|
ارجوا المساعده في الكاسكو يا اخوان
السلام عليكم يا اخوان
انا عندي كاسكو شريته امس والببغاء متوحش مني وكل ماقربت منه يجعر مع انه امس بالمحل ماكان كذا وش السواة؟؟!! وهل تنصحوني ادربه انا بنفسي ولا اوديه لشخص يدربه مع ان عمره سنه وكم شهر؟؟!! والشي الاخير يا اخوان الببغاء لما يتنفس اسمع نفسه وكأن خسمه مسدود وش اسوي به ؟؟!! يامن شرا له من حلاله عله :( ارجوا الجواب مشكوريييييين |
رد: ارجوا المساعده في الكاسكو يا اخوان
الحين انت عالج طيرك بعدين ابدا وروضه بيدك انت
شوف فتحات خشمه اذا فيها وصخ وده للبيطري وخله ينظفها واخذ منه دواء يسمى التايلان للألتهابات التنفسيه وخلص وعالجه بعدين انا اعطيك روابط الترويض وانشاء الله ما يشوف شر تحياتي *فواز* |
رد: ارجوا المساعده في الكاسكو يا اخوان
مساء الخير اضم صوتي لهاوي البادجي وربي يوفقك ومبروك عليك الطير
|
رد: ارجوا المساعده في الكاسكو يا اخوان
يا اخوان الطير حطيته عند محل يهتمون بصحته ويروضونه دامه عندهم بالمره ويوم رحت لهم البارح قال يلعن بليسك انت وطيرك جايب لي دينصور انت !!!!! بس يقول انه ذكي حتى عرض علي واحد مروض بداله ويزيدني !!!
تنصحوني بأحد يعرف له احسن من هاللي هو عنده ؟؟ ولا ابيعه وافتك منه |
رد: ارجوا المساعده في الكاسكو يا اخوان
بما انك اشتريته امس اصبر عليه
اول يتعود على المكان ويتاقلم وبعدين انا انصحك تروضه بنفسك ان الله مع الصابرين ولا تنسى العجل من الشيطان :) |
رد: ارجوا المساعده في الكاسكو يا اخوان
ياحبيبي حركات المحلات ذي مايبطلونها ...يقولك دينصور عشان تقول فكوني منه مابيه يقولك تره عصبي عشان تكره الببغاء وتقوله بادلني بواحد وادفع الفرق ...
كل الطيور والحيوانات الله يعزك البريه تخاف من الانسان الا النادر منها .....لانك تاخذه من بيئته وتجيبه وتقص جناحينه ولو تشوف مقاطعها في اليوتيوب وهم يصيدوها ويفرزوها ...تعرف انه من حقه يخاف ... اصبر على الببغاء وبيتعلم باذن الله . |
| جميع الأوقات بتوقيت GMT +3. الساعة الآن 01:39 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو