فرخ جديد انصحوني
 

السلام عليكم ورحمة الله وبركاتة

في البداية احب اشكر المسوولين والقائمين على هذا المنتدي الطيب والمفيد (اعرف المنتدي من زمان وكنت ارقب من بعيد بس اليوم قررت اسجل )



موضوعي : قررت اجيب فرخ كاسكو عمرة 3 شهور وهذا كان حلم لي والحمد الله توفقت والفرخ بيوصل يوم الخميس [IMG] http://www14.0zz0.com/2012/06/12/07/971432188.jpg[/IMG] مشاء الله الله اكبر


بغيت منك يا شباب نصائح كل واحد يعطني من خبرتة لانة هذي اول مرة اتعامل مع فرخ كاسكو ...وانشاء الله بتشوفون الصور

يعطيكم الف عافية

رد: فرخ جديد انصحوني
 

1 اقدر اروش الفرخ ؟
2 اقدر احطة في غرفة فيها مروحة ؟

رد: فرخ جديد انصحوني
 

ماشاءالله مبروك الكاسكو وان شاءالله الأخوان يفيدونك

رد: فرخ جديد انصحوني
 

رد: فرخ جديد انصحوني
 

تربية فرخ الكاسكو جميلة جدا وتجربة حلوه وممتعة

فرخ الكاسكو بسرعه يتعلق بصاحبه ويرفض يتقرب منه غيره

قبل اكثر من سنة خضت هذي التجربه وكنت خايفة وايد منها لانه مثل ما سمعت ان الكاسكو مايتحمل وبسرعه يمرض و....الخ

لكن خوفي كان ماله داعي

1_ لازم توفر له جو دافيء لانه بعده صغير وتأكد انه مايكون جو خانق

2_ مثل ما قال لك الاخ بلاك بيري ابتعد عن سيريلاك الاطفال اذا ما تبيه يموت

3_ انا اول ماجبته تقريبا بنفس عمر فرخك وكنت اعطيه الاكل الخاص بالفروخ بس بعدين ماقدرت اوفره صررت اطعمه الاغذيه المعلبة للطفال >> خضروات وفواكه تكون شبه سايله وتقدر تغره بالابره بسهوله والحمدلله ماضرته بالعكس كبر وكانت صحته ممتازه وعلشان يتعود ياكل لوحده كان البطاطس المهروس سميك شوي كنت احطه له في طبق وياكل لوحده وبعدين صرت احط له الخضروات المجمده >> جزر بازيلا الخضراء وذره واعطيه بعد بذور مشكله خاصة بالكاسكو والحبوب طبعا بعد مايكمل 4 شهور انا اعطيته

4_ طلعه من القفص اكثر من مره فاليوم والعب معاه واعطه العاب خاصه ولااعبه وداعبه بحركات خفيفه على راسه علشان يتعود على مسح الرأس وما يخاف من يدك وحاول توقفه على يدك وابدا تعليمه الركوب على اليد وغيره من صغره .. وتقدر تطلعه في الحوش وهو على كتفك بس ما يكون هوا قوي او بارد او حار جدا يعني يوم يكون الجو لطيف .. وهذا طبعا بعد ما يكبر شوي يعني بعمر 4 او 5 شهور

5_ انا من رايي لا تروشه ابدا لين يكمل 6 شهور لانه صغير ما يتحمل


وآآخرررر نصيحه

قص جناحاته من يكتمل ريشه كامل ولا تقول صغير او بعده ما طار

للاسف انا قلت بعده ما يطير ولا مره شفته يطير او يحاول وطلعته كالعاده نتمشى فالحوش خليته على الارض علشان اصوره وكان يرجع يتسلق بثيابي يريد يرجع على كفتي وكنت انزله ويتسلق وفجأه اتوقع زعل وطآآآآآآر من قدام عيني وانا اناديه وتوقعت يحل ف مكان قريب لكن واصل الطيران لمكان بعيييييييييييد تفاجأت وانصدمت لانه ما كان يطير كيف طار كل هالمسافه وللاسف راااح ببغائي ولا رجع :( وكان أسفي شديد وندمممممممت لاني ما سمعت الكلام وقصيت جناحاته



واخيرا آآسفة ع الاطاله >_<

رد: فرخ جديد انصحوني
 

رد: فرخ جديد انصحوني
 

http://www.alittihad.ae/assets/image...ABIES-FOOD.jpg

هذي من الاطعمة اللي قلت لك عنها ..

في منه خذار مشكله وفي منه فواكه وفي بطاطا مهروسه وفي بس تفاح و ....الخ

وفي بعد خلطات طرحوها بعض الاعضاء ممكن تجربها

رد: فرخ جديد انصحوني
 

الله يبارك فيك اخوي ....مشكور على الرد :88:

رد: فرخ جديد انصحوني
 

في البداية يعطيك الف عافية اخوي على الرد الطيب والنصائح الجميلة ....... انا بحط الفرخ في عرفة فيها مروحة سقف بدون مكيف هل هذا الشي غلط او صح وحط في باللك اخوي انا قاعد ادرس في ماليزيا ودرجة الحرارة مب مرتفعه مثل دول الخليج .


اخوي الفرخ بالعمر 3 شهور يقدر يوقف على الاستاند ولا ؟

في واحد من الشباب نصحني بخلطة خبز مع حليب واضربهم مع بعض في الخلاط انت وش رايك اجربها او لا ؟

الفرخ اعزلة عن الربع ولا احطة في الصالة يقعد عادي ما يتاذي ؟

وش تقصد بالغر ؟

يعطيك الف عافية اخوي منتضر ردك على احر من الجمر ... بكرة الصباح بستلم الفرخ :freind:

رد: فرخ جديد انصحوني
 

مشكورة اختي على كل شي وانشاء الله بتبع الخطوات وانشاء الله الطير بيكون بصحة قوية وجيدة


من جهة الريش اكيد بقصة لانة صارت لي نفس الحالة مع فرخ درة ويوم كبير طار وندمت اني ما قصيت ريش الجناح.

:12: