|
شاسكو صديقي
اشتريت كاسكو قبل ثلاثة ايام
سميته شاسكو (اخوي الصغير مايعرف يقول كاسكو سماه شاسكو واعتمدت الاسم ) صاحبه قال عمره ثلاث شهور لكن خبراء القسم هنا قالوا عمره ست شهور قريت اغلب المواضيع هنا دايما تنصحون ان القفص يكون مرتفع ان محد يدخل عالببغاء الا اللي يغير له اكله ان يكون بعيد عن المكيف لكن ولكن ولكن انا احطه بغرفه مافيها تكييف لكن مرات احب اطلعه معاي الصاله اكله انا وكل عيلتي نأكله من ايدنا حبه حبه ونكلمه يعني نكون محاوطين القفص وكل شوي واحد يعطيه حبه وهو يرضى ياخذها ماعرفنا نخليه يطل عاليد يعض شوي اول يوم جبته كان يجعر الحين ولاصوت صح شغلي والا لأ عادي نلعب معاه كلنا |
رد: شاسكو صديقي
ماشاءالله حلو الاسم دايم الاسماء العابرهـ بشكل عفوي ولها مواقف تعجبني
هي اللي دايم نعتمدهآ اخوي الشروط اللي يقولون لك اغلب المربين عليهآ تلقاهم هم انفسهم مايمشون عليهآ امممما بحبس طيري بغرفه لوحدهـ واخليه معلق بالجدآر !!!!! بالنسبهـ للمكيف عادي يكون بمكآن فيه مكيف والبروده معتدلهـ بس مايكون بوجه المكيف او عرضه لتيآر اذكر طيرك فعلا كآن عمرهـ 6شهور من عينهـ مو 3 عآدي بالعكس الافضل جدآ انو يكون بمكآن تواجد العائله علشان يلقط كلام ويألفكم ومع الازعاج وكذآ يتحمس معاكم ويتكلم ويصفر انا فعلا لاحظت الببغاوات لمآ تكون بمكآن عالي مثلا فوق السور حق الدرج وكيذا تجلس تخربط ووتتكلم وتتحمس بس مو معناتو اخليهآطول الوقت بمكآن مرتفع مايشوف ولاينشاف خله بمكآن معتدل مو مرتفع جدآ ولامنخفض بالنسبهـ لي حآطه قفصه فوق طآولهـ وحآطته بمكآن تواجد العائلهـ بالنسبه لوقت النوم هو الافضل تأخذه غرفه هاديهـ علشان يأخذ كفايته من النوم فقط وقت النوم وحلو انو يألف البيت والكل يوكلهـ والببغاء ذكي بيميز صاحبهـ وبيعرف من ينظف قفصهـ ومين يبدل له الاكل مهمآ كثروآ الناس اللي حولهـ من جد الحيوانات ترتبط بالشخص اللي يهتم فيهآ وينظفهآ اذكر زميلهـ لي بالمنتدى عندهآ قطوه مقهورهـ منهآ تقول انها تلاحق الخدآمهـ وتحبهآ ومطنشتني تقول مع اني انا اللي اوكلهآ والعبهآ وكل حآجهـ ليهـ ؟! لان الخدامه هي اللي كانت تنظف القطوه وتهتم فيهآ وتغير البوكس وكيذا وبالتوفيق اتمنى افدتك لو بشئ بسيط واتمنى دعواتك |
رد: شاسكو صديقي
يسلمو نوني
جوابك كافي ووافي كيف ادربه يطلع عاليد |
رد: شاسكو صديقي
ربي يسلمك
الطلوع على اليد بتحصل طرق كثيرهـ بالمواضيع المثبته بالقسم بالنسبهـ لي كان عندي افريقي ككان تدريبه سهل كنت حآطتهـ على استآند وكل فترهـ اجي احط ذراعي قدامهـ واسوي كآني بدفه فيهـ بس لازم يكون ذراعك فوق مستوى صدر الببغاء وماشاءالله مع التكرار طلع على اليد هذا مات ـ واللي حاليا امزوني وللآن انا ويآهـ شيل وحط عنييييد جدآ |
رد: شاسكو صديقي
شكرا نوني ماقصرت/ي
سين سؤال حوالين عينه مافي ريش عادي كذا والا كيف خلطة الليمون والثوم اعطيها اياه عادي كل يوم ؟؟؟؟؟؟ |
رد: شاسكو صديقي
^^
اذا الطير سليم كل اسبوع مره زين |
رد: شاسكو صديقي
بخصوص الطلوع على اليد .... لا طريقه ولا شي .... حطّه على الارض او افتح باب القفص والطير بيطلع لاعلى القفص.. طبعا القفص يفضّل يكون جنب الجدار عشان اذا طلع الطير فوق القفص وقربت يدك راح يرجع ورا .. وبينحشر اذا الجدار خلفه وبيضطر يطلع على يدك ..حتى لو عضّك استحمل .. ترا عليه عضه تجيب الصداع ههههه بس لاجل عين تكرم مدينه
اذا طلع على يدك كافئه بحبة فول سوداني .. وعطه كم كلمه حلوه شاطر ياحلو اهم شي الصبر ولاتستعجل النتائج وعشان احمسّك شوي شريت طير يجعر وغير اليف وبنفس عمر طيرك بالضبط 4 شهور وصار حمامه يطلع اليد واحك راسه ويتكلم وهو على اليد وفي كل مكان ماشاء الله اهم نقطه الصبر وعدم استعجال الامور |
| جميع الأوقات بتوقيت GMT +3. الساعة الآن 05:27 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو