|
عقدتني والله عقدتني !!!
السلام عليكم و رحمة الله و بركاته اخواني انا اشتريت جرو ( قولدن ريتريفر ) عمرها شهرين و نص حاليا .. اول اسبوعين علمتها عالحمام تبعها حطيت لها بزاويه مثل الحاجز مفتوح من طرف واحد فقط .. وحطيت فيه جرايد و اشتريت السبراي الخاص بحمام الكلاب عشان تعرف انو هذا حمامها .. مع الايام تعودت تقريبا و صرت بعد الاكل بعشر دقايق اناديها لحمامها و تدخل و تشخ او توسخ و انتو بكرامه .. عدا الوقت اللي اكون فيه برا البيت او نايم الا الاقي شطحات منها يمين و يسار .. اليوم و امس .. مش راااااضيه ابدا ابدا ابدا تشخ او تسويها داخل مكانها .. احطها فيه و اوقف عندها و تعند و تطلع و ارجعها و تطلع و عالمنوال هذا .. و اصرخ عليها ( NO ) و ارجعها و مافيه فايده و حبستها عشر دقايق و مافيه فايده .. بمجرد ما اطلعها تلف لها لفتين و تشخ بنص الصاله .. صراحه انا تعقدت بمعنى الكلمه و مو عارف ايش اسوي .. قريت اكثر من موضوع و سويت بحث بقوقل بالمواقع العربيه و الاجنبيه و سويت اللي يقولون .. لكن مامن نتيجه .. نصايحكم تكفوون .. << اسف عالاطاله بس و الله اكتب من قهررررر فيني :confused: |
رد: عقدتني والله عقدتني !!!
وعليكم السلام ورحمة الله وبركاته
الموضوع بسيط يالغالي الجرو الى الآن صغير وقدرته على الحبس ضعيفة أنت بالوقت الحالي لازم تكثف مراقبتك لها وخصوصاً بالأوقات المعروفة بالتبرز مثل الأستيقاظ / بعد الأكل / بعد اللعب النشيط ووقت خروجك المفروض اهي تكون بالمكان الخاص فيه فترك الجرو في حالة سيبان بالبيت يعمل مشاكل كثيرة ومع الوقت راح تتعود ومافيه مانع تتركها بالمنزل ولاتعاقبها بمجرد انك ترجع وتحصلها (( عملت عمايلها )) :D العقاب أفضل وأسلم يكون بالوقت الي تكشفها فيه الموضوع محتاج صبر وتشجيع منك لاتشغل بالك |
رد: عقدتني والله عقدتني !!!
مشكور يالغالي عالرد السريع .. والله ان عيوني عليها وين ماتروح و تجي .. وقت ما تصحى من نومها + بعد اللعب ( كنت ) مسيطر عالنقطتين هذول و مجرد ما اناديها تجي و تدخل مكانها و تشخ فيه .. الحين لا والله ماااا حولك احد ابد .. !! وبالنسبه لبعد الاكل ف هي من النوع اللي تطوووول مش مثل ما قريت انو خلال ربع ساعه لنص ساعه مفروض يجي وقت التبرز حقها ،، هذي مالها وقت ابد .. !! وبالنسبه لوقت طلعتي من البيت ، مكانها الخاص قصدك اللي توسخ فيه ؟ اذا هذا قصدك ف الحواجز اللي حاطها انا مو عاليه كفايه و تعلمت كيف تطمر من فوقها + تنبح كثيررر لما احطها جوا .. و ما اعاقبها عالشطحات الماضيه ،، بس عالشطحات اللي تكون قدامي .. والله تعبت يالغالي :( |
رد: عقدتني والله عقدتني !!!
اخوي هل تكافئها بعد ما تسويها في المكان الصحيح ؟
هذا الجزء مهم ولازم تشعر فعلا بقيمة المكافئه .. اما اذا كنت تمسح عليها طول اليوم و تعطيها الاكل طول اليوم وبعد ما تسويها بالمكان الصحيح تروح تمسح عليها او تعطيها اكل .. ما راح تعرف ليش انت سويت لها كذا . راح اوضح لك اكثر .. الكلاب تفهم شيئين .. يا اسود يا ابيض وانت لازم تتعامل معهم بهذه الطريقه عشان يفهمون معك الشي اللي انت تبيه . لا تعطيها مكافئات بدون ما تسوي شي انت تبيه .. ولا تمسح عليها طول الوقت عشان يكون لمكافئتك قيمة .. استخدم نقانق او قطع جبن او اي شي يعشقة الكلب غير اكله المعتاد عليه .. هذا ايضا من شآنه ان يجعل لمكافئتك قيمه . الشي الاخير .. اجبار الكلب بالدفع على ان يدخل مكان قضاء الحاجه يجعل الكلب يكرررره هذا المكان مستقبلا لذلك انصحك انك تكون مركب عليه الطوق . و اول ما تشوفه يلف حول نفسه ويشم الارض وناوي يعملها ركب عليه الليش و روح فيه للمكان اللي تبيه واذا وصلت تجاهل الجرو تجاهل كاااااامل ولا تطالع فيه ساعده اذا استوجب الامر في المكان و ان شاء الله تظبط امورك . |
رد: عقدتني والله عقدتني !!!
المكافئه موجوده اخوي و هي تحبها بشكل مو طبيعي و اعطيها اياها لما تعملها بالمكان الصحيح - فقط لا غير - و امسح عليها و ادلعها .. وبالنسبه للاكل ف انا محدد لها 3 وجبات باليوم مش طول الوقت الاكل قدامها .. و المكافئه مشتريها من محل الكلاب و هي عباره عن اصابع مثل الشوكليت .. وراح اجرب الجبنه و النقانق انشالله .. اخوي بالنسبه للطوق ، قصدك اسحبها بشويش للمكان اللي ابيها توسخ فيه ،، و اربط الليش بحدود هالمكان و اتركها لحد ماتخلص ؟ طيب هي دوم تنبح لما تحس انها محجوزه و تسوي قلق وازعاج .. هالشي عادي ؟ |
رد: عقدتني والله عقدتني !!!
لا يالغالي ما تربطها عند مكان التوسيخ .. في الحقيقه انا مو فاهم كيف مكان التوسيخ حقك
جالس اتخيله كانه سجن !! انا بوريك صورة من عندي انا سويتها لجرو عندي الحين وهو في مرحلة التعليم على مكان التوسيخ و اموره الى الان غير مستقره مره يسقطها تمام مره يجيبها قريب :S عموما تقدر تسوي نفس الفكره او فكره مقاربه . والمفروض انك لما تشوفها تبحث عن المكان المناسب للتوسيخ على طول تاخذها بالليش للمكان اللي انت تبيه و توقف معها هناك وتتجاهلها الين تخلص شغلها بعد ما تخلص تمااااما وتتاكد انها خلصت مره تشجعها وتكافئها . ولاتنسى تعطيها الامر مره او مرتين -- Do your bussnis .. get busy او شي من هالقبيل . وهذي صورة لمكان وساخة جرو اكرمك الله . http://i.imm.io/eRE1.jpeg |
رد: عقدتني والله عقدتني !!!
لا يالغالي مو سجن هههه ،،
دقيقه اصورلك اياه ،، برب ،، |
رد: عقدتني والله عقدتني !!!
هذا هو المكان حقها بزاوية الصاله ( حاليا ) ..
http://f.cl.ly/items/440g31031y1c0x1...0119-00008.jpg وبعد مايزين الجو و يدفا احتمال اودي حمامها للبلكونه ( لاني حاليا بالاردن و الجو مره برد ) .. شوف عند الكتب كيس المكافأه حقها اسمه ( سمارت ريوارد ) .. والمشكله عندي انو لما اشوفها تشمشم و اعرف انو وقت حمامها و اناديها و تجي لعند حمامها ،، تشمشم جواته وتطلع ماتبيه ،، ليش مدري .. |
رد: عقدتني والله عقدتني !!!
ممتاز .. حط لها داخل شي يميز المكان .
انا استخدم الرمل حق الليتر بوكسس حق القطط . هذا الشي ممكن يساعد شوي . الاجانب يستخدمون عشب صناعي .. التراب + العشب هذي الاماكن افضل من الصبه او السيراميك. |
رد: عقدتني والله عقدتني !!!
هي حاليا تفضل السيراميك على الجرايد ..
ابجرب و اجيب لها رمل القطط و انشالله يسوي نتيجه .. تسلم يالغالي و بوافيك بكل جديد و معليش غلبتك معي بس هذي التجربه الاولى لي مع جرو .. |
| جميع الأوقات بتوقيت GMT +3. الساعة الآن 09:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو