|
تغذية الكـاسكـو ،
السلام عليكم ورحمة الله وبركاته ،
من ساعتين كنت اتصفح القسم ولقيت موضوع شامل عن اكل الكاسكو و الاشياء المفيده بس للأسف كنت ابغي اسئل صاحب الموضوع سؤال وضيعت الموضوع وصاحبه هههه ع العموم ، انا ماخذ كاسكو من شهر تقريباً :88: عمره حالياً 7 شهـور ، و ودّي أعرف الغذاء المهم في هالفتره ، وانا قريت فالموضوع قبل شوي البيض !! كيف يـاكل البيض ؟؟ و في شي يـاكل مخّي أكــل ، الكـاسكو مالـي حركته وايد وايد محدوده يعني مايتحرك كله واقف مكان وااحد ، صح انه يصفر ويطقطق بس مايتحرك من مكانه لو اتركه فالليل فالقفص اقوم اشوفه نفس مكانه وطول اليوم نفس المكان بس ينزل يحك ريله تحت عشان يطلع ، كأني طوّلت عليكم :D |
رد: تغذية الكـاسكـو ،
وعليكم السلام
هلا فيك اخوي بومنصور الطير ياكل ؟ وكيف جلسه الطير ؟ يرتجف ؟ نافش ريشه ؟ |
رد: تغذية الكـاسكـو ،
اممم اول ثلاث أسابيع كان ياكل ماشاء الله ،
و ماشاء الله اول ما ادخل عليه اقوله اصعد يصعد على ايدي بس بـعـدها أحسه قلّل الأكل ، و بدأ يهرب يوم اعطيه ايدي بس ماينفش ريشه وديته عند البيطري قالي فيه اسهال وعطاني فيتامينات خف الاسهال بس بعده يهرب مني . . |
رد: تغذية الكـاسكـو ،
اخوي اذا طيرك للحين فيه اساهال استعمل معاه الباتريل10%
هذا داء فعال للأسهال اعزكم واكرمكم الله وبخصوص انه وشو يا كل يومين بالاسبوع تفاح وعنب وبرتقال وفواكه وخذار بس تشير البذور واكله العادي المشكل الحب الشمسي السبال المكسرات واشياء واجد واذا هو يهرب منك اكيد انه خايف امسح عليه واجد واجد واجد علشان يتطمن عليك تحياتي *فواز* |
رد: تغذية الكـاسكـو ،
بس تعرف ياخوي انا استغربت منه
من ثاني يوم تعود علي يعني صح ما كان يخليني امسح على راسه بس يصعد على ايدي ومايجعر أببد بس بعدها بـ اسبوعين او 3 تغير وضعه بخصوص الأكل يعني كل يومين يا تفاح او عنب او برتقال او شي من الفواكه بس انا سمعت في بعض الفواكه ضاره مثل الموز ؟ |
رد: تغذية الكـاسكـو ،
اقتباس:
يجلس ع رجلين مب رجل وحده !! يرفع رجل بس مايكمل 10 ثواني وينزلها مايثبت عليها ! |
رد: تغذية الكـاسكـو ،
يمكن فيه احد خوفه او شي مثل كذا
وده للبيطري يمكن فيه نقص فيتامينات |
رد: تغذية الكـاسكـو ،
وديته للبيطري آخر مره عطاني فيتامين بس غرشه لونها اخضر ،
ومن قبل عندي فيتامين بودره ، الحين قالي اسبوع الغرشه واسبوع البودره ، امس شوي الحين اشوفه نافش ريشه بعد . . |
رد: تغذية الكـاسكـو ،
ليش الموز مب زين ؟؟؟
ياليت اطمنا ع طيرك شحاله الحين وتقبل مروري ^^ |
| جميع الأوقات بتوقيت GMT +3. الساعة الآن 11:45 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو