منتديات تو زوو - فيديو لـ ريكس

منتديات تو زوو (http://www.2zoo.com/vb/index.php)

- البوم صور كلابنا (http://www.2zoo.com/vb/forumdisplay.php?f=103)

- - فيديو لـ ريكس (http://www.2zoo.com/vb/showthread.php?t=239110)

فيديو لـ ريكس

السلام عليكم
مساء الخيررر

هذا فيديو لكلبي ريكس فيه بعض تدريبات الطاعه اللي دربتها له :shy:

وبما اني بنت :D
صوتي ممنوع يطلع
بس الاوامر مقتصره على ( sit - stand - come - down - shaking hands )

واي غلط بالتدريب لاتبخلون بتصحيحي :D :shy:

http://www.youtube.com/watch?v=IKziEHxC9kM

وعليكم السلام ورحمه الله وبركاته

كلمه روعه قلييله بحق الفيديو

اول شي عجبتيني باختيارك المكان ( الغرفه ) >> ديستركشن منعدم

بدايه ممتاازه لزياده تركيز الجرو بالتدريب

ثاني شي الجرو ماشالله

تركيز وانتباه >> يدل على ذكاء الجرو و تعلقه وحبه فيك وكل ماتطورت العلاقه بينكم راح يسوي المستحيل عشانك

ثالث شي المكافئه

واختيارك للمكافئه انا متاكد انه >> هااي فاليو

مما يخليه متحمس وينتظر بس تكافئينه ويزيد تركيزه اكثر

رابع شي واهو اهم شي >> المدرب

التشجيع والاحتراف وااضح والسبب تركيز الجرو للتدريب

وتوقيتك في اعطاء الجرو المكافئه >> ممتااز

واصلي احترافك وبانتظار المزييد

ولاتضغطين على الجرو فوق طاقته ولاتنسين انه للحين صغير

وبدايه جدآ ممتازه وله مستقبل باهر بالتدريبات

الله يحفظه لك ويخليه لك

ملاحظه بسيطه .:

في الوقت الحالي عطي الجرو المكافئات من يدك

لاني لاحظته يدور بالارض >> لاترمين له المكافئات

لان مع الوقت راح يبحث ويدور في الارض على المكافئه ويفقد تركيزه قليلآ

اذا كبر الجرو وضبط تدريبات الطاعه بنسبه >> 200٪

تطورين التدريبات وترمين له المكافئه مع تدريب الstay او wait

وبعدين تعطينه الامر انه ياكلها

رد: فيديو لـ ريكس

اقتباس:

المشاركة الأصلية كتبت بواسطة Abo_fahed (المشاركة 2303744)

مرورك ارووع :shy:

المكافئه كانت هوت دوغ بس صراحه مادري وش تعتبر هاي فاليو ولالا :p
لاني مررره جديده بتدريب الكلاب . هذا اول كلب لي وتقريبا بديت ادربه من 3 اسابيع بس :(
وبالعكس احس اني مااضغط عليه من ناحيه التدريب بس مرتين باليوم :shy:

وانا ارمي المكافئه بالارض لاني اخاف يعضني بدون قصد :12:

بس بحاول اعطيه بيدي :p

ثانكيووو :88:

رد: فيديو لـ ريكس

اقتباس:

المكافئه كانت هوت دوغ بس صراحه مادري وش تعتبر هاي فاليو ولالا

اكيد طبعآ هاي فاليو ونص »» High value

اقتباس:

لاني مررره جديده بتدريب الكلاب . هذا اول كلب لي وتقريبا بديت ادربه من 3 اسابيع بس

لاتعليق الا ماشالله تبارك الله

الله يحفظك انتي وكلبك

اقتباس:

وبالعكس احس اني مااضغط عليه من ناحيه التدريب بس مرتين باليوم

ممتاز خير ماسويتي

مرتين كفاية

اقتباس:

وانا ارمي المكافئه بالارض لاني اخاف يعضني بدون قصد

بس بحاول اعطيه بيدي

في طريقتين لإعطاء الجرو/الكلب المكافئة

تقدرين تختارين وحده منهم.:

1 - تمسكين المكافئة مثل هالطريقة

http://www8.0zz0.com/2011/09/20/22/819355663.jpg

وتعطينها للجرو مباشرة وتكون ايدك تحت الفم واهو راح يلحس وياخذ المكافئة من غير عض

2 - تمسكين المكافئة بأصبع السبابة والابهام وتعطينها للجرو مباشرة مثل الصورة

http://www8.0zz0.com/2011/09/20/22/590684619.jpg

وأنا افضل الطريقة رقم »» 1

تدريب موفق وانجاز احترافي صراحة

وأي مشاكل تواجهك لاتترددين في اخبارنا

انا يهمني ويعجبني الشخص الي يبحث عن الاحتراف

رد: فيديو لـ ريكس

مشالله الكلب باين عليه ذكي

والتدريب روعة

بانتظار المزيد من الابداع

الله يوفقك..

رد: فيديو لـ ريكس

:88::88::88:الله الله عليكي انتي فنانه:88::88::88:
وكلبك بطل بطل
وبداية صحيحه جدآ جدآ
واضم صوتي
للاستاذ ابوفهد
كلمه كلمه
حرف حرف
زنقه زنقه

رد: فيديو لـ ريكس

اقتباس:

المشاركة الأصلية كتبت بواسطة Abo_fahed (المشاركة 2303776)

تدريب موفق وانجاز احترافي صراحة

وأي مشاكل تواجهك لاتترددين في اخبارنا

انا يهمني ويعجبني الشخص الي يبحث عن الاحتراف

لولا الله ثم لولاكم كان ماعرفت اسوي شي :shy:
واي مشكله تواجهني ماراح اتردد بطرحها هنا بالمنتدى ماشاءالله مشرفين واعضاء خبره واسعه :D

رد: فيديو لـ ريكس

اقتباس:

المشاركة الأصلية كتبت بواسطة the-best (المشاركة 2303819)

مشالله الكلب باين عليه ذكي

والتدريب روعة

بانتظار المزيد من الابداع

الله يوفقك..

وياك يااارب

رد: فيديو لـ ريكس

اقتباس:

المشاركة الأصلية كتبت بواسطة الهولي (المشاركة 2303842)

تلميذتك يامعلم :p

مرورك ابطل لاتحرمني ارائك بمواضيعي اثق فيك كثير من خبرتك ماشاءالله :88:
ثانكيووو