|
أرجو الافاده ؟!
بسم الله الرحمن الرحيم
انا اشتريت الجوز ده امبارح وكنت عايز اعرف نوعه بالظبط وتقليبه كويس ولا وحش وكويس في ايه ووحش في ايه ؟ وكام يسوي ثمنه ؟ ثانيا كنت عايز اعرف الخلطه المناسبه بين البلكم والدنيبه والفلارس خصوصا في فصل الصيف وثالثا ينصح بوضع الجرجير والخص كل اد ايه ؟ ولكم جميعا جزيل الشكر http://www.facebook.com/ajax/messagi...CnK8U6R1Ggdk-X http://www.facebook.com/ajax/messagi...AiGYqQTG-0AU4K http://www.facebook.com/ajax/messagi...BO3pxVdWU4S5Eh |
رد: أرجو الافاده ؟!
الصور مش واضحه للاسف
بس الاسئله اللى مش محتاجه صور بالنسبه للخلطه فالفلارس لازم يكون ربع او نص الكميه لان فيه سعرات عاليه جدا فتحط مثلا نص كيلو دنيبه مع نص كيلو بلكم مع نص كيلو فلارس او نص كيلو دنيبه ونص كيلو بلكم وربع كيلو فلارس بحيث ان الفلارس يكون اقل حاجة بالنسبه للجرجير والخس مرة واه بس فى الاسبواع لان كترة الخضار بتسبب الاسهال وفايده الخس واجرحير انهم ماليانين فيتامينات والعصافير زى البشر محتاجه تنوع فى الاكل علشان تبقى صحتها كويه والاكل مايبقاش حبوب بس لازم خضار وفاكهه وحبوب ومكملات تانيه بالنسبه لفايدة الجرحير والخس مصدر للفيتامين وكمان تعتبر محفزات طبيعيه خاصه الجرجير اتمنى اكون افدتك |
رد: أرجو الافاده ؟!
لك جزيل الشكر وشكرا علي المعلومات القيمه ديه ...
بالنسبه للصور طيب قولي اصورهم ازاي عشان تكون اوضح من كدا |
رد: أرجو الافاده ؟!
لا انا ان قصدى الصور مش باينه
:) علشان تحمل صور اكتب على جوجل مركز تحميل الصور واختار اى مركز من المراكز اللى هاتطلع لك اضغط على browse او اختيار صورة واختار الصورة من جهازك وبعدين اضغط تحميل واستنى لحد ما التحميل يخلص هايظهر لك كذا رابط اختار الرابط اللى مكتوب جمبه رابط للمنتديات اعمل للرابط كوبى وبعد كدا فى مكان كتابه التعليق اعمل باست يارب نكون الطريقه واضحه وفى انتظار الصور |
رد: أرجو الافاده ؟!
|
رد: أرجو الافاده ؟!
ماشاء الله جوز بالغ ويتعود بس على المكان ويطمن هايبيض على طول ان شاء الله
اللى انا شايفاه ان الوانهم جميله ماشاء الله بس اهتم بالتغذيه لان فى واحد فيهم اللى هو الذكر ريش جناحه مش مظبوط بس الجوز مستواه جميل اللى المفروض توفره لهم عضم سبيط ( حبار) بيقولوا عليه فى مسر ساعات كالسيوم على حسب المنطقه بس انت قله عضم وتحطه لهم فى القفص علشان مهم اوى لنمو الريش ولتكوين البيض بالنسبه للانثى وباردوا تحط لهم بيض مسلوق بالقشر بتاعه علشان يمدهم بالبروتين والكالسيوم والبيض فيه فيتامينات محفزة وبالنسبه للسعر دا جوز بالغ اعتقد كدا يجى له ٦٠ او ٧٠ جنه باردوا على حسب المنطقه لان كل واحد وله سهر وكل محل وله سعر وكل منطقه لها سعر وكل محافظة كمان :) ياريت اكون قدرت اوصل لك فكرتى ومرة تانيه مبروك على الجوز وربنا يبارك لك فيهم واهتم بيهم كويس لان الوانهم جميله ماشاء الله ووفر لهم الهدوء والامان |
| جميع الأوقات بتوقيت GMT +3. الساعة الآن 07:20 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو