|
شوفو هالمرض وحمام أخوي وحده وراا الثانيه تموت
السلام عليكم ورحمة الله وبركاتة الحمام عند اخوي مدري وش فيهم وحده وراا الثانيه يموتوون وماصار له شهر من سوو لهم القفص اللي بالحوش يشتري حمام وجمعهم وصاروو يمرضون واللي يجيها الصرع تراا انا ماافهم بالحمام بس اخوي يقولي وش فيهم واللي يبين عليها االكسل وفجأه نلاقيهاا ميته يابليل او النهاار واساسا في عندنا حمام من قبل موجود بالسطح وصحته ممتازه وحتى في انتاج وفروخ وكبروو وماشاء الله حلوييين الحين جايبه لكم صورة واحد من الحمام الي كان بالسطح لما صار يطير نزل تحت عند القفص الحمام وبعدهااا مرض مرض غريب مااعرف ايش هوو كان شكله قبل يجنن حلوو والحين من أسبوعين صار له ورم بعينه وراسه ومنقاره وكل مره يكبر ويكبر حتى شكل عينه كأنهاا بتنفقع بينعمي من الورم والعين صغرت وصورته لكم ..~ْ.. شوفووه ..~ْ http://www11.0zz0.com/2012/07/17/16/881144546.jpg http://www11.0zz0.com/2012/07/17/16/139509062.jpg وهذه صورة الجهه الثانيه اللي سليمه ويبين كيف شكله اساسا وكيف صار الحين http://www11.0zz0.com/2012/07/17/16/252167799.jpg شو الحل يا أخواني ؟؟ وترا اخوي قالي انه جاب لهم مضاد حيوي وحطه بالمويه وماادري ايش سووى بعد بس مافاد وتقريبا كل اللي ماتوو حدود العشر اذا ماكانوو اكثر وكل يوم او يومين تموت وحده ..~ْ |
رد: شوفو هالمرض وحمام أخوي وحده وراا الثانيه تموت
خله او خلييه يعزل الحمام المرييييض فورا
|
رد: شوفو هالمرض وحمام أخوي وحده وراا الثانيه تموت
اقتباس:
أوكي راح اقوله يعزل الحمام المريض اللي مبين عليه بس المشكله الحمام اللي مريض ومو مبين عليه بعد راح يعديهم |
رد: شوفو هالمرض وحمام أخوي وحده وراا الثانيه تموت
الله المستعان
والله يعوضكــ باخير باذن لله ولاحول لله وقوة الا بالله اولا عزل الحمام المريض و الحمام الغير نشيط ثانيا تنظيف المكان باماء و الديتول غسل جميع الاعشاش المرض والله واعلم انه مراحله متقدمه جدا من مرض الجدري والواضحه مع الجدري صرع متقدم ذبح جميع الحمام المصاب والله يعينك على الخساير مرض الصرع ليس لهــ علاج الجدري مرحله متقدمه وصراااحة انا ماعندي حاليا اي وصفه الله يعينكـــ ياخوك اهم شيء النظافه :mad: |
رد: شوفو هالمرض وحمام أخوي وحده وراا الثانيه تموت
لاااااا حرام ماودي اذبحهم مو عشان الخساير اولا اهم مو لي ثانيا يقطعون قلبي مااحب اشوفهم مذبوحين وبعدين لو اقول لاخوي يذبحهم مايقصر اساسا مايهمه لو ذبحهم دامهم مريضين اانا بقوله عشان النظافه والاعشاش بس الاعشاش فيهم بيض شوو الحل ؟؟؟ اما بالنسبه اللي فيهم صرع واللي مو نشيطين بعزلهم اما اللي مريضين بخليه يبعدهم عن البيت يوديهم أي مكان بس مايذبهم اذا الله اراد لهم الموت يموتون لحالهم وشكراا بس بالنسبه للاعشاش اللي فيهم بيض شو أسوي ؟؟ |
رد: شوفو هالمرض وحمام أخوي وحده وراا الثانيه تموت
اقتباس:
والبيض فالله يعوضك تخلص منه الا اذا كان البيض ناتج عن حمام سليم |
رد: شوفو هالمرض وحمام أخوي وحده وراا الثانيه تموت
ان شاء الله وجزاااك الله كل خير بقول لاخوي يذبحهم انا بنت مااقدر اشوفهم ينذبحون بس ان شاء الله يرضى أخوي ويتخلص من البيض مشكوور أخوي |
رد: شوفو هالمرض وحمام أخوي وحده وراا الثانيه تموت
أختي الغالية
انتظري عليهم وما تذبحي الحمام إن شاء الله الحالة بسيطة وتتعالج الحمام من الأعراض اللي أنا اشوفها وعلى حسب وصفك مرض الأورنيثوسيس (Ornithosis) وتسببه جرثومة قابلة للعلاج الأعراض: راح أقولك ايش اللي عند حمامكو: احتمال تلاقي اسهال، واحتمال تلاقي مشاكل بالتنفس لأنه المرض يصيب الجهاز الهضمي والتنفسي وضعف الحمامة والموت اذا لم يتم علاج الحمام ويشبه في بعض صفاته الصرع العلاج: ركزي معي شوي تروحوا على الصيدلية البيطرية وتجيبوا من عنده بودرة تيرمايسين أو أوكسي أو دوكسي والعلاج ما ينقطع لمدة 30 يوم ولا تخلي قريب منهم رمل أو اي مستحضر يحتوي على الكلس يعني ما يكون عندهم غير الأكل العادي (الحبوب) والماء المخلوط معه العلاج الجرعة ملعقة طعام بودرة مع كل لتر ماء وركزي شوي تروحي على الصيدلية البشرية ضروري تجيبي مرهم للعين اسمه كلورامفينيكول تستخدم بالعين مرتين باليوم أو قطرة جنتادكس ثلاث مرات باليوم أو قطرة تتراسايكيلين اربع مرات باليوم أو قطرة اريثرومايسين ثلاث مرات باليوم وراح أكتب موضوع عن الحالة ان شاء الله وإن شاء الله بالشفاء لكن اللي أهم مثل ما حكى مشرفنا الغالي أخوي العتيبي انكوا تعزلوا الحمام المصاب او اللي يشتبه بانه مصاب وخلينا نتابع مع بعض على نفس هاد الموضوع كل يوم |
رد: شوفو هالمرض وحمام أخوي وحده وراا الثانيه تموت
ألف شكر لك والحمدالله مالحق اخوي يذبح الحمامه واكتشفت انه اهي الحمامه الوحيده اللي فيهاا كذاا اما الباقي صررع او يكون شكلهم تعبانين |
رد: شوفو هالمرض وحمام أخوي وحده وراا الثانيه تموت
مثل احد اصدقائي لكن هو بدال ماتموت وحدة ورا الثانية ماتت كلها سوا في يوم وليلة .. الله يعوظك ويعوظه..
|
| جميع الأوقات بتوقيت GMT +3. الساعة الآن 04:27 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو