منتديات تو زوو - نصائح عشان تسوي تروت (الخبب) بشكل صحيح

- لازم تكون الركابات على المقاس تمام و ما تكون و حدة أطول من الثانية و لا تمشي

الحال إذا بتمشي الحال كل مرة فما رح يكون الركوب صحيح و لا أمن بالنسبة لك

(بالعربي ممكن لا سمح الله تطيح)

2- الركوب على ظهر الخيل لازم يكون جدي يعني التركيز في التدريب و ما تنشغل بالحولك من

الفرسان وانسي كل شي لاتفكر الا في التدريب و يكون الظهر منتصب و راجعة الأكتاف لورة و ما اقصد التشنج أو فرد العضلات بس

بالقدر المستطاع (هذي الحركة بتحميك من السقوط عند هيجان الخيل).

3- لا يكون الأعتماد الكلي على الركابات لازم يكون الأعتماد على عضلات باطن الساق

و الركب بالضغط بهما على السرج ويكون الاعتماد على هذة المنطقتين حوالي 60%

لانه في من ذوي الخبرة يركبون الخيل من غير ركابات أو يرفعونها لتمرين عضلات الأرجل.

4- و ضع القدم في الركابات بيكون بالربع الأمامي من البوت و الضغط بيكون على الكعب وممكن هذي الحركه تحميك مثلا اذا هاج الحصان وتبي تنط من فوقه ماتتعلق رسلك بالركاب ويسجبك معاه وتتشخط وتروح فيها :)

ادري أنها مسأله صعبة شوية للجربها لأول مرة لكنها بتساعدك بعد كذا على الضغط على
بطن الحصان بشكل صحيح و ذو أثر فعال (مع الخيل إلي دمها تقيل و ما يأثر فيها الضغط الخفيف)

و ممكن تسوي تمرين مفيد انك تمشي عادي بالخيل و أنت واقف على الركابة و يكون

الضغط على الكعب عمل التمرين كل فترة و الثانية راح يمكن من الوضع الصحيح.

5- نجي الحين للحركة الأساسية في الترت وهي الطلوع و النزول (الاب داوان)لازم يكون الطلوع و النزول

منبعث من أحساسك المتبادل مع الخيل يعني لازم يكون متناغم مع حركة الخيل بين الترت

السريع و الترت البطيء و لا تحاول تسطنع هذي الحركة أو هذا الأحساس لأنه الأسطناع

بيزعج الخيل و اذا زوتها تراه بيرميك من فوقه و هذي صرحة حركة مهارة من الفارس. والتروت الثابت اصحب شي لكنه مفيييييد وايد وراح يقوي العضلات وويفضل بدون ركاب بس شوي شوي لا تسوي كل شي بيوم واحد اول شي عشان ماتمل وتحس ان هالشي صعب عليك ومن وجهه نظري ان التروت المتحرك وايد سهل ومريح بس انا انصح المبتدئين انهم يمارسون التروت الثابت عشان يبدون باساس قوي وانصح المبتدئين او اللي مطولين من الركوب انهم يسوون تمارين التسخين قبل الركوب عشان عظامكم ماتعوركم وعلى طاري العوار >> كثر ماتتعور بعد التدريب هذا معناته انك استفدت وطبقت بشكل صحيح ومع الممارسه راح تصير العضلات مرنه وشوي شوي بتحس انك نشيط ومايصيبك العوار

و هذي بعض الأشياء التي راح تساعدكم من عمل ترت جميل و ممتع و مريح لك و للخيل.واتمنى اني افدتكم

تحياتي اختكم توتا