|
3 شهور في الترويض والنتيجة .........
السلام عليكم اخواني انا اشتريت كاسكو مصيود عمره 8 شهور .. الحين دخل 10 شهور ياخوان التقدم في الترويض بطيئ جدا جدا جدا من 3 شهور ولا اقدر غير امس على رجله بس كل ماجيت ابي امسح راسه ولاظهر يعصب ويناقز ويصارخ مع اني مهتم فيه من ناحية اكل وتنويع وفيتامينات وكالسيوم اذا جلسته جمبي يجاعر فترة وفترة ولما لاالتفت عليه يصارخ ببغائي عنيد لدرجة الجنون مع انه صغير جربت التجويع جربت الجلوس عنده ساعات حتى لما اكلمه يزيد الجعر واحسه ساعات ينرفزني صبرت وصبرت ياخاوان هذي ثالث محاولة لي والله بديت اتحطم :( قبل سنة جبت كاسكو هولندي جلس معي 21 يوم كلها متعه ولعب ووناسة بعدها مات :( جبت بعدها كاسكو كان عمره سنة ونصف ويكرهني كره مع اني انا الي اغير له اكله وشربه وانضفه واذا شافني يصارخ تصدقون انو اصحابي والغريبين مايخاف منهم وانا لما يشوفوني يصارخ ويطير للقفص والحين اشتريت هذا من 3 شهور وللحين يصارخ علي اروح تحت ببغاء يصارخ في وجهي اروح فوق لغرفتي الثاني برضو يصارخ علي مادري وش اسوي :( انا اتابع تدريبات كثيرة واشوف غيري ماشاء الله قدرو يحملون الببغاء والحين بادين كلام انا للحين جعير لا احد يقولي فيه غلط بالتدريب ياناس كل شي سويته تنظيف نوم تشميس الي يبيها حتى اكل انوع له فواكه بذور جايب له ستاند يغير جو ماحبسه كثير مادري ليش للحين مايفهمني الببغاء صار له 3 شهور لأني عارف البعض راح يقولي الببغاء جديد اسف يا اخوان طولت :( |
رد: 3 شهور في الترويض والنتيجة .........
ونسيت اقول جربت القفاز وقام يصارخ ويخاف ويقفز وجربت العصا ومو راضي يطلع
|
رد: 3 شهور في الترويض والنتيجة .........
الترويض يبيله واحد باله طويل انت حاول تروضه وانت هادي بعدين لا تروضه على الصعود لليد والمسح مع بعض
اسبوع مسح عليه مسح عليه امسسح لين يحس بل امان معاك يصارخ جب لك قماش ولا منشفه وحطه في غرفه ماعندك احد واغطه وامسكه وقرب علبة مربى منك ايد تحك راسه واصبع من يدك الثانيه فيه مربى حطه عند منقاره من الجنب راح يلحس واستمر استمر مابقى الى القليل مسح الكاسكو يحب التمسييح لمدة اسبوع ثلاث مرات بليوم اقل شي واجلس معه كثير مو 5 دقايق بعدين ابداء بصعود لليد استخدم عصاتين 10 مرات بليوم لمدة اسبوع اهم شي طول باااالك وكون هادي والله يوفقك |
رد: 3 شهور في الترويض والنتيجة .........
هلا اخوي بالنسبه للترويض البغبغاء وخاصه الافريقي يحتاج وقت كي يتاقلم بعض الطيور تجلس اسبوع وبعظها يجلس شهور على الاعتماد كله على مدى تقبل الطير للوضع الي هو فيه انت اهم شيء الي تسويه لاتظغط على الطير نصيحه الطير لسه خايف والدليل على ذلك الجعير الي يصدره بس انت اهتم في النظافه والاكل والماء حاول تخلي الطير في مكان مرتفع حوالي مترين وبعيد عن التيار الهوائي التكيف مع مراعاه تغطيه الطير في وقت الليل يعني من يجي المغرب غطه او خليه في غرفه مع مرعاه اطفاء النور علاشان الطير يرتاح لان في الطبيعه الطيور تنام من غروب الشمس وتستيقض عند اول بزوق الفجر ...اخوي اهم شيء انك تصبر على الطير اذا انك تبقي طيرك يطلع فلته في الكلام لازم انك تطول بالك عليه يعني طيرك لسه فرخ عمره سنه وان شاء الله مع الاهتمام صدقني الطير راح يولف معاج تدريجيا من غير لاتظغط عليه في التدريب ....موفق ان شاء الله
|
رد: 3 شهور في الترويض والنتيجة .........
افادوك الاخوان
|
| جميع الأوقات بتوقيت GMT +3. الساعة الآن 07:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو