منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة الكروان (http://www.2zoo.com/vb/forumdisplay.php?f=96)
-   -   سلآمـ عليكمـ .. (http://www.2zoo.com/vb/showthread.php?t=253071)

كل الدلع 08-01-2012 01:34 AM
سلآمـ عليكمـ ..
 
ممكن اعرف كيف لو ابغى اشيل محجل من رجل فرخ؟؟..

وينفع اعطي فرخ 3 شهور خلطه ثوم وليمون ولالا؟؟..

والبرتقآل ينفع يآكله ولالا:D

وشكرآ وجزآكم الله خير^^

ابو ريمان 08-01-2012 01:57 AM
رد: سلآمـ عليكمـ ..
 
اقتباس:
المشاركة الأصلية كتبت بواسطة كل الدلع (المشاركة 2418197)
ممكن اعرف كيف لو ابغى اشيل محجل من رجل فرخ؟؟..

اختي اعذريني على السؤال ماله داعي انك تشيلين الحجل خليه
لكن اذا انتي مصممه تبين تخرجين الحجل اعذريني ماراح اقدر افيدك لأني ماعمري فكرت اني اشيل حجل من رجل طير ,, لأنه ماتفرق معاي بالعكس يكون احسن وافضل انه محجل


وينفع اعطي فرخ 3 شهور خلطه ثوم وليمون ولالا؟؟..

ينفع يا اختي ليش ما ينفع لكن من وجه نظري شخصيا ما انصحك بإعطاااء
لأن قطرات الليمون الزائده مع تخمير الثوم الزائد راح تأتي بضرر لطير
انا من الناس اللي كنت اعطي الثوم يالليمون للطيوري
وتركت هذا العمل يا اختي لأن الثوم اذا تخمر تخمير زائده عن حده يصير متسمم للطير
وتجيب اسهال للطير
لازم تكوني مجربه هذا الشي من اول لأن تخمير الثوم ماهي بالبساطه بدقته
نصيحتي اتركي الثوم يالليمون عليكي اهتمام الطير من ناحية الاجواء والتغذيه
السبانخ يا اختي تقوي مناعة الطير والشوفان ياريت تهتمين في هذه الاشياء


والبرتقآل ينفع يآكله ولالا:D

ينفع اختي اذا تقبله كويس اعطيه اختي

وشكرآ وجزآكم الله خير^^
ويجزاكي كل خير

كل الدلع 08-01-2012 02:03 AM
رد: سلآمـ عليكمـ ..
 
الله يسعدكـ اخوي انآ فكرت اشيل الحجل لان مآعليه اسم الفرخ^^

وبالنسبه للخلطه قد عملتهآ قبل بس كآنت لطير بآلغ فبلآشي دآم انهآ شي يخوف:64:

وبإذن الله بغذيه مزبوووط:D

ربي يعطيكـ العآفيه ^^

طير المملكة 08-01-2012 10:06 AM
رد: سلآمـ عليكمـ ..
 
السلام عليكم ورحمة الله وبركاته

بالنسبة اختي العزيزة عن الحجل لو الطير وليف اسهل شيء انك تمسكينه زين
وتاخذين كتر الي يستخدم لقطع الستيل وما الى ذالك وتحاولين شوي شوي
تقطعين فيه الى ان تخرجينه لاكن حذاري على رجوله

اما عن ثوم الليمون هو مفيد جدا جدا ولاكن مثل ما خبرك الغالي بوريمان
المشكلة في التخمير او قطرات الليمون

اذا كنتي تبغين تعطينه ثوم وليمون للوقاية من الامراض
فنصيحتي حطي له كم قطرة ليمون في الماي الي يشربه بحيث ما يكون حامض
بس نسبة قليلة من الحموضه ومع الاكل حطي له ثوم مبشور
وهكذا نتخلص من مشكلة التخمير والليمون الزائد

بالنسبة عن البرتقال ينفع لكثرة الفيتامينات فيه
واذا ياكله شيء جميل

اي شيء فيه فيتامينات وفوائد ينفع تعطينه دامه مفطوم
بيض مسلوق وخضراوات وفواكه والخبز وقشور البيض الغير مطبوخ وظهر الحبار
كلها مفيده للطير لتكوين الجسم

وبالتوفيق


جميع الأوقات بتوقيت GMT +3. الساعة الآن 03:06 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو