مساء الخيرات يا حلوين

اليوم 07-02-2012 ولدت هامسترتي.. أول إنتاج لها.. وأول ولادة هامستر أحضرها =)

طبعا أنا قريت كثير عن الهامستر لين صار عندي خلفية كافية

لكن اللي أقراه في الغالب يكون عن الهامستر السوري.. وانا اللي عندي روسي وطبعا الفرق بينهم واضح

مثل الموضوع اللي في الرابط:
كل ما يتعلق بحمل و ولادة الهامستر

سؤالي هل في اختلاف بين طريقة تربية البيبيز الروسي ورعاية أمهم وبين الطريقة مع السوري؟

سؤال ثاني.. الأم ولدت ثلاث بيبيز بس.. هل هذا طبيعي؟ لأني اشوف السوري في المحلات يجيب 8 و9 واكثر ماشاء الله

سؤال ثالث.. الحليب اللي اقدمه لها حليب بقري مجفف وخالي الدسم طبعا مخلوط مع مويه وعسل.. هل أستمر بتقديمه لها؟ لأني قريت ان حليب البقر مضر بمعدة الهامستر :confused:
وإذا بتنصحوني أغيره ايش أفضل نوع حليب يناسب معدة الهامستر (غير حليب القطط الصغيرة لأني حست الدنيا عليه ما لقيته)

وإذا في أي نصيحة تخص الهامستر الروسي بالذات بكون ممنونكم كثير =)

أخذت بنصيحتك قبل ما أقراها =)

لما رجعت الذكر لاحظت ان المسكين كان مشتاق لها وما كذب خبر.. في البداية رفضته لكنها ولفت عليه بسرعة ولقحها أكثر من مرة

منظرهم وهم مع بعض كان مرة حلو.. خصوصا منظر الذكر وهو يتعرف ع البيبيز حسيته مرة حنين أول مرة أحس ان هالفحل حنين :D

بس الشي اللي زعجني انه داسهم بالغلط اكثر من مرة وهو يحاول يلقحها.. فرجعت فصلته وهي رجعت ترضع عيالها طبيعي.. والحمدلله عدت على خير وانا مبسوط فيهم اخر انبساط

بس سؤال.. طبيعي تتلقح وهي توها والدة؟

وشكرا كثير ع النصايح ما قصرتي =)

طيب متى يكون الوقت مناسب لتلقيح الأم؟

وألف شكر يا أعضاء تو زوو الله لا يحرمني منكم =)

شكرا ع المعلومة الرائعة

كله من أصحاب المحلات بعيني شفتهم ينقلون الانثى للذكر يلقحها ثم يرجعونها لعيالها وهي توها والدة قال ايش قال ما ينفع نستنى لازم على طول تتلقح!

الله يخرب بيتهم كل ذا عشان تجيب عيال كثير وهم ربحانين طبعا حتى لو راحت فيها الأم

الحين بجلس قلقان على (لي لي) لين تولد مرة ثانية الله يستر بس