ساعدوني ياشباب الكاسكو صار يكرهني
 

السلام عليكم ورحمة الله وبركاته

شباب أنا عندي كاسكو عمره فوق السنتين تقريباً وكان يحبني ويرجع أكله لي بس مايطلع على

يدي وحاولت معه كذا مرة اعلمه بس بعدها صار يكرهني ويعضني كل ماحاولت أقرب يدي مع إني

كنت أحك له راسه وأعطيه أكل بيدي الحين أبد مافيه فايدة ..

هل فيه طريقة أخليه مثل أول يحبني ولا خلاص مافي أمل ؟؟

سؤال ثاني ياشباب اليوم وأنا أحاول أمسكه طار وصقع راسه بالباب ونزل ريشه ودم خفيف

كيف أعرف إنه سليم ومافيه شيء مع إني أشوفه عادي ويحرك راسه ويسولف ولا كنه إنضرب

مع إن الضربة كانت قوية وهو طاير بسرعة ..

شكراً لكم ..

رد: ساعدوني ياشباب الكاسكو صار يكرهني
 

وعليكم السلام ورحمة الله وبركاته


اخوي بخصوص انو الطير بدأ يكرهك فهادا شي ما يخوف كل اللي عليك تسويه
اعادة تدريبه من اول وجديد بس رح يكون اسهل من اول وخل معاك الاكله المفضله عنده ووقت ما يسوي اللي تبغاه عطه هي مكافأه

بأختصار اعادة دريب للطير ما بتاخذ منك يومين او كم ساعه


اما بخصوص الضربه في راس الطير
دام الطير نشيط ما عليه خوف ان شاء الله وبخصوص الجرح طهره له ويومين وهو ملتأم


بالتوفيق يا غالي

رد: ساعدوني ياشباب الكاسكو صار يكرهني
 

مايكره الطير راعيه هو بس خذ منك موقف

طلعه من الشبك وخله يمشي في البيت عادي وخله يعضك عضه وخل يدك ثابته بعدين شوي شوي امسح له


اما بخصوص الدم اذا كان شوي رش الجرح بمويه دافيه وملح خفيف مره لاتكثر وويوقف

واذا كثيبر لا وده لطبيب افضل لان في بخاخ معروف للدم الببغاء

رد: ساعدوني ياشباب الكاسكو صار يكرهني
 

غير له القفص قد يكون غير نظيف او له رائحه فهي تؤثر بالطائر
او غير مكانه
واترك لك مساحة من الوقت للعب معه

رد: ساعدوني ياشباب الكاسكو صار يكرهني
 

اهتم في شوي

رد: ساعدوني ياشباب الكاسكو صار يكرهني
 

الله يجزاكم خير ياشباب بحاول أطبق كل نصايحكم إن شاء الله وأنا بديت فعلاً أخصص له وقت يومياً نص ساعة

ولاحظت عليه كنه متردد يجيني ولا مايجيني بس بحاول معاه والطير غالي علي مرة والله بس المشاغل

خلتني أنساه ولا كنه موجود بالبيت وأعتقد إنه صار يحب أخوي ويصفر له إذا جاء وهذا خلاني أهمله بعد

مشكورين ياشباب يعطيكم العافية ..

رد: ساعدوني ياشباب الكاسكو صار يكرهني