|
عندي سؤال عن السيكلد ...
السلام عليكم ...
شخباركم اخواني . انشاء الله تكونون دووم بخيير يا رب ... عندي بعض الأسأله عن تفريخ نوع من السيكلد .. وهو (dominant red zebra cichlid) وهذي صورتها http://www.cichlidfishsecrets.com/im..._red_zebra.jpg واخذتها من المحل في مدينة الخبر ... وقالي ان هذا النوع مو متوفر الى منه 7 حبات بس ... ولا بتحصله عند اي محل . وقالي اذا حصلته بعطيك زوج اوسكار مع اولاده ... من جد هذا النوع اول مره اشوفه بصراحه . حتى مو معروف كثيير يعني في المواقع مثل الأسماك الثانيه ... الحين انا اخذتهم ب 130 ريال . زوج . وفرخو عنده من قبل ... وانا ماعندي حوض كبير الى واحد بس . وحاط فيه مجموعه من السيكلد . حجم الحوض : العرض 50سم . و الأرتفاع تقريبا 80 سم ... و الطول متر ... وانا قلت ماني حاطهم مع الثانيين .. بحطهم في حوض ثاني ... وشريت حوض 30 سم الطول . و العرض 17 سم .. و الارتفاع 20 سم ... وحجم الزوجين تقريبا 9 سم ... وحطيت صخور ونبته اوراقها عريضه ... واشوف دااايما الذكر يضرب الأنثى داايما حتى قطع زعانفها ... واخاف يموتها .... اخواني للخبراء : هل الحوض صغير لتفريخهم ؟ وهل اذا جبت حوض اكبر . راح يرتاحون فيه ويفرخون ؟ وهل النبات الي انا حاطه لهم له داعي ولا ماله داعي ... يعني احط صخور وبس ؟ و الأكل الي اعطيهم ... اعطيهم دود مجفف واكل دهني . ممتاز ولالا ؟ ....................... واذا فيه شي بعد تحبون تفيدوني فيه قولولي الله يعطيكم العااافيه يا رب ... وشكرا للجميع ... |
رد: عندي سؤال عن السيكلد ...
و عليكم السلام و رحمة الله و بركاته جميع أسس تفريخ السيكليد تندرج تحت بنود واحدة فأي بند تستطيع الأعتماد عليه ... الأرضية حصى ناعمة و صخور و مخابىء أما النبات فما منه ضرر الأمور طبيعية. أما الحوض فطبعاً صغير جداً و أقل حوض لتفريخ هذه الأنواع هو حجم 70-80 لتر لزوج واحد فقط مع توافر شروط التفريخ .... |
رد: عندي سؤال عن السيكلد ...
اهااااا ... طيب وايش هي شروط التفريخ اللازمه ..
و80 لتر تقريبا كم يجي حجم الحوض المناسب لذلك ... يعني تقريبا ضعف حجم الحوض الي هم فيه مرتين تقريبا صح ؟ وهل تفريخهم صعب اخوي الدكتور خالد ؟ ويعطيك العاااااافيه يا رب |
رد: عندي سؤال عن السيكلد ...
السلام عليكم هذا النوع من يلو لاب سكلد اتوقع تفريخه جدا سهل وتفريخه مثل السكلد العادي ويريد صخور مفلطه و مخابئ لكي تتم عمليه تلقيح الانثى ومن ثم سوف تلاحض الانثى تضع البيض ولمن تخرج الفراخ سوف تلاحضهم بفم الذكر لان يخاف عليهم واول مايخرج الفراخ لمن يخلص كيس المح او الصفار الي ببطنه يختفي تعطيه دود حي او قريدس و تضعهم بحوض بعيد عن ابويهم و اذا القرفه فيه تكيف اضع لهم سخان وشكرا:88:
|
رد: عندي سؤال عن السيكلد ...
اهاااا ... شكرااااااا لك اخوي على المعلوماات هذي ...
والف شكر لك وماقصرت والله ... واذا فيه اعضاء عندهم شي يتفضلون . يعطيكم العااافيه جميييع ... |
رد: عندي سؤال عن السيكلد ...
بالنسبه للتفريخ .. كأي سيكلد افريقي اكيد !
لكن الحوض صغير فالافضل ان تضعه بحوض اكبر .. مبدأيا اعزل الانثى للعلاج ! وخلها في ماء نقي حتى تخف اثار الضرب !! وبالنسبه للحوض اللي عندك طوله متر .؟؟ ايش موجود فيه !؟؟؟ |
رد: عندي سؤال عن السيكلد ...
كله صخور وفيه فخار ...
|
رد: عندي سؤال عن السيكلد ...
اي عليك نور لاكن عدم تواجد اي سمكه معهم ووفر لهم بعض من السخان والاكسجين والاكل البروتين لان السكلد من الاسماك التي تريد بروتين قوي وطبعا الارضيه لازم تكون جرش او تراب لان السكلد بيحب التراب وشكرا
|
رد: عندي سؤال عن السيكلد ...
اقتباس:
يعني الحوض الـ 100 سم .. خالي من اي اسماك !؟؟ |
رد: عندي سؤال عن السيكلد ...
حلو بس شوف اول ما يفقص البيض افصل ابهاتهم لكي لا ياكلونهم و انشاء الله حيا سعيدة معا هاذي الاسماك الجميلة :88:
|
| جميع الأوقات بتوقيت GMT +3. الساعة الآن 12:46 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو