|
القط يعطس
مرحبا .. اشحالكم ؟؟
اتمنى خبراء القطط يفيدووني بخصوص موضوعي: عندي قط عمره شهرين او اقل ب 5 ايام صحته جيدة الحمدلله وياكل بس مشكلته يعطس وايد ، اخاف بس يكون زكام وبعد تجيه حرارة :( مع العلم انا مافتح المكيف ابدا ابدا حتى بالليل اطر انام من غير مكيف عشانه بس. |
رد: القط يعطس
اهلين
لو يعطس وانفه فيه سيلان اعطيه بيتاموكس ربع القطاره كل 12 ساعه لمده خمس ايام ولو ماتحسن ل7 ايام واذا بس عطس بدون اعراض لاتعطيه شي الااذا حسيته خامل وماياكل |
رد: القط يعطس
يعطس من غير سيلان لاكن فيه شوية خمول بس ياكل عادي
في علاج مانع العطس؟؟ انا اخليه يشم الفيكس شوي |
رد: القط يعطس
اعطيه بيتاموكس
الفيكس ماينفع للعطس الفيكس ينفع لما يكون الانف مسدود تخلط ملعقه مع مويه حاره وتخليه قريب منه بحيث يستنشق شويه من البخار ويفتح الانف |
رد: القط يعطس
ماله اثار جانبية ؟؟
|
رد: القط يعطس
هو بس عطس من غير سيلان وشوي بس خموول
والشهيه مفتوحه عادي هل بالضرورة الدوا؟؟ واذا ماعطيته هل من الممكن تزيد المشكله ولى يتعالج بنفسه منها ؟ |
رد: القط يعطس
لاماله اثار جانبيه لي سنين وانا استعمله مايضره ان شاءالله
هو خاص للقطط واذا مافاد ماضر ان شاءالله لاتخاف بتلاقيه بالصيدليه البيطريه بتزود عليه مويه وترج العلبه وبعدين تعطيه الجرعه ولازم كل 12 ساعه |
رد: القط يعطس
بما ان باجر عيد وكل عام وانتي بخير وعيدج مبارك فاماعتقد بحصل فرصة اروح البيطرية ، ممكن الموضوع يتأجل يوم ولى يومين بالكثير ولى تشوفين الحالة تتطلب استخدام الدوا على طول ؟
|
رد: القط يعطس
وانت بصحه وسلامه
اذا بس عطس ان شاءالله ماعليه خوف يتاجل العلاج بس لو ارتفعت الحراره لازم الكمادات وتبدا المضاد |
رد: القط يعطس
وديت القط العيادة البيطرية وعطوني نفس الدوا اللي وصيتيني عليه واليوم رابع يوم من العلاج والحمدلله
بس لاحظت انه عيونه حمرا اشوي يعني مكان اللون الابيض مش القرنيه اطراف العين هي الحمرا هل من الممكن يكون من البرد ولى التهاب فالعين؟؟ |
| جميع الأوقات بتوقيت GMT +3. الساعة الآن 05:51 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو