|
قطتنا ولدت وجابت 2 بس ><
السلام عليكم ورحمة الله وبركاته
قطتنا الجميلة الحمدلله اليوم الصبح ولدت بالسلامة ... يمكن ساعتين او اقل استغرقت ولادتها والحمدلله انو ماحصل اي تعسر خصوصا لو حصل تعسر احنا ماعندنا خبرة .. هيا نونوت الفجر اليوم واختي جلست عندها شوية وشوية انا .. لين ما جابت 2 ووقفت على الساعة 7 .. وانتظرنا للساعة 9 .. قلنا مو معقولة بس 2 =( كان عندنا امل تجيبلنا 4 .. لكن الحمدلله على سلامتها اهم شيء بس عشان بطنها مرة كبير اتوقعنا كدا .. وقلنا يمكن تكمل الولادة بعدين .. بس شكلو خلاص لانها نقلت عيالها لكرتونة تانية .. المهم .. انها لسه تنونو ومحنا عارفين ايش تبغى ..مرة نعطيها اكل ومرة نجلس عندها شوية ومرة نغير لها الكرتونة عشان تحط الكيتنز .. لانو الكرتون الحالي صغير شوية .. تنونو وتجي عندنا مدري ايش تبغى .. مع العلم احنا ما نخرجها من الغرفة عشان عندنا قط ذكر وما نبغى نقلقها .. ايش اسوي لها وليه تنونو .. ؟؟ كمان غير الدجاج المسلوق ايش نعطيها خصوصا عشان الكيتنز الصغيرة .. بس هما ماشاء الله تبارك الله صحتهم مية مية ولهم كرشة صغيرة ^_^ الحمدلله بس نفسي اعرف ايش سبب النونوة اللي كل شوية تصدرها ... قلنا يمكن بتغير الغرفة بس ماينفع ,,, عشان لا توسخ لنا الغرف الباقية وسؤال اخر : دحين الكرتونة اللي ولدت فيه .. خلاص ارميه ولا اخليه ؟؟ الكيتنز طلعو سود مع انو هيا كاليكو وقمر .. كنا نتمنى واحد يطلع شبههاا بس الحمدلله على كل حال شيء تاني .. طبعا احنا ما نظفناها ولاروشناها عشان الكيتنز عارفين ريحة امهم .. هيا المفروض تنظف نفسها صح ؟؟ بطنها احسه لسه منفوخ شوية .. كنت بحس عليه .. لو في كيتنز تانية او لا بس ما عرفت .. عادي ولا فيه شيء؟ والكيتنز متى نقدر نمسكهم ؟؟؟ نفسي اشيلهم .. في حاجة كمان كنت احط لها في الاكل زيت زيتون واحس الكيتنز ماشاء الله شعرهم كثيف مع انهم لسه ولدو لهم كم ساعة بس .. استمر عادي على زيت الزيتون لاكلها ولا اوقف؟ طبعا الاب مجهول الهويةواللون والنوع للاسف.. بس نتوقع لونه اسود عشان طلعو هما سود والله اعلم , اي نصايح اخرى بخصوص القطة الوالدة اتحفوني |
رد: قطتنا ولدت وجابت 2 بس ><
وعليكم السلام ورحمه الله
الف مبروك وحمدالله على سلامتها ويتربوا فى عزك ان شاء الله بالنسبه انها بتنونو خليها فى غرفه هاديه وهدى النور ومدخليش عليها اطفال وخلى قدامها الاكل والمايه والتنظيف هى هتنضف نفسها والكيتن انتى بس غيرى لها الفرشه الى ولدت عليها واكليها خضار مسلوق جبنه دراى فود جميع الاكل الى بتاكله عادى بس زودى الكميات لان شهيتها بتكون مفتوحه اكتر وطبعا الفيتامينات مهمه جدا فى الوقت دة وبلاش اللبن او بكميات بسيطه جدا عشان ميسبب اسهال اه ارمى الكرتون القديم مالوش لازمه خلاص اكيد بطنها منفوخ عشان لسه والدة عادى هو انا بمسك الكيتن اول مايتولدوا عادى عشان قطتى بتحبنى وبتثق فيا مش عارفه علاقتك ايه بقطتك فى قطط لما تمسكى الكيتن مش بترضى ترضعهم فى كل الاحيان البسى جونتى فى ايدك وشيليهم استمرى على زيت الزيتون بس قللى الكميه عشان ميجلهاش اسهال النصيحه ممنوع الاستحمام نهائى ليها او للكيتن واهتمى باكلها وغيرى الفرشه الى نايمه عليها كل يومين وربنا يخليهمك يارب |
رد: قطتنا ولدت وجابت 2 بس ><
ماقصرت مشرفتنا بالرد على استفساراتك
واحب اضيف نقطه مهمه: الام اذا كانت متوتره ونونو كثير ..هنا تكون غير مرتاحه في مكانها ومو حاسه بالامان لذا نصيحه ابحثي عن مكان منغلق وبعيد عن الازعاج لان الام عاده اذا مااتراحت ..تقوم بحمل الكيتن والبحث عن مكان امن بنفسها |
رد: قطتنا ولدت وجابت 2 بس ><
شاهستا وناديا ربنا يبارك فيكم يارب.. جزاكما الله خيرا ,,
الحمدلله مسكت الكيتنز وماعملت حاجة كانت مطمئنة ^_^ بس على فكرة لاحظت عندها ارتفاع في الحرارة .. مو بشدة لكن حرارتها مرتفعة نوعا ما .. عادي لانها والدة ولا مشكلة ؟؟ بس زي ماقالت ناديا شكلها مو مرتاحة في المكان .. مع اننا لو جلسنا معاها بتطمئن .. ما تبغى تجلس لوحدها,,, لو رحنا تقعد تنونو ,,, في سؤال اخر .. هيا قبل كدا ولدت وجابت برضو 2 ,,, هل المعنى انو هيا خلفتها بس 2 .؟ او بطنها صغير ما يسع لاكثر من 2 ؟ ولا الامر لايتعلق لا بكدا ولا كدا؟؟ واشكركم جزيل الشكر,, |
رد: قطتنا ولدت وجابت 2 بس ><
اديلها مخفض للحرارة عشان متتعبش
لان الكيتن محتاجينها طبعا ربنا يشفيها بالنسبه انها ولدت اتنين عادى جدا ممكن المرة الجايه تجيب 3 او 4 او 1 ^ ^ مش شرط اهم حاجه يكونوا صحتهم كويسه وبخير |
| جميع الأوقات بتوقيت GMT +3. الساعة الآن 02:25 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو