|
اليلوكراون مات و شرينا هولندي(للخبراء و المحترفين فقط)
كل عامو انتم بخير مات فرخ اليلوكراون بالسالمونيلا بعد علاج اكثر من اسبوعين هاذا ما قاله الدكتور يوم وديتله الطير ينازع و مات و في نفس اليوم اخذت هولندي كاسكو سوبر جامبو حجل راس طير لون ذهبي عمره تفريبا 6 شهور و ابي مشورتكم
1)كيف احمي الطير من الامراض خاصه ان الشباب خوفوني و قالو ان الهولندي يمرض و ما يكمل اسبوع. 2) هل مزرعه راس الطير انتاجها جيد و وين مكانها و معلوماتها و هل هالمزرعه تعتني بالفروخ و تطعمها ضد الامراض. 3) هل احط الطير في الصاله و المكيف شغال و مضبطه علي درجه 25 و مو في وجه المكيف ولا اخطه بدون مكيف بس الجو حار و كلكم تعرفون كيف تصير حراره الغرفه اذا طفينا المكيف في الرياض الفزعه يالخبراء |
رد: اليلوكراون مات و شرينا هولندي(للخبراء و المحترفين فقط)
وينكم يا اخوان
|
رد: اليلوكراون مات و شرينا هولندي(للخبراء و المحترفين فقط)
الله عوضك ياغالي
والهولندي نعم مناعة ضعيفه ولكن اخوي شوف اشتري مضاد حيوي شامل تعطي الطير لمدة 5 ايام عشان لو كان فيه مرض او شي لا سمح الله يروح لو يكون علاج التايلان عندك يكون افضل بنسبه للمكيف شوف انا افضل انك تبعده عنه حطه في غرفه فيها مروحه هذي طريقتي في التكيف << :) ما افتيلك في الحجل ان شاء الله يفيدونك الشباب || ودي || |
رد: اليلوكراون مات و شرينا هولندي(للخبراء و المحترفين فقط)
لكن الطير دايما يبي يكون في وسط العاذله مو غرفه لحاله
|
رد: اليلوكراون مات و شرينا هولندي(للخبراء و المحترفين فقط)
الله يعوضك عن اليلوكراون
ويبارك لك فالهولندي اخوي صحيح وشي كلنا نتفق عليه ان الهولنديات مناعتها ضعيفه وانها غالبا ماتطول عند اللي شاريها لكن كل شي بيد الله سبحانه وتعالي اقترح عليك تروح لبيطري مختص ومايكون اي بيطري وتفهمه انك تبي تبدا معه كورسات دوريه للمضادات الحيويه يعني تبدا من الان ويصير عندك كورس كل شهر او كل شهرين بالكثير لا تقول لي ان الطير نشيط وصحته تمام مايحتاج الحين ولا خلها بكره وكذا ياصاحبي اغلب الهولنديات تكون حامله للفايرس ولا يبين عليها واصلا كل الببغاوات تقاوم الفايروسات ولا توضح عليها انها مريضه الا في مراحل متقدمه مرره ووقتها ماينفع الندم (راح ارشح لك طبيب بيطري عالخاص من افضل الاطباء فالرياض) اما سؤالك عن مزرعه راس الطير وانها جيده وتطعم الفروخ اخوي مزرعه راس الطير مزرعه مثل كل المزارع لكن يميزها شهرتها وللمعلوميه انا مرت علي اكثر من 3 اشكال لرسمه رأس الطير بعضها محدده اطراف الرسمه وبعضها محفوره كامله وغيرها يعني فيه تقليد كثير ولو تبي حجول عليها رسمه راس الطير نفس المزرعه موجوده فالسوق يعني لاتعتمد على اسم المزرعه وشهرتها ولو انها تطعم الفروخ ضد الامراض زي ماتكرمت كان ما ماتت الطيور عن خلق الله ارجع واقول ابدء مع طيرك كورسات المضادات ولا تعتمد على صحته الحاليه او على كلام الناس عن المزرعه (درهم وقايه خير من قنطار علاج) وبالنسبه لسؤالك الثالث الطير خله في المكان اللي تستطيع انت تحمل الجلوس فيه يعني الصاله اتوقع مناسبه ان شاء الله الا طبعاا وقت نوم الطير لأنه يحتاج على الاقل الى8ساعات نوم مريحه واقصد بمريحه يعني بدون انوار ولا ازعاج تلفزيون او ازعاج اشخاص حتى واهم نقطه اهم نقطه اهم نقطه ابعد الطير كل البعد عن تيارات الهواء المباشره (سواء حار او بارد او حتى معتدل) لايكون في مواجهه تيار هوائي حتى لو من مروحه وانتبه للطير من تغيرات الاجواء المفاجئه يعني مو تطلع الطير مثلااا يتشمس وبعدها على طول تدخله عن المكيف او العكس لا يحس الطير بحر مفاجيء بعد بروده او برد مفاجيء بعد حر يعني حاول تتدرج في الموضوع مثلا لو كنت تبغا تطلع الطير للشمس طبعاا الشمس مايكون الظهر يا اما في الصبااااح الباكر او قبيل المغرب المهم لو بتطلع الطير الافضل اولا تطفي المكيف اللي في الغرفه اللي فيها الطير وتتركه في نفس المكان بدون مكيف على الاقل نص ساعه قبل تطلعه عشان تتدرج الاجواء من باارد الى معتدل الى حار واسف على الاطاله |
رد: اليلوكراون مات و شرينا هولندي(للخبراء و المحترفين فقط)
هلا اخوي الله يعوض عليك بالف خير على الطير الي مات قدر الله وماشاء و افادك الاخ محماس المنحاس وعندي اضافه بالنسبه الي البغبغاوات المنتجه في الخارج الي يطلق عليها اسم الهولندي في الاساس هو افريقي لاكن تم انتاجه في مزارع محميه المشكله ان البغبغاوات المنتجه في المحميات تكون مناعتها ضعيفه لعده اسباب ومن ضمن تلك الاسباب طريقه التغذيه وطريقه انتاج الفروخ وعدم تعرضها الي الشمس لفترات وايضا الشيء المهم طريقه شحن الطيور تكون مخلوطه اي بعض الطيور تكون مصابه بمرض معين ومعدي لذلك تتعرض الطيور وخاصه الصغيره بالمرض والعدوى عن طريق الشحن وتنقل الطيور من منطقه الي اخرى ومعروف عن الافريقي انه حساس واذا تعرض الي اي عدوى ومرض قد لايلاحظ عليه لان الافريقي من البغبغاوات التي تخفي مرضها لفترات قد تصل الي شهور واذا سيطر عليها المرض يكون قد فات الاوان .
|
رد: اليلوكراون مات و شرينا هولندي(للخبراء و المحترفين فقط)
مشكورين يا شباب و في انتضار اسم الدكتور علي الخاص
|
رد: اليلوكراون مات و شرينا هولندي(للخبراء و المحترفين فقط)
هذا الربط يفيدك
http://www.2zoo.com/vb/showthread.php?t=234517 |
رد: اليلوكراون مات و شرينا هولندي(للخبراء و المحترفين فقط)
وين الردود
|
رد: اليلوكراون مات و شرينا هولندي(للخبراء و المحترفين فقط)
للرفع
|
| جميع الأوقات بتوقيت GMT +3. الساعة الآن 05:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو