|
قطتي مريضه حراره واسهال واستفراغ
بسم الله الرحمن الرحيم
اولا انا جديده معكم واحب اشكركم لاني استفدت كثير منكم معلومات قطتي لوليتا النوع < شيرازي العمر شهرين و ١٤ يوم شريتها من اسبوعين وطعمتها بنفس يوم اللي شريتها المشكله من يوم شريتها ما تاكل كثير ممكن من الداراي فود تاكل حبتين او ثلاث باليوم :wao: اكلتها جبن كيره كلت شوي وبعده معد تبي قالو عادي لانها جديده من يومين رجعت البيت لاني من يوم اشتريتها كنت ببيت اختي لما جيت نامت معي قدام المكيف وجالها اسهال وقعدت تستفرغ ماده بيضاء زي الرغوه ورافضه الاكل مره بس تشرب مويه كثير مع اني سلقت لها خضار ودجاج برضوا ترفض المهم اني خفت ووديتها البيطري وانا بالطريق تبرزت ماده بيضاء شفافه لزجه الدكتور قال نزله معويه وحرارتها مرتفعه بسبب المكيف واعطاها ابرتين خافض للحراره والثانيه مضاد حيوي وقالي تعالي بكره تاخذ ابر وقال اعطيها حليب السعوديه بالسرنجه انا خايفه مره تضرها الابر وخايفه تموت لانها مرررره صارت خامله اوديها بكره ولا لا ما وثقت بالدكتور لانه بس حط السماعه على بطنها ما كشف كويس وش رايكم ؟ |
رد: قطتي مريضه حراره واسهال واستفراغ
طالما اعطاها خافض و مضاد فهو بعمل صح وهذا بالنهاية دكتور يعني هاي شغلتو ومن الاساس غلط القطة تتعرض للمكيف
|
رد: قطتي مريضه حراره واسهال واستفراغ
يعطيك الف عافيه
ادري انه غلط بس انا كنت نايمه صحيت لقيتها عالسرير جنبي :( خلاص توبه بحطها بالخيمه حقتها:( وعلى فكره هذي اول مره اربي بسه |
رد: قطتي مريضه حراره واسهال واستفراغ
اهلا وسهلا فيكي معانا
بخصوص قطتك لساتها صغيره ..وهي الان بعمر الفطام ..وتحتاج الى اكلات معينه ورعايه خاصه حتى ماتموت لان اغلب القطط الصغيره تتعرض للامراض بشكل سريع وخاصه الشيرازيات . وابرتين كثيره عليها بهالعمر ..!! عموما الاستفراغ الابيض وعلى شكل رغوه ..هو تسمم .. تاكدي ممكن شربت من الارض مواد تنظيف ..او ممكن دخلت للحمام وشربمن الارض مواد تنظيف او صابون لان الكيتنز يجهلون الاخطار وتلاقيهم فضوليين .. الان وقفي عنها الحليب ومنتجاته ..وايضا كل المنتجات احريه من سمك وتونه وغيرها. واعطيها فقط زبادي مخلوط بملعه عسل ويكون دافي . واعطيها دجاج مسلوق ومفتت صغير جدا حتى تاكله . وايضا اعطيها دراي فود المخصص للكيتنز من رويال. تاكدي الان هل اكلت او شربت شي من مواد التنظيف؟ اي انها متروكه تتجول في البيت دائما بدون رقابه منك؟ انتظرك حتى اكمل |
رد: قطتي مريضه حراره واسهال واستفراغ
الف شكر اختي الخبيره ناديه
لا لا هي بس بغرفتي ما اكلت مواد تنظيف ابدا والدكتور قال نزله معويه عادي هي من الاول ما كانت تشرب حليب ترفض الدكتور قال لي اعطيها اليوم وبكره حليب دافي واعطيتها شوي بالسرنجه جبت لها زبادي منزوع الدسم بس ترفض تاكل الدكتور قال جيبيها بكره المساء تاخذ ابرتين كمان اوديها ولا لا ؟ الله يوفقك اختي |
رد: قطتي مريضه حراره واسهال واستفراغ
بحاول الان فيها اعطيها شوي زبادي وعسل يا رب ترضى
|
رد: قطتي مريضه حراره واسهال واستفراغ
النزله المعويه يكون استفراغها اصفر او اكلها ..
اما الاستفراغ الابيض مع رغاوي <<<تســمم مثل ماقلتلك الابر كثيره عليها وراح تضعفها اكثر . والقرار يرجع لك. |
رد: قطتي مريضه حراره واسهال واستفراغ
اختي ناديه
الله يجزاك خير اعطيتها الحين زبادي وعسل بالسرنجه لانها رفضت من كلامك يعني ما اعطيها ابر اطنش الدكتور شورك وهداية الله يمه يعني تسمم ؟يمكن اكلت حشره ؟ طيب السائل الشفاف اللزج اللي نزل من مكان البراز ايش معناته ؟ طيب كيف اتعامل مع التسمم والحراره ؟ اسفه كثرت اسئله بس مره خفت لما قلتي تسمم |
رد: قطتي مريضه حراره واسهال واستفراغ
ياليت تتاكدين من حرارتها الان ..
بلمس الاذن من الداخل او الافضل بقياس الحراره عن طريقه الترمومتر اشتري لها مضاد بيتاموكس واعطيها منه مرتين في اليوم ملي ربع قطاره لمده خمس ايام والاستفراغ ..هل لازالت الى الان تستفرغ ؟ وكم مره في اليوم |
رد: قطتي مريضه حراره واسهال واستفراغ
لا ما استفرغت الا مره او مرتين بس امس
اليوم مافيه استفراغ وبعد وقف الاسهال اليوم بس تروح للبوكس كثير وما تصلح شي مع انها الصباح تبرزت عادي الحين حرارتها افضل من الصباح الصباح كانت حرارتها واصله لحضني الحين فيها خمول كثير بس يمكن لانها ما نامت كويس طيب هي اخذت مضاد ابره اليوم لازم الدواء؟ مدري كيف اتصرف الحين انا قلت ل اخوي ما ابي اوديها بكره للدكتور لانه بجد ما ريحني ابد هل تنصحيني اوديها بيطري ثاني يكشف عليها ؟ |
| جميع الأوقات بتوقيت GMT +3. الساعة الآن 04:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو