منتديات تو زوو - الازود مات؟؟؟؟؟؟

أول شي الله يعوضك أحسن منه إن شاء الله

بخصوص الثعبان ده إذا هو اللي أعرفه (يعيش في الرمل ويحب يدفن نفسه في الرمل ونحيف جدا يعني اللي في بالي طوله 15 سم وسمكه زي القلم الرصاص) ده بيتغذى على الحشرات والزواحف الصغيرة جدا يعني تربيته في الأسر صعبة.

اللي كان عندي مات بسبب البيض يمكن عشان الجو حار والبيض يتسمم بسرعة وأنا نسيت وما شلتها الله أعلم بس الصراحة تعبني الموضوع إني جبته وما عرفت أهتم فيه لين مات :(

نصيحة أخوية
أشتري الثعابين اللي تقدر توفرلها بيئة مناسبة تعيش فيها يعني لا تروح تشتري أناكوندا وإنت ما تقدر توفرلها حوض بحجم ملائم نصفه مائي ونصفه جاف وتكون الرطوبة عالية ولا تنسى إنها راح تفرد يعني ممكن خلال سنين قليلة ما راح يكون الحوض كافي لها

حاول تشوف فصيلة تكون معروفة بشهيتها الكبيرة وإن غذائها سهل إنك توفره لها. في ثعابين تعيش على بيض ثعابين ثانية هذي من جد لبشة، في ثعابين تكون مصيودة وهي كبيرة بعد ما تكون تعودت على الحياة حرة معظمها للأسف راح يضرب عن الطعام ويموت بعد فترة أو تضطر تستخدم التغذية الإجبارية واللي للأسف فيلم هندي خصوصا لو ثعبانك حجمه صغير جدا أو كبير جدا (عن نفسي ما أظن راح أجرب الإطعام الإجباري مع ثعبان طوله أكثر من ثلاثة متر إلا لو أحد خبير موجود وممكن يساعدني لو طبقني الثعبان مع حلقي)

وأخيرا لايضحكون عليك لما تشتري يعني خذ وقتك و سوي أبحاثك على الموضوع وتأكد من التفاصيل الصغيرة لأنها في أوقات تكون أهم بكثير من السعر (الثعبان المريض صعب العلاج فتأكد قبل ما تشتريه إنه سليم لأنك ممكن تصرف عليه أضعاف قيمته علاج وبعد كذا برضه يموت :( )

الله يعوضك أحسن منه إن شاء الله

تحياتي
محمد