|
عاجل وهام جدا شي غريب ادخلو وافزعوا
بسم الله الرحمن الرحيم
اخواني الاعضاءءء الله يسعد اوقاتكم بالخير والمسسسرات شباب حصل امرررررر غريب جدا على الاقل بالنسبه لي ويمكن بعضكم بخبرته يعرف القصه وياليت تفيدوني حصلت قبل يومين في قفص الدجاج اجلكم الله ذروق لونها اسود داكن استغربت !! ومشيت الموضوع .. لكن اليوم حصلت الذروق منتشره في القفص .. ذروق = براز الدجاج ... يمكن بعض اخوانا في الاردن ما يعرفون المعنى بعدين يا شباب لونها اسسسسسود وكأنها قارررر يعني اسفلت والريحه مره تعبانه يا شباب انا ما ادري وش السالفه هل هو مررررررررررررض ؟؟ او ايش بالضبط ويا ليت تعطوني وصفه ماذا اعمل بالضبط هل ابحث عن الدجاجه اللي تذرق اسود واعزلها نصايحكم تكفووووووووووووون |
رد: عاجل وهام جدا شي غريب ادخلو وافزعوا
وعليكم السلأآم ورحمهّ الدجاج كيف صحته ؟ وعندك دجاجه راجنه على بيض ؟ |
رد: عاجل وهام جدا شي غريب ادخلو وافزعوا
الدجاج صحته كويسه .. يعني ما حصلت دجاجه ترجن بكل مكان وشكلها تعبان ابدا ابدا
وبالنسبه للرجن نعم مرات احصل في المحاكر دجاج راجن على بيض بس الجو بارد انا اخذ بعض البيض واخلي بيضتين وعلى هالحال كل ما كثر البيض اخذت وخليت لها بيضتين يا ليت الشباب يفيدووونا لا يبخلوون علينا تراني هااااااااااوي جديد ومربي جديد |
رد: عاجل وهام جدا شي غريب ادخلو وافزعوا
الدجاج إيش أكل :confused:
|
رد: عاجل وهام جدا شي غريب ادخلو وافزعوا
يااخي ليه تاخذ البيض وتخلي لها بضتين ؟ طريقتك خطا خليها ترجن على البيض سوى برد ولا مو برد الدجاج يرجن دام شفت دجاجه ترجن لو ساعات بتلاحظ خروج الدجاج وانتو بكرامه كبير وله رائحه عكس خروج الدجاج العادي وهذا امر جدا طبيعي دام دجاجك بصحه جيده ومافي اي علامه مرض مثل الخمول والانعزال ونفش الريش وغيرها من الاعراض وهم بعض المرات بسبب الاكل |
رد: عاجل وهام جدا شي غريب ادخلو وافزعوا
بالنسبه للأكل عندهم شعير واكثر الاحيان اعطيهم بقدونس + خس على فترتين في اليوم + الباقي من الرز تبع الغداء .....
اخوي كوكاتي بالنسسبه لموضوع البيض .. بصراحه ما فهمت عليك هل اخلي الدجاج يرجن والبيض يبيض يعني هذا قصدك ؟؟ انا اخذ البيض ما ابغى في الجو البارد يفقس البيض تعرف الصيصان حساسين ويحتاجون لرعايه واجواء .. عندي ديك توه بلغ وصار يصيح ويأذن والدجاج عددهم 7 ........ هل الديك كافي لـ7 دجاجات من ناحية تلقيح البيض ؟؟ انتظرررررررررر ردودكم |
رد: عاجل وهام جدا شي غريب ادخلو وافزعوا
انا افضل الخس بين فتره وفتره والبقدونس ماشوف له فايده لو تستبدله بطماط افضل يفضل الدجاج الطماط ويحبه وباقي الغدا انتبه مايكون فيه دجاج ولا لحم هذا افضل لهم والله بالعكس انا اشوف انتاج الشتا احلى بس الي عليك توفر عشه صغيره تغطيها بالخيشه بالليل والام مراح تقصر راح تدفيهم واذا عندك امكانيه تحط لهم [ لمبه ] انا اشوف انتاج الصيف يكون دايما مصاحب الامراض اما الشتا افضل واذا ماتبي الدجاج يرجن عليك تشيل كل البيض ماتخلي ولا بيضه اعتقد عندك ديك غير هالديك واعتقد توه بالغ يبيله 3 شهور حتى يكون التلقيح افضل لانه بعمر صغير الدجاجات ترفضه وتضربه واذا صحته جيده تكون نسبه التلقيح جيده |
رد: عاجل وهام جدا شي غريب ادخلو وافزعوا
بعد شهر-شهرين ممكن يلقحهم كلهم و إذا كان فحل ممكن من البداية يلقح 7 لأنه الديك الكبير يلقح تقريباً 10 دجاجات بس ممكن يقدر لأنه صار يصيح:)
|
رد: عاجل وهام جدا شي غريب ادخلو وافزعوا
البقدونس مصيبة حاول لا تأكل الدجاج منه لانه يقطع إنتاج البيض :wao:
|
رد: عاجل وهام جدا شي غريب ادخلو وافزعوا
وبخوص الديك ما فيه مشكلة يلقح بهالعمر :88:
بس كم عمر الدجاج إذا عمره أكبر من الديك :confused: لازم تنتظر شهرين بالكثير لضمان التلقيح :freind: |
| جميع الأوقات بتوقيت GMT +3. الساعة الآن 11:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو