ضرووووري بخصوص تدريب الكاسكو
 

السلام عليكم

عندي كاسكو عمره تقريبا 10 شهور .. و عندي من 3 شهور ..

الببغاء يصفر وياكل من اليد ويسمح تمسك منقاره بس ما يرضى تلمسه او تحك راسه
حاولت بس ما قدرت اولفه .. طفشت صراحه وفكرت ابيعه

مين يعرف مدرب بالرياض ؟ ابي مدرب يولفه يصير امسكه ويطلع على يدي ..
تكفوون اللي يعرف مدرب لا يبخل علينا .. يرسل لي اسمه ورقمه او مكانه

واذا في حد مستعد يولفه مافي مانع بس يضمن لي وطبعا كل شي بحقه .. يقوول لي كم يبي وانا حاضر ..



يعطيكم العافيه ،،

رد: ضرووووري بخصوص تدريب الكاسكو
 

السلام عليكم

اخوي حاول ان تجرب معه طريقة المنشفه

والافضل لك انك انت بنفسك تدربه وتعلمه الكلام

وبعد ان يطمئن لك الطير راح تشوف منه الي يسرك ان شاء الله

رد: ضرووووري بخصوص تدريب الكاسكو
 

حاولت و ما عرفت له ،،

تكفووون حبيته مابي ابيعه واجيب بداله هولندي عشان هالسبب ،، اللي يعرف لا يبخل علينا

رد: ضرووووري بخصوص تدريب الكاسكو
 

يالغالي والله المفروض تحاول انت تولف طيرك بنفسك ولازم تتحمل العض المشكله انا بشرقيه ولا اقدر اخدمك في توليفه ومجانا بعد والله لاني احب ترويض الببغاوات

رد: ضرووووري بخصوص تدريب الكاسكو
 

يعطيييك العافيه بس عجزت و خفت اتعبث فيه ويكرهني .. ليتك بالرياض :(

انا لو في امل اني اولفه ما نزلت الموضووع .. ٣ شهور عندي و ما عرفت له ..
لو تعرف حد بالرياااض بتسويلي خدمه ما انساها ولا انساك من الدعاء

رد: ضرووووري بخصوص تدريب الكاسكو
 

السلام عليكم اخي الفاضل

نصيحتي لك ولف طيرك بنفسك وانت قلت طفشت وهذه اكبر غلطه في موضوع الترويض

افتح مواضيع الترويض المتوفره بالمنتدى وابدا خطوة خطوة ولا تنتقل للخطوة الثانيه الا عند نجاح الخطوة الاولى بشكل كامل وان لم تنجح استشير وما خاب من استشار

تقبل مروري واتمنى ان اكون قد افدتك

تحياتي

اخوكم \ بلاك بيري

رد: ضرووووري بخصوص تدريب الكاسكو
 

يا اخواااان انا لو بولفه ما نزلت هالموضووع .. اللي يقدر يفيدني لا يبخل ..

قالوولي بسوق الطيور "بالرياض" بلقى ناس تولفه بس ابي اتاكد اول *

رد: ضرووووري بخصوص تدريب الكاسكو
 

لك رسالة على الخاص ،..

رد: ضرووووري بخصوص تدريب الكاسكو
 

أخوي انا بغبغاني كان نفس حالة بغبغائك

و صرت امسكة بالمنشفة تقريبا كل يوم خلال اسبوع

ذحين عايدي أحد يمسكة غيري انا خخخخخخخخ

كل ما يشوفني يجعر

بس اشوفة مع الأطفال حنين يعني الأطفال سبحان الله ما يعضهم ولا يأذيهم إلا قليل

و هو في سببين ما يخلي البغبغاء يتروض

1 - ان صاحبة ما يكون عندة صبر و يبغاه سرعه يتكلم و بسرعه يتألف عليه

2 - ان صاحبة يخاف منه يعني خلية يعضك مرة مرتين ثلالثة بعدين يطفش يعرف انه مافي فايدة من العض

رد: ضرووووري بخصوص تدريب الكاسكو
 

يالغالي من الافضل انك انت تروضه عشان بعدين تعرف تتعالم معه وتعرف تدربه وتحس انك سويت انجاز ويتعود على الطير اكثر
والببغاوات في الترويض يبيلها
صبر
صبر
صبر
صبر
ما عندك صبر ما تقدر تروض وتدرب
يالغلا انت شوف المواضيع وشوف طريقه الترويض وان شاء الله يتقبل معك
تقبل مروري