|
اشتباه بارفو :(
السلام عليكم ..
قبل اربع ايام شريت جيرمن شيبرد عمره 2 شهرين اول ما شريته كانت صحته ممتازه ولعوب وامس حطيته بره بالحوش و كان الجو بارد شوي المهم اليوم الجرو ما ياكل ولا يشرب ماي و حركته باارده و ماله خلق يلعب وصار عنده اسهال و يرجع و قليل ما يشرب ماي ( اليوم شرب كم رشفه بس - شي بسيط جدا ما ينذكر ) وديته البيطري و قال احتمال يكون بارفو لكن مو اكيد لانه ما يقدر يتاكد اليوم عطاه دريب و فيتامينات و ابرتين و قال راجعني بكره السؤال : هل ممكن يكون حايشه برد فقط ، و ياريت الي صارت معاه نفس حالتي يفيدني ، لاني جد متضايق و مادري شسوي ؟ |
رد: اشتباه بارفو :(
يالغالي كلبك 100 % اصابته نزله برد واكيد عنده ارتفاع في درجه الحراره والجو فالكويت الحين بارد جدا فكيف تترك الجرو فالبرد الله يهديك بصراحه انا ما اثق في هذا الطبيب ومرض البارفو اعراضه تحتاج الى تحليل مو بالتشخيص فقط انا اقولك اطمن ولاتقلق وان شاء الله يخف الكلب روح لأي بيطري آخر ولا ترجع للبيطري السابق واشرح له السبب أنك تركت الجرو فالبرد و و و و وركز على حراره الكلب ولا تتركه في مكان بارد ومكشوف وخلال هذه الأيام لابد ان يكون مكانه دافي والماء بجانبه والدواء حافظ الحراره >> خذ الوصفه من البيطري واكيد الكلب خسر املاح فلابد انك تشرح للبيطري وتاخذ منه العلاج |
رد: اشتباه بارفو :(
اضم صوتي لصوت اخوي بوخليفه
في شغله نفس مقياس الحراره للكلاب تدخل في فتحة الشرج و عند اخراجها اما تكون النتيجه سالب او موجب اذا كان سالب يعني المرض غير موجود و اذا كان موجب يعني المرض موجود خصوصا البارفو و الدستمبر جوابه يكون يا اي او لا.... ما ينفع يقولك احتمال موفق |
رد: اشتباه بارفو :(
الاخوان جاسم والرازم ماقصرو
انشاء الله يقوم بالسلامة |
رد: اشتباه بارفو :(
اضم صوتي للخبراء
اي طبيب يقولك احتمال ومدري ايش حاول تبعد عنه روح ابيطري يكون متأكد من كلامه ١٠٠٪ واكيد داخله برد المفروض ماتتركه فالحوش بالبرد حاول تتدارك الوضع قبل لا تتدهور صحته مايشوف شر |
رد: اشتباه بارفو :(
اخوي شوف هذا موضوع عن البارفور
اقراه وراح تعرف انو كلبك انششاء الله بعيد عن هذا المرض http://www.2zoo.com/vb/showthread.php?t=1619 وانا اقول ان كلبك برا ذا لامرض وانا اقول لك لا ترجع لـ هذا الطبيب .. تحياتي لك اشكر الخبراء على الرد |
رد: اشتباه بارفو :(
مشكورين جميعا عالردود
لكن يا جماعه الكلبه ما تاكل ولا تشرب ماي و ترجع حتولت امس اشربها ماي شريت رشفتين و رجعتهم على طول والكلبه فيها خمول مو طبيعي جربت انوعلها بالاكل من دراي فود لي لحم لي دجاج ما اكلت شي كلش ؟! وان شاءالله ما يكون بارفو ! |
رد: اشتباه بارفو :(
اخوي انصحك توديها للبيطري حالاً
|
رد: اشتباه بارفو :(
المشكله ان كل المستشفيات البيطرية الي اعرفها ماتفتح الجمعه
الحين قاعد اعطيه ماي و اكل (سائل) عن طريق الابره بالغصب ! وننطر لي باچر ونشوف البيطري شيقول ؛/ |
رد: اشتباه بارفو :(
دام الكلب ما ياكل ولايشرب
ضروري تعطيه محلول جفاف الخاص بالاطفال تحصله بالصيدليه البشريه وتعطيه عن طريق السرنجه الطبيه عطه على كثر ماتقدر كل ساعه تقريباً بمقدار ( ٣ ملم ) |
| جميع الأوقات بتوقيت GMT +3. الساعة الآن 12:47 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو