|
نصايحكم يا شباب
السلام عليكم
اخواني الاعضاء الله يعطيكم العافيه علي جهودكم الطيبه في المنتدي ندخل في الموضوع طبعا قبل فتره اخذتلي فرخ مكاو بعد ما استشرت الاعضاء وعطوني ايجابيات وسلبيات هالنوع واخذتلي طير والحيت تعلقت فيه صراحة معنه تربيته جدا صعبه ومتعبه اولا من ناحية الوصخ اعزكم الله بيوضخ كثير ومن ناحيه الاهتمام والاكل وساعات ارجع البييت بس علشان اوكله المهم الحين احس شوي ماقمت العب معاه مثل قبل واحسه يبي احد يلعب وياه وعنه حاطله العاب وكل شي الزبده الحين قاعد افكر اخذ له اخو نفس عمره فرخه عمره حول 7 شهور المهم الي افكر فيه انه واحد وماشاء الله عليه متعبني فمابالكم اثنين بس فكرت فيه من ناحية انهم بسلون بعد وبيلعبون مع بعض فهل تتوقعون هالشي بكون ايجابي ول القديم بغار وبطق الجديد يعني هل تنصحوني اجيبله اخو يسليه خصوصا اني لم احطه قدام المنظره احسه يستانس ويبي يلعب مع صورته ويقعد بالساعات يطالع نفسه ويحاول يمسك نفسه الي عو الطير الثاني في نظره رايكم يهمني وشكرا |
رد: نصايحكم يا شباب
مممممممم
والله تقدر بس مو لازم (مو مجبور تجيبله واحد) الافضل انك انت تلعب معه وتجلس معه وطلعه عند المرايه بس انتبه لا تجرحه وعنده العاب يتسلى فيها وكل شي متوفر وما انصحك تجيب طير ثاني لانك راح تبيع واحد (بيتعبونك ويطفشونك) تحياتي،،عشقي البلوفرنتد |
رد: نصايحكم يا شباب
ووالله انا انصحك انك تبقى مع طيرك ومافي داعي لطير اخر خصوصا انه احنا ما نقدر نعرف الجنس لكن لو تأكدت ان طيرك ذكر وبتجيبله انثى تسليه مافي مشكله
موفق |
رد: نصايحكم يا شباب
اثنين والله تعب عليك انت شخصيا
اذا عندك القدره اشتر واذا ماعندك القدره اشتر له العاب ومرايات للطيور انت بالكويت كلمني خاص واعطيك عنوان محل بو محمد في كل شي خاص بالطيور بس ما يسير احطه بالرد وبالاول والاخير القرار يرجع لك *فواز* |
رد: نصايحكم يا شباب
اخوي اذا بيقل اهتمامك بل مكاووو بذات اننصحك تبيعه لو هو طير غير المكاو ماعندك مشكله
|
رد: نصايحكم يا شباب
اذا فكرت في البيع عطني خبر :P
|
رد: نصايحكم يا شباب
الله يعطيكم العافيه جميعا مشكورين علي الردود وعساكم علي القوة
بخصوص التربيه مجرب وعارف والله بس فكرت فيها من ناحية انه دام منظف منظف حق واحد وطابخ طابخ الاكل فماراح تفرق وايد واحد ةل اثنين قلت عشان يونسون بعض لان الي افكر فيه انه هالحيوانات كله بشكل عام نخلقت واهي متعوده تعيش مع بعض في جماعات وخصوصا المكاو اجتماعي مع بني جنسه فيكسر خاطري احس اني ظالمه بهالشي ولم احطه جام المنظره يستانس فمادري والله محتار وبخصوص اخوي هاوي البادجي مشكور ياخوي باخذ منك الرقم بالخاص معني حاطله العاب وكل شي بس خنشوف محل بومحمد ماورانا شي عموما مشكورين جميعا نورتو الموضوع وبخصوص الي يسئل عن البيع اسف والله موللبيع تعلقت فيه بس اذا تبي في واحد يايب له دفعه وعنده ياخور بالهجن وقاعد يبيع علي ٣٧٠ فروخ ينعسون اذا تبي وقمه قولي ادزلك ياه بالخاص ويمكن مو اكيد اليوم اخذ منه واحد فاذا جاد وتبي اواعدك ونروح مع بعض شكرا لكم حبايبي |
رد: نصايحكم يا شباب
^^
نصيحه بسييييطه اذا بتشتري ثاني لا تحطهم بنفس الغرفه الا بعد شهر ممكن الجديد يكون مريض وينقل للقديم وان شاء الله مايكون فيه شي بس الاحتياط واجب |
رد: نصايحكم يا شباب
عدل كلامك وهالشي حاطه فبالي
خصوصا انه الي يبيعهم كان يايب مجموعه فوق العشره وكانو كلهم في قفص واحد عساك علي القوة وترا متردد مو اكيد اخذ بساخير وباذن الله خير ومشكور ياخوي بوعمر ويزاك الله خير |
رد: نصايحكم يا شباب
توكل وخذ ثاني بس :D لوكنت مكانك بجيب عشرهـ منهم
المكآوببغاء اجتماعي وبيفرح كثير فيه زميله لي عندهآ ماشاءالله اثنين ويحبوآ بعض كثير واذا افصلتهم عن بعض قام يصارخ واحد منهم =) لحظهـ لحظهـ اللي جايب دفعهـ يعني يبيعهم الوحد 4440 بالريال السعودي؟؟ |
| جميع الأوقات بتوقيت GMT +3. الساعة الآن 05:15 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو