|
الببغاء يقلب راسه على ورى !!!!
السلام عليكم عندي مشكله مع الكاسكو الافريقي الكاسكو عندي تمام ولا فيه شي وأكله تمام ونومه تمام ولعبه وتصفيره وكلماته تمام المهم اني بديت اعوده على الطلوع على العصا وبعدها بديت اخليه يطلع على يدي المهم لما طلع على يدي عضني عضة خفيفه بعدها عضني عضة قويه قويه قويه قويه بالحيل أنا تحملت العضه بس قلت ماراح ابعد يدي علشان مايتجرأ علي بعدين بعدها بشوي عضني عضة أقوى أقوى أقوى بالحيل وبرضوا تحملت رغم اني من الألم دموعي نزلت :shy: المهم برضوا تحملت ولا بعدت يدي جت الثالثه عضني بالثالثة عضة مع الاصبع أعتقد ان مكان منقارة على اصبعي جاء على عرق أو عصب لأن العضة كهربت جسمي أحسه خط 220 ماسكني أتوقع ان عضته جت على عرق أو عصب المهم انا ماتحملت الكهربه اللي حسيتها ضربته بيدي الثانية ضربه قويه تقلب يمكن 7 قلبات ولا رده إلا الباب ياقلبي عليه والله مو قصدي بس لاشعورياً من الكهربة اللي حسيت فيها <<< جاب قصة حياته :D:D:D:D المهم انو بعد ماضربته صار يوقف على رجل ويلف راسه ورا يلف راسه ورى عدال يعني 90 درجة بالضبط جهة ظهره ويغمض عيونه وينام حاولت اصوره بس ماقدرت ممكن تفيدونني وش فيه وش صار له |
رد: الببغاء يقلب راسه على ورى !!!!
شلون صحتة ة ؟؟
واكلة ة ؟؟ ولعبة ة ؟؟ وكلماتة ة ؟؟ وتصفيرة ة ؟؟ اذا كل شي تمام لا تخاف علية ة واذا خامل وناقصة ة شي ممكن تعور من ضربتك روح البيطري واكشف علية ة في كسر او شي والله حرام تخيلت شكلة ة جتني البكيــة ة على العموم زي ما قلت لك اخووك فواز |
رد: الببغاء يقلب راسه على ورى !!!!
هلا فواز يعطيك الف عافيه
أكله الحمدلله ممتاز ولكن لعبه وتصفيره وكلماته وقفت ماعاد فيه بالنسبه للخمول امممممم فيه بس بنسبه بسيطه والبيطريين اللي عندنا كلهم جزارين لعبوا بطيور ربعي اللي مات واللي عطوه ابره ومدري وش صار فيه واللي واللي واللي ... الخ ممكن تفيدوني بحل غير البيطريين لأني مستحيل اروح لهم كلهم من جنبهااا |
رد: الببغاء يقلب راسه على ورى !!!!
التصفير راح
لأنه خاف منك والخمول ممكن يكون زعلان منك وانا طالب منك بس تروح للبيطري منا تقوله شي تكون ابي كشف عليه لأأنه طاح واخاف انكسر شي وشوفه علشان تتطمن اكثر |
رد: الببغاء يقلب راسه على ورى !!!!
اقتباس:
+1 عشان تتاكد قولو بس اكشف |
رد: الببغاء يقلب راسه على ورى !!!!
بالضبط مثل ماقال لك
رح واكشف للاطمئنان |
رد: الببغاء يقلب راسه على ورى !!!!
انا اقــــــــول والله اعلم الحاله اللي فيها طيرك الان طبيعيه بسبب الضربه
مادام اكله طبيعي اتركيه كم يوم يريح ويسترجع قواه ......... |
رد: الببغاء يقلب راسه على ورى !!!!
ضربته بيدي الثانية ضربه قويه تقلب يمكن 7 قلبات ولا رده إلا الباب <<< زين انهـ عآيشـ للحيــن ههههه
لكن ما ألومك جربت عضت الكاسكو خلاني انط بالغرفه لمدة دقيقه كامله ههههه لكن مافي حل الا البيطري مثل ماذكرو الاخوان ولكن في موضوع قريته وان شاء الله يفيدك http://www.2zoo.com/vb/showthread.php?t=236144 |
| جميع الأوقات بتوقيت GMT +3. الساعة الآن 09:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو