منتديات تو زوو - كم استفسار عن الدرة

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - كم استفسار عن الدرة (http://www.2zoo.com/vb/showthread.php?t=277571)

كم استفسار عن الدرة

السلام عليكم ورحمة الله

قبل يومين اشتريت فرخ درة هندية عندي كم استفسار:.
1-كم عمر الطير؟
2-المكان أحطه بمكان هادئ و إلا بمكان عام يعني كلن يمر من عنده وازعاج إلخ...
3-بالنسبة للكلام كم يبغى له عشان يتكلم؟وهل أبدأ بالتلقين من الحين؟
4-هل يؤثر إذا صار بجنبه كروان أو أي طير ثاني؟
5-التدريب عادي يكون أكثر من واحد يدربونه أو لازم واحد بس؟
وأي نصيحة لا تبخلون علي..

أتركم مع الصور
..
..
..
http://www.viafy.com/uploads/35d2a4cf2e.jpg
http://www.viafy.com/uploads/2664bd44f2.jpg
http://www.viafy.com/uploads/cb1bf99e66.jpg
http://www.viafy.com/uploads/f6146b7976.jpg

آسف على الإطالة.

رد: كم استفسار عن الدرة

فرخ بعده تحطه في الصالة عشان يتعود عليكم وياخذ من كلامكم او في المطبخ اذا كان المطبخ يعني مفتوح على الصالة عشان يكون بينكم يعني تلقينه الكلام والله يعني اهو الحين يصافر الببغاء ولا لا اهو يجي على يدك قصدي يعني انت دربته عليك اوه صح انت توك شاريه تحط يمه طير انا والله على حسب علمي انه لازم يكون من فصيلته يعني ببغاء

رد: كم استفسار عن الدرة

وبس وترى انا لا تاخذ مني يعني تأكد لاني توني زيك ماخذ ببغاء درة بس ذكر من ١٠ ايام

رد: كم استفسار عن الدرة

ما شاءالله ومبروك عليك الدرة بالنسبة لتجربتي الشخصية انا عندي درة وعندي كراوان مثلك والاثنين بالصالة عند التلفزيون والكراوان من غير قفص والدرة باب القفص مفتوح يطلع ويدخل براحته ويطير ويرجع من غرفة الى غرفة وما دام اللي عندك فرخ حاول تقضي معاة اكبر وقت ممكن عشان يصير اليف لان كل ما كبر صار الوضع اصعب
واكيد خبراء المنتدى ما يقصرو معك لكني حبيت اقدم الكلام من واقع تجربتي وشكرا" وبالتوفيق

رد: كم استفسار عن الدرة

يعطيكم العافية،،
بس المكان اذا كان عام هل يؤثر عليه من ناحية الولافة؟
الكلام متى يتكلم ممكن يتكلم وهو فرخ؟

رد: كم استفسار عن الدرة

نعم ممكن يتكلم
والمكان العام ما ياثر عليه
بس ابعده عن الاطفاال

رد: كم استفسار عن الدرة

السلام عليكم

اول شيء المكان : ببدا من النوم حاول تحطه من بعد المغرب او العشا في غرفة ظلام وتشغل عليه المروحة (مراعاة الجو) اذا جا الصباح غالبا الاهل نايمين او دوامات حطه في الصالة مثلا (مكان جلوسكم ) بيكون المكان فاضي وبيبدا يعرف المكان لحاله وهو آمن اذا جا العصر او الظهر بدوا أهلك يطلعون ويجلسون عنده واذا جا بعد العشا وده غرفة النوم لان وراه قومة الصبح ^^ بعد يومين ثلاثة تلقاه متعود على المكان واهله بس فترة ثلاث الايام هذي حساسة حاول تأمنة اكثر شي بعده ممكن تخليه يتمشى برا القفص ولو كان اليف من اول يوم خله يتمشى الصباح

أما الكلام فمعروفة الدرة الهندية بقلة كفائتها بالكلام افضل طرق تعويدها على النطق بعد ما يتعود على البيت وراعيه (الأليفة) :

1-اذا جيت تغير الكلام عطه كلمه خفيفه مثلا ( سو سو )
2- اذا جيت تطلعه علي يدك برضو كلمه ( فوق )
3-اذا جيت تدخله القفص برضو

ولازم واحد يلقنه وان شاء الله بعد فترة يطلع معك بكلمات حلوة ^^

تقبل مروري

رد: كم استفسار عن الدرة

يعطيك العافية أخوي عشقي،،
ألف شكر ارشافين،،
نستقبل أي نصيحة ^_^*

رد: كم استفسار عن الدرة

طبعا نسيت اقول حاول ما تخليه نص الصالة

حطه في زاوية بعيدة شوي (مكان استراتيجي ^^)

وكل يوم نفس المكان مو كل صبح تحطه في مكان جديد والاهم من كل هذا خله في حاله

(اذا كان اليف ما يحتاج هالحوسة اسهل بكثير )