر باذن الله الللللللله يطمنك طمنت بالي عليه :( ويزاك الجنه امين |
رد: عاجل:: هزييييل و صوت بلغم!
اهلا اختي
انا انصحك انك تستخدمي التايلان بأسرع وقت ممكن واستمري على خله الثوم بالليمون وانصحك ايضا بأستخدام مضاد ديدان لمده يومين موفقه |
رد: عاجل:: هزييييل و صوت بلغم!
:(
مات!! :( :( :( :( |
رد: عاجل:: هزييييل و صوت بلغم!
الله يعوضك بلي هو افضل منه
والله انصدمت ~تقبل مروري~ |
رد: عاجل:: هزييييل و صوت بلغم!
سبحان الله
وقدر الله وما شاء فعل الله يصبرج علي فراااقه اختي وانا طيري حاليا نفسه غمغمه وفيه رعشه والله يستر يارب |
| جميع الأوقات بتوقيت GMT +3. الساعة الآن 05:17 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو