|
كم سؤال وياريت تفيدوني
السلام عليكم
صار لي يومين ماخذه كاسكو جديد وصغير وطبعا انا مبتدئه وفيني شوية خوف بالذات لما يفتح جناحه يصافر وحركته زينه يشرب ماي بس مايعرف ياكل حب يقشر الفول السوداني وبعدها يرميه وحطيت له نص برتقاله والله قشرها كلها وعقب حذف اللي داخلها مادري هل تصرفه يعني فيه شي والا عادي؟ وياريت تذكرون لي نوع الفواكه والخضار اللي يقدر ياكلها واذا ممكن طريقه سريعه وسهله عشان يسمح لي اني امسكه لان كل ماحاول امسكه يحاول يعضني معليه شوي بمللكم باسالتي بس ماعرف اشلون اتصرف معاه كوني اول مره اربي طير والله يعطيكم العافيه |
رد: كم سؤال وياريت تفيدوني
اقتباس:
وعليكم السلام... أختي الغاليه..إذآ..الطائر لايأكل بنفسه.َ.فـ الطائر بالتأكيد غررٍ.. يعني يطعم باليد بالابرة (( السرنجه)).. ويطعم بـ سريلاك خاص بالفروخٍ.. وممكن استخدام السريلاك الخاص بالبشر لاكنه مضر..جداً.. يعني شوي سريلاك مع خلطات..بالمنزل وبطاطس مهروس وبيض بالبقسماط... وإذآ..ماتعرفين تطعمينه الافضل تردينهٍ..~وتأخذين طير معتمد على نفسسهَ..~. ويآريت صورة للطير عشان نعرف اذا فرخٍ.~.غر أولا..:) |
رد: كم سؤال وياريت تفيدوني
ماشاءالله اضم صوتي لصوت اخوي ابو عبد المجيد ما قصر جزاه ربي الف خير
|
رد: كم سؤال وياريت تفيدوني
وديته المحل اليوم قالي الطير مب صغير ويعتمد على نفسه وعلمني اشلون امسكه بيدي
فالمحل كان شوي عنيد وعض صاحب المحل يمكن ثلاث مرات بس مب عضه تعور وعقب مسكته وماعضني كان عادي بس رجعته البيت وحاولت امسكه بنفس الطريقه قام وعضني عضه دخل منقاره داخل جلدي بغيت اموت هههههههههه وحذفته من على يدي عشان يهدني ههههههههههه والله غصب عني ذبحني عضته والقبر هههههههه والله مكان العضه منتفخ علي ويعور هههههههههههههه بعدين لبست قفاز ومسكته وكل مايحاوول يعض اضربه خفيف على منقاره مثل ماقالي راعي المحل وعقب كل مايحاول يعض اصارخ عليه شوي واقوله لا صار شووووويووونه بس يخاف يوم اقوله لا بس بعد عنيد ماعرف شسوي معاه هههههههههه |
رد: كم سؤال وياريت تفيدوني
هههههههههه
لا لا لا يا اختي العض هاذي بركه طيور الببغاء لازم كلنا ناخذها مثل ابر التطعيم وحنا صغار راح تتعودي لا تقلقي بخصوص انك رميتي الطير لما عضك هاذا غلط فادح بخصوص انك تصرخي على الطير او تضربيه انتبهي هاذا خطأ فادح عليكي باصعاد طيرك على يدك والمسح عليه بشويش وبصوت هادئ لقنيه وقربيه منك قدر الأمكان وراح تشوفي ان الطير زوين ومافيه اي مشكله وان عض على طول عسل او مربى او ماء وخليه على اصبعك وان عض وحس بطعمه راح يوقف مباشرة كرريها له ميه مرة واعطيه مكافئه فوق سوداني او حب شمسي خصوصا لما تقدمي له يدك وما يعضها موفقه بكل خير |
رد: كم سؤال وياريت تفيدوني
.. أوولاً مبــرووكـ الطيــر الجديــد .. ^_^ .. .. ثانيــااً اللهـ يووفقــكـ فــي تربيتــهـ .. والأخــووة مــاا قصــرووا ويــااكـ .. .. آنآستــآزيآ .. |
رد: كم سؤال وياريت تفيدوني
بلاك بيري هههههههههه عيل خلني اقولك شنو سويت اليوم رجعته المحل وخذت واحد عمره سنه تقريبا يعض بس عضته الواحد يقدر شوي يستحملها خذته البيت فتخت القفص طلع فوقه وكنت احاول امسح على راسه وظهره وكل ماقرب يلف راسه ويعض العض مؤلم بس واااااااايد اخف من الطير القبلي عاد انا شنو سويت شوي عليت صوتي عليه واقوله عيب وكل مايعض او يحاول اقوله نفس الكلمه عاد هو شكله عرف معناها بس اللي صار انه رجع دخل القفص ومب راضي يطلع منه كلش وهو فالقفص بعد حاولت امسكه وكل مايعض اقوله عيب وعقبها شنو صار ههههههههه يوم اقرب منه وامسكه ويبي يعض على طول اقوله عيب عيب تدري شنو يسوي يعض القفص بقوووو ويتم ساكت ويخليني امسكه هههههههه شكله يسوي جي لاني امسكه غصب عنه هههههههه ومرات يشرد عني يمين ويسار عشان مامسكه ههههههههههه تخيل من دش القفص ولا يبي يطلع مره ثانيه شكله كرهني ههههههههه
وبالنسبه للاكل عادي ياكل من يدي صج عضته تعور بس الواحد يقدر يستحملها وبعد كل شوي اخلي قبضة يدي نفس البوكس واقرب صوب منقاره او راسه يحاول يعض بس مايقدر لان تدري يوم تسوي يدك مثل البوكس مافي شي يقدر يمسكه في يدك عشان يعضه ههههههههههه بس بعد بتم مشكلة العض اكبر مشكله ومادري متى بتنحل* |
رد: كم سؤال وياريت تفيدوني
اناستازيا مشكووور اخوي والله يبارك فيك ويوفقك ان شاء الله
|
| جميع الأوقات بتوقيت GMT +3. الساعة الآن 07:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو