|
ممكن تساعدوني ؟؟؟ جزاكم الله خير
السلام عليكم ورحمة الله وبركاته
طبعا انا اول مره اكتب وان شاء الله اكون خفيفه عليكم انا مشكلتي :( مشكلة مع القطو طبعا القطو كان فالبيت مرتاح وماعندي اي مشاكل ولكن يتني فتره انشغلت اشوي والخدامه الحاقده:confused: طلعت القطو مالي برا فالحوي وحطت له كل شي هناك ولما هزبتها ودخلت اغراضه :( طلع مره ثانيه ورقد برا :( واللي موتني قهر اكثر ان القطو سار فوق البيت وضربوه قطاوة الشارع وكل ما امسكه يطلع والله انه مضروب وشعره صار فوق ظهره كتله يابسة والله ما تنقص حتى بالمقص لو تشوفون شكله صار بشع خذته الدكتور وقالي الحمدالله ما فيه شي وعطاه دوا وخذتله شامبو وطلبت من الدكتور يخدره عشان اروح البيت وازيل كتلة الشعر اللي على ظهره ولكن هيهاااااااااااااااااااااااااات والله لا موس فاد ولا مقص يعني والله صارلي احباط احس مافي حل الا اجيب مكينة واشل شعره:( ولا شو رايكم؟؟ وبالنسبة لطلعته فوق السطح لانه في انثى فوق تتوقعون لو شريتله انثى بيقعد فالبيت ؟؟:confused: والله صرت كل ما اطالع القطو يصيرلي احباط واقعد اصيح ومقهوره من هالخدامه خل القطو مالي كانه قطو شوارع الحين لو اشيل الدرج اللي يخليه يروح فوق يقعد يصيح ويبني احطه ويكسر خاطري واخليه يروح :( |
رد: ممكن تساعدوني ؟؟؟ جزاكم الله خير
كل القطط إذا تبينهم صحيين و سليمين أفضل لا يطلعون برا .. إذا ما تبينه يطلع كلش تقدرين تسوين له عمليه التعقيم لأن لها منافع كثيرة لأن إذا أحضرتي له قطه هم راح يطلع خصوصاً اذا تعود على الطلعه بالسطح ..
بالنسبه لكتله الشعر لازم يقصها البيطري و ككل القطط ذوات الشعر الكثيف لازم كل فترة ينقص الفرو لأن راح يسبب بمشاكل إذا لم يمشط يوميا مرتين (بالنسبه للشيرازي) .. و بالتوفيق إن شاء الله :) |
رد: ممكن تساعدوني ؟؟؟ جزاكم الله خير
اولا اهلا و سهلا بك بيننا لا يضيق صدرج هذي امور يتوقع حصولها ان القطو يطلع خارج البيت لكن حاولي لا يطلع لان راح يحتك بقطاوة الشوارع و تاتي له الامراض و يعديكم تبين الصدق الله اعينا على قطاوة الشوارع اللي مالهم حل متى نقضي على الظاهره الغير حضاريه و ثاني شي الله اعينك على الخدامه الظاهر مو حابه تدير باله عليه و تحاول انه يهرب من البيت في حل ممكن انك تزيدي راتب الخدامه على اساس انها تحافظ على القطو وتهتم فيه هذا الحل الامثل انشوفك على خير انشاالله ;) |
رد: ممكن تساعدوني ؟؟؟ جزاكم الله خير
اقتباس:
مشكوره الغاليه عالرد وانا لما رحت البيطري قالي هذا الشهر يباله شغل وسويه بالبيت:confused: ولما وديته طبيب ثاني قالي بشل الشعر كله:confused: صراحه مليت منهم قلت بشتري مكينه وبشل الكتله وخلاص وبالنسبة للتمشيط بحاول امشطه كثر ماقدر :D انا وين اشوفه عشان امشطه من تزوج وهو فوق السطح:D والله لو تشوفين شكله وهو فوق مو راكب اخاف حد يسرقه :confused: مرات امر جنب بيتنا اشيك الزباله عزج الله اخاف يكون تطور ووصلها هعههههههه :D شيرازي صايع |
رد: ممكن تساعدوني ؟؟؟ جزاكم الله خير
اقتباس:
هلا وغلا اختي انا الصراحه مو معترضه على قطاو الشارع حياهم خل يجون عنده البيت بس مابيه يروح فوق ويضربونه او ينزل للشارع ويموت مثل اللي مات قبل ^____^ انا احب حتى قطاو الشارع بس اهم شي ما يطلع القطو فووووق لان في قطو فوق غير شكل والله وايد كبير ويضرب بعدين من كثر ما يطلع وينزل مرات يطيح طبعا مو هو بس حتى القطو الثاني يطلع معاه بس الثاني ماخاف عليه لانه امه شيرازيه وابوه من الشارع اما الثاني احس انه اهبل وينضرب ويسكت:D :D :D |
رد: ممكن تساعدوني ؟؟؟ جزاكم الله خير
اختي حاولي توفرين لهم غرفه خاصه موجود فيها كل شي من العاب و اكل ...الخ و ما يطلعون منه ابد ;) |
رد: ممكن تساعدوني ؟؟؟ جزاكم الله خير
اقتباس:
مشكوره الغاليه على اهتمامج والله يجزيك خير وبحاول اسوي كل اللي اقدر عليه |
رد: ممكن تساعدوني ؟؟؟ جزاكم الله خير
اقتباس:
فيه شامبو للقطط طويلة الشعر وظيفته يقلل من تكتلات الشعر مع الاستعمال المتكرر موجود بكل محلات مستلزمات الحيوانات راح ينفع بهالحاله بعد قص الكتله ..:) lusy اقتباس:
|
رد: ممكن تساعدوني ؟؟؟ جزاكم الله خير
احسن حاجه تفضلي تقصي كل يوم حته من الكتله لحد ماتلاقيها خفت يعني ماتاخديهاش من جذورها لا خدي من السطح قطه قطعه....
والافضل تزوجيه قطك بدل ما يفضل داشر فوق السطح |
رد: ممكن تساعدوني ؟؟؟ جزاكم الله خير
ما قصرو معك الاعضاء ،،
اتمنى تنحل مشكلتك ،، |
| جميع الأوقات بتوقيت GMT +3. الساعة الآن 05:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو