شلون اهدي القطوه لما اقص اظافرها +ا سئله اخرى للي ساكنين بالكويت
 

ذبحتني اللي عندي ..

ماترضى اني امسك ايدها و اقص اظافرها .. حتى اذا كنت المس على راسها و جسمها و احاول اهديها ... كله تبي اتشمخ و تعض :confused:

عندي بس فرصه وحده لمه تكون نايمه .. اقص ظفر واحد بعدين تقعد :(
حتى الحين 4 اظافر قدرت اقصهم

على فكره اهيا كبيره عمرها 7 اشهر

فشنو الحل ؟؟؟

وممكن اقدر استعمل منوم :p

و اللي بالكويت ممكن يقولولي

- جم قص الاظافر و الشعر بالدهماء او مكان ثاني ؟
- وين اقدر ازاوج قطوتي بالكويت .. و جم ؟

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

نسيت اقول ان نوعها سيبيري

.. وفي شغله ثانيه ...اهيا من يبتها البيت من قبل 3 اسابيع و انا للحين ولا مره سمعتها تماوي

بس اطلع اصوات لمه تلعب او تبي تنحاش مني .. فهل هذا شي طبيعي ؟؟

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

الله يعطيج الف عافيه

اقتباس:

فشنو الحل ؟؟؟ الحل تمسكها غصب وتحطها بحظنك وتكون منسدحه على ظهرها وتمسك ايدها وتقص اظافرها وانت تكلمها عاد شوف اي سالفه لوووووول

شدعوه ماسويتها .. مسكتها غصبا عليها و حطيتها بحظني و ثبتها.. بس المشكله انها كانت تحاول اتعض صبعي و تهس و تنافخ بويهي , و ريحة حلجها......O_o

اقتباس:

وممكن اقدر استعمل منوم ايه ممكن بس مو انت اللي تستعمله يعني لو ماقدرت نهائيا تقدر توديها لأي بيطري واهو بيتصرف معاها سواء يقص اظافرها واهي صاحيه او اذا شافها خايفه حيل يقدر يخدرها ويقص اظافرها على راحته ولا تخاف ماله تاثير المنوم بيخدرها شوي وبعدين بتصحى

حلو حلو .. الظاهر مافي الا هالطريقه .. لان لو كانت عندي من وهي صغيره كان قدرت ادربها , اما الحين .. يبيلي شهور :confused:

اقتباس:

جم قص الاظافر و الشعر بالدهماء او مكان ثاني ؟ قص الاظافر مع تخدير بـ دينارين بس مو بالدهماء

بالشهر مرتين...هذه 4 + روحه ورده هذه فيها دينار .. 5 في 12شهر .. هذه.... 60 دينار :eek:
يمدحون المنوم :D

اقتباس:

وين اقدر ازاوج قطوتي بالكويت .. و جم ؟ تقدر تزوجها بمحلات القطاوه بس وين عاد بالضبط انا اعرف انه في محل بت هاوس اللي بالشويخ صوب سنتر بوينت يزوجون القطاوه لانه مره سالتهم ابي قطوه حق العتوي اللي عندي وقالتلي بذاك الوقت ماعندهم نثيات فيه بس ذكور .. وشفت جم بنت يأجرون ذكور حق قطواتهم :p

سنتر بوينت .. حلو اعرف المكان عدل .. بس ماعتقد اني مره مريت على هالمحل .. يبيلي اخذلي فره حوالين سنتر .. و مادام في ذكور .. مافي خوف لان اللي عندي نثيه

اقتباس:

قطوتك تشبه بتصرفاتها من ناحية العمر وخوفها من قص الاظافر قطوتي سحتوته ( البيضا اللي بتوقيعي ) بس اضطريت ابيعها .. اذا اهي قولي تراني شرايه حقها :)

ماتغلى عليج :cool:
بس للاسف .. مو اهيا .. اللي عندي لونها ابيض و برتقالي

فعلا افدتيني بالرد .. كنت قاعد افكر اخذلي عتيوي صغير بس مادام عرفت ان في محل حق التزاوج .. اوقفت الفكره .... للوقت الحالي :rolleyes:

و مشكوره مره ثانيه على الرد ^_^

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

العفوووو


وسبحان الله بالتصرفات نفس الشي


الله يباركلك فيها ويحفظها لك


بس على فكره ترى مو مساله القطو اذا كان صغير عندك متعود على قص الاظافر او لا

المشكله بشخصية القطو .. واهي شكلها خوافه حيل من قص الاظافر .. يعني لازم تعودها مو حلوه تعتمد على البيطري على طول ... مره مرتين وتعلم منه طريقة قص الاظافر وشوف شلون يهديها

اهم شي انت لا تكون خايف او تحسسها انك خايف وانت قاعد تقصلها اظافرها

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

اعتقد كاتي كفت ووفتـــــــــــــــــــــــ ..
أي شي تبيه قولنا عنه ونجاوبك :)
بس على فكره مو بس قطوتك كل القطاوه جذي .

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

i see

خلاص عيل .. انا بوديها مره عند البيطري .. مره وحده على شان يفحصها و يقص اظافرها .. وبعد ماعرف الطريقه بحاول اطبقها عليها ... و اذا مارضت ...خن نقول انها يمكن تكرهني للابد :rolleyes:























مسكينه.. ماقدر ازعلها :p
بصبر عليها ..و بخليها اتعود على تلمس اصابيعي على اظافرها ..

و يعطيج الف عافيه على الرد الشافي :)

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

ماتقصر قطو

و ان شاء الله ماراح اقصر معاك بالاسئله :D

رد: شلون اهدي القطوه لما اقص اظافرها +ا سئله اخرى للي ساكنين بالكويت
 

يووو ار ولكم :)

رد: شلون اهدي القطوه لما اقص اظافرها +ا سئله اخرى للي ساكنين بالكويت