|
اعراض مرض الدمعه ام البرد او الانفلونزا.؟
السلام عليكم
اسعد الله صباحكم يااخوان عندي كروان فرخ مريض (مفطوم بس نااااادرا اهله يغرونه بشكل بسيط) وعجزت اعرف مرضه. دايم نافش ويغمض عيونه لوقت طويل ماادري ينام او لا. كان يعطس كثير وتطلع فقاعات من انفه بس خفت بشكل كبير الان اما تنفسه ماتغير كثير يطلع منه صوت شخره واحيانا لما اركز عليه احس ان الزكام مايخليه يتنفس عدل عشان كذا يطلع منه الصوت. ولما يتنفس يتحرك ذيله معه وساعات لما يتحسن شوي مايتحرك الذيل مع التنفس. وطبعا الى الان يتنفس من فمه علشان كذا قلت ان يمكن عنده مرض الدمعه غير ان عيونه معظم الوقت مغمظه بس اذا طلع بره وبدا ياكل يفتح عيونه بشكل ممتاز ولايوجد اي تورم او دموع. بدأت اعالجه بادوية مرض الدمعه صرت اعطيه دواء اقراص اسمها Orni Tap Pantexx Holland B.V. اذوب القرص في الماء واشربه له لمده خمس ايام واليوم هو الخامس بس مثل ماقلت لكم شكيت ان يمكن ماعنده مرض الدمعه خاصه انه عيونه عمرها مادمعت فقلت اسأل واستشيركم قبل لا ابدأ اعطيه الفيتامينات لمدة 3 ايام. الزبده من كلامي اني محتاج نصائحكم لاني حيل محتار ولاحد يقولي روح لطبيب بيطري لاني مااعرف اي طبيب بيطري غير الطبيب المختص في البهائم من البقر و الابل وغيره. اكمل العلاج ولا ابدأ اعطيه فلياميسين او اي مضادات اخرى لعلاج البرد ؟ |
رد: اعراض مرض الدمعه ام البرد او الانفلونزا.؟
اقتباس:
اخووووووووووووووي الله يقويك في عناية الطير http://www.2zoo.com/vb/showthread.php?t=127851لو تحط صوره احسن وافضل علشان الخبراء يعطوك الكلام الاكيد وثاني حاجه مبين من كلامك ان الطير عندو نزلة برد الخمول والكسل والزكام طريقة الثوم بالليمون ترى مره كويسه مجربه مره يعطي الطير حيويه ونشاط وطارد للأمراض خذ الرابط هذا وابدأ بعلاجه اتمنى اني قدرت اساعدك |
رد: اعراض مرض الدمعه ام البرد او الانفلونزا.؟
اقتباس:
عطيته ثوم وليمون لاكثر من يوم وما شفت اي تحسن |
رد: اعراض مرض الدمعه ام البرد او الانفلونزا.؟
الحمد لله تحسن الطير بعد مااعطيته الفلياميسين بس لاحظت ان حويصلته من الجهه اليمنه
تنتفخ لما ياكل الخبز المبلل او لما يجيه تيار هوائي ويقعد ينفش ومايحب احد يمسح ظهره. صور له بعد ماتحسن شوي http://img577.imageshack.us/img577/293/121zw.jpg هل الانتفاخ اعراض لمرض او انه شئ طبيعي يجي مع البرد؟ |
رد: اعراض مرض الدمعه ام البرد او الانفلونزا.؟
هل احد اصاب كروانه مرض حمى الببغاء؟
معظم اعراضه اشوفها في كرواني دخيلكم عطوني تجاربكم ماودي افقد كروان ثاني. |
رد: اعراض مرض الدمعه ام البرد او الانفلونزا.؟
..:: الإنتفــااخ فــي مكــاان الحويصلــة طبيعــي !! ::..
..:: إستمــر علــى العــلاج اللــي تــدي الطاائــر منــهـ داامــهـ فــاادهـ علــى طــوول وانــ شــااءاللهـ بيشفــى !! ::.. ..:: وإبعــد الطاائــر عــن كــل التيــاراات الهواائيــة والبــروودة وحاافــظ ع النظاافــة ووفــر لــهـ أطعمــة متنــووعة ومغذيـة لـ تفيــدهـ وتغذيــهـ !! ::.. ..:: تحيــــــــــــــــــــــــــــــــــــــااتي لكــ ::.. |
رد: اعراض مرض الدمعه ام البرد او الانفلونزا.؟
ان شاء هذا الي راح اسويه
واذا مانفع راح اعطيه كبسولات الدكسوكلاين. الله يشفيه .. |
رد: اعراض مرض الدمعه ام البرد او الانفلونزا.؟
..:: اللهـ يشفيـهـ ويحفضــهـ لكــ ^_^ ::..
..:: بـ التووفيـــــــــــــــــــــــــــــــــــــــــــــــــــق لكــ ^_^ ::.. |
رد: اعراض مرض الدمعه ام البرد او الانفلونزا.؟
أفادوك الأخرة وان شاء الله يشفى الليلة قبل بكرة ..
|
رد: اعراض مرض الدمعه ام البرد او الانفلونزا.؟
الله يشفيه لك و يعافيه
|
| جميع الأوقات بتوقيت GMT +3. الساعة الآن 11:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو