![]() |
فتحت باب البيت... دخلت البسة وما طلعت.. ايش اسوي
بسم الله الرحمن الرحيم
بعد انقطاع عن تربية الحيوانات دام تقريبا سنتين ها انا اعود من جديد طبعا انا حلم طفولتي هو تربية القطط:12: كانت لي عدة تجارب مع القطط البلدية ولكن الوالدة تمنع دخولهم البيت فاضطريت الى تربية الطيور:freind: فتنقلت في عالم الطيور من الكناري الى الكوكتايل الى الكاسكو واخيرا الكوكاتو طبعا تركت تربية الطيور بحكم عملي في المدينة المنورة وكوني من اهل مكة المكرمة فلكثرة تنقلاتي بين المدينتين لم استطع التوفيق :(:(:( في الاسبوع الماضي وانا مسافر في الطريق جا في بالي اني ارجع اشتري كاسكو بس حركته في السفر معي راح تكون صعبة ففكرت في حلم طفولتي ... وفجاة سيارة قدامي ماشية وفيها بسة تلعب استغربت على الصدفة :confused::confused::confused: المهم وصلت البيت ونمت وتاني يوم صحيت الصباح طالع الدوام بدري الا اول ما افتح الباب الاقي البسة هذه قدامي وتلحوست شوية عند رجلي وبعدين جري على البيت الحق لا تلحق لقيتها اليفة مررة بالله ايش رايكم في الصدف اللي بتصير :88::88::88: قفلت الباب وقلت يا ولد شكله ما في دوام جلست شوية وسيبتها تتفرج على البيت على راحتها وفتحت لها علبة تونة ودخلتها المطبخ وقفلت عليها الباب نزلت دورت على كرتون وعبيته رمله وطلعته لها وخرجت على الدوام رجعت لها وكملنا اول يوم حلوين واتاكدت انها ما وسخت الارض بالعكس استخدمت الكرتون وقتها فتحت لها باب المطبخ وصارت تروح وتجي عالصالة لعبتها بكورة وغطا قلم وكانت حركة وصرت اجري قدامها وتلحق ورايا تاني يوم جلست افكر ايش نهايتها ولانه النت كان فاصل عندي ما قدرت اصورها ولا اخد معلومات عن اكلها :mad::mad::mad: حطيتها في علبة هدايا ههههه وشلتها قلت اروح لمحل حيوانات اليفة اساله عن نوعها واشتري لها اغراض اذا كانت سليمة ومن النوع اللي يتربى المهم الهندي قال ما يعرف وشفت الاشياء اللي عنده غالية واصلا ما رضي يشوفها وانا كنت سايب العلبة في السيارة فما اشتريت من عنده شي :mad::mad::mad: رجعت السيارة الا والاخت فكت العلبة وجالسة تلفلف في السيارة:eek: واتمشينا في المدينة ولعدم معرفتي باماكن الحيوانات الاليفة بالمدينة قررت ارجع البيت ولمن رجعت جلست اقول في نفسي اخر تجربة فتحت باب السيارة الا خرجت معايا وجلست تمشي ورايا وقابلت واحد من الجيران وعبال ما اسلم عليه الا هذه راحت بعيد جلست اناديها بس بس مياو ما في فايدة استنيتها ومشيت وراها 10 دقايق وهيا تشرد مني لدرجة اني فقدت الامل وقلت اصلا دي تربية شوارع ههههه وجيت على باب العمارة داخل الا هذه سابقتني :freind::freind::freind::freind: فرحت وكسبت ثقتها زيادة طلعنا ويوم الاربعاء نزلنا السيارة وقلت اطلع على جدة ووديتها على اللي عند اكسترا كنت ابغاهم يعملو لها شاور بس قالو لي بعد العصر بس وانا واصل الصباح على 10 :wao: المهم شريت لها ليتر بوكس ومجرفة وصندوق تنقلات الان ابغى اعرف نوعها ليا يومين افر هواة القطط بس مني قادر اميز :angry::angry::angry::angry: فياريت الخبرا زي دانيا ولا البقية يفيدوني http://www.2zoo.com/vb/picture.php?a...ictureid=12083 http://www.2zoo.com/vb/picture.php?a...ictureid=12082 طبعا انا مصورها من عدة نواحي عشان تبان تفاصيلها http://www.2zoo.com/vb/picture.php?a...ictureid=12084 http://www.2zoo.com/vb/picture.php?a...ictureid=12081 http://www.2zoo.com/vb/picture.php?a...ictureid=12087 وطبعا انا اكثر شي عجبتي لونها احسه مرتب وموزع على اليمين والشمال بالتساوي وبطنها ابيض واطراف رجولها بيضة مرتبة http://www.2zoo.com/vb/picture.php?a...ictureid=12088 وطبعا شعرها وسط لا كثيف ولا خفيف زي بساس الشارع http://www.2zoo.com/vb/picture.php?a...ictureid=12085 ---------------------------------------------------------- طبعا اتمنى النوع بالتفصيل وهل ممكن تكون راغ دول لانه انا شايف اكثر شبه لها خاصة اللون على الوجه قالو زي الماسك او القناع وبعدين الارجل بيضاء بس لون العين يختلف عن المذكور طبعا انا كثرت الصور زي ما كثرت الكلام ههههههه :shy::shy::shy::shy: وشكرا |
رد: فتحت باب البيت... دخلت البسة وما طلعت.. ايش اسوي
نوعها شيرازي مون فيس هجين ب الامريكي :)
و انشاء الله الخبيرة ناديا ما تقصر و المهم حاول تدور عن صاحبها و شكلها مربية تربية بيوت:) |
رد: فتحت باب البيت... دخلت البسة وما طلعت.. ايش اسوي
ياحليلها ماشاء الله
انت سبحته ؟؟ يمكن صاحبه ولدالجيران بس تجنن:) |
رد: فتحت باب البيت... دخلت البسة وما طلعت.. ايش اسوي
ما شاء الله عليها حلوووووة كثير..
|
رد: فتحت باب البيت... دخلت البسة وما طلعت.. ايش اسوي
ما شاآء الله ، اتينن و أنصحك لا تعطيهآ توونة و عطهآ سمج مررة بالأسبوع لأن السمج يطيح الشعر و ما شآء الله شعرها حلووو ، و واآضح اهي تربية بيوت ، عطهآ دياي او لحم ، او اكل القطط الخاص ، نوعها : هجين بين شيرازي و ....... { مادري
انصحك تحتفظ فيهاآ + تسأل الجيرآن يمكن ضايعه منهم ، و بس الله يحفظها و توزيعة ألوانهآ حلوة اي الأووطه }}} بنوووتة و لا ولد * |
رد: فتحت باب البيت... دخلت البسة وما طلعت.. ايش اسوي
ماشاء الله عليها واضح ان القطه مربيه عند احد من الجيران .. حاول تسال في حارتكم عن صاحبها ولو مالقيته ..لك الاجر بتربيتها وايوائها عندك نوعها.. هجين مابين الشيرازي والامريكي ونوع الفيس مون .. كل التوفيق لك |
رد: فتحت باب البيت... دخلت البسة وما طلعت.. ايش اسوي
لو هي شيرازي بيبقي شعرها ثقيل جداااااااااااااااااااااااااااااا ولو سيامي بتبقي لون ولحد وافضل تسال اي خبير بالقطط كان فيه موضوع هنا بالمنتدي عن طريقه التمييز بين القطط
|
رد: فتحت باب البيت... دخلت البسة وما طلعت.. ايش اسوي
يا اخوي انا ما اعرف بالقطط بس سمعت انو تربايتهم حلوه خليها عندك احسن ما تتركها بالشارع و تدعسها سياره
لا سمح الله |
رد: فتحت باب البيت... دخلت البسة وما طلعت.. ايش اسوي
مشاء الله لا قوه الا بالله لا لا هذي مو قطوه شوارع
هذي قطوه نظيفه وجميله مره وانصحك انك تهتم فيها لو مالقيت لها صاحب |
رد: فتحت باب البيت... دخلت البسة وما طلعت.. ايش اسوي
اقتباس:
اممممم يعني نوعها هجين اما عن تربية بيوت فهو اكيييييد شكرا اوكتبس |
جميع الأوقات بتوقيت GMT +3. الساعة الآن 06:47 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو