|
ارجو المساعدة
قطتى شيرازى مون فيس عمرها 3 شهور ة نصف ضعيفة جدا و نحيلو و اكلها قليل جدا مع انى انوع لها فى كل انواع الاكل البيتى و الدراى ةكسولة جدا ولا تتفاعل معى ولا حتى عمرها اتمسحت فيا و تقريبا ما بتنونوش خالص وديتهل للدكتور و كتبلها فيتامين مالتى سانوستول حديد بس برضو زى ما هى ارجوكم ساعدونى انا مش عارفة اعمل اية عايزة حاجة مقوية بسرعة انا خايفة عليها اوى
|
رد: ارجو المساعدة
القطة شكلها مريضة
هل هو مجرد كسل ولا خمول ونوم كتير لأن القطط في السن ده بتبقى بتحب صاحبها قوي ونشيطة جداً في حالات شبه كده بس بتكون القطة لسة متفطمتش ومكتئبة لكن قطتك مفطومة |
رد: ارجو المساعدة
هى عندى بقالها شهر و نصف بس كانت احسن من كدة شوية اول ما جت انا عايزة حاجة تقويها بجد مش عارفة اعملها اية
|
رد: ارجو المساعدة
ربنا يخليهالك ويحفظها من شر المرض
حطيلها فيتامين ب المركب شراب على الأكل ملعقة صغيرة على الأكل المطبوخ مرتين أسبوعياً واديها فيتاسيد فيتامين سي الفوار وقاية عشان الشتا ربع قرص تدوبيه في شوية مية وبالقطارة كل أسبوع فيتاسيد كمان ينفع للبرد لو جالها رشح لا قدر الله انا بديهم لقطتي وصفتهم دكتورة والحمد لله صحتها كويسة ومتزوديش الجرعة بس برضه شاكك ان هي عندها مرض بسبب الكسل يارب تكون سليمة عموماً خدي بالك منها وقفلي منافذ الهوا ومتنيميهاش عالأرض وأكليها كويس فراخ + كبدة + سمك + بيض + جبن + سيريلاك بالقمح أو بالرز |
رد: ارجو المساعدة
انا بجد متشكرة اوى على اهتمامك بس المشكلة انها مبترضاش تاكل
|
رد: ارجو المساعدة
اقتباس:
العفو على ايه ده واجب وأهلاً بيكي في المنتدى بصي انا قطتي لما كانت في العمر ده كنت فاهم زيك برضه بس اكتشفت ان القطط الصغيرة ملهاش مواعيد ثابتة للجوع والوجبات ممكن كل ساعتين تجوع وتجيلك عايزة تاكل وتاكل حبة صغيرين برضه حاولي تنوعيلها في الأكل وجربي معاها الحاجات اللي القطط بتتجنن عليها زي السمك والكبدة والسيريلاك والجبنة النستو ولو مكلتش أكليها بايدك واغريها بالأكل وحاولي ومؤقتاً خديها اوضة لوحدكو وأكليها لأن القطط في السن ده اي حاجة تلفت انتباهها عن الأكل |
| جميع الأوقات بتوقيت GMT +3. الساعة الآن 05:25 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو