ابي اشتري ببغاء وعندي بعض الاسئلة
 

بسم الله الرحمن الرحيم

السلام عليكم ورحمة الله وبركاته :-

ابي اشتري ببغاء وانا من مدينه الطائف ...

1- وش احسن اشتري ذكر او أنثى : طيب اخذ ببغاء وعمره كم احسن :

2- وش أحسن نوع من الببغاء انا احب الببغاء اللي لونه فضي ..:

3- كم سعر الببغاء : في المزغديه ( مجمع الطيور )

4- كم مده عيش الببغاء : (الى متى يعيش)

5- وقت النوم بالنسبه لي ،،، وين احط الببغاء بالسطوح : او بالغرفه ...:

6- على ماذا يتغذى الببغاء يعني له اكلاة خاصة ولا عادي أعطيه من الاكل العادي ....؟

7- القفص يفضل كبير ولا وسط ولا على قده ...؟ :

وإذا فيه نصائح ياليت تفيدوني بها قبل لا أشتريه ... :freind:

رد: ابي اشتري ببغاء وعندي بعض الاسئلة
 

اخوي ادخل على موضوعي قبل لا تشتري الببغاء علشان تستفييد واخير شي احط الرابط

والنصائح
1- تخليه في مكان دافئ لاهو بارد ولا هو حار

2- وتبعده عن التيارات الهوائيه ضروووووري جدا

وتهتم بالنظافه يعني كل يوم غسل اطباق الشرب والاكل علشان تكون صحته قويه ومايموت انشاء الله
وهذا كل شي وهذا رابط موضوعي

http://www.2zoo.com/vb/showthread.php?t=224668


اتمنى اني افدتك

رد: ابي اشتري ببغاء وعندي بعض الاسئلة
 

اسف ما جاوبت على سؤالك هذا والله كنت ناسيه

5- وقت النوم بالنسبه لي ،،، وين احط الببغاء بالسطوح : او بالغرفه ...:
حطه بغرفه بس ما يكون بها مكيف يعني بعييد عن التيارات الهوائيه والبرد والحر يعني متوسط تقدر تقول 25 درجه سيلزيه

رد: ابي اشتري ببغاء وعندي بعض الاسئلة
 

الله يعطيك العافيه اخوي ماقصرت بس عندي سؤال..

انت طال عمرك قصدك بالريال ولا الدينار ..

3- كم سعر الببغاء : في المزغديه ( مجمع الطيور )
الاليفين من 1000الى 1500

رد: ابي اشتري ببغاء وعندي بعض الاسئلة
 

وعندي سؤال ثاني انا شفت في اكثر مقاطع اليوتيوب ..

انهم ينزلون الببغاء من القفص ولا يطير عليهم ..

كان مع اخوي ببغاء قبل 4 سنوات كاسكو توه فتح باب القفص طار ولا عاد رجع ...

اللي مستغرب منه كيف ينزلونه من القفص ولا يطير عليهم ومايرد .... ؟؟؟؟

رد: ابي اشتري ببغاء وعندي بعض الاسئلة
 

عشان الببغاء مدرب ويحب صاحبه

رد: ابي اشتري ببغاء وعندي بعض الاسئلة
 

الجنس .. كلهم مثل بعض ... اما العمـــر يفضل من 5 - 12 شهر


الي لونه رصاصي .. اسمه كاسكو ..
وهو يعتبر من افضل الطيور المتكلمه ..
وانا انصحك به


لا اعلـــم عن منطقتك
ويختلف من ببغاء لاخر .. لاكن خلينا نتكلم عن الكاسكو
الكاسكو . الهولنديه اسعارها 1500 - 2000 ريال سعودي

( الهولنديه محجل يعني الي فيها خاتم برجلها وهذا يعني انها تفريخ مزارع وتكون اليفه
.. لاكن للاسف مناعتها ضعيفه جدا )


والكاسكو الافريقي .. اسعارها من 1000 الـــى 1800 على حسب الولافه
( الافريقي غير محجل يعني مايكون في رجله خاتم ... وهذا يعني انه مصيود .. وغالباً يكون غير اليف . لاكن افضل شي بالافريقي .. مناعته قويـــة )



وانا انصحك بالافريقي يكون عمرهـ فوق الـ 6 ومايعدي السنـــه .. ويكون اليف ...



يختلف
لاكن الكاسكو العمــر اظن 40 - 60 سنه .. اذا تم اعتنائه والاهتمام به بشكل جيد


لا لا تحطه بالخارج ابدا ... حطه بأي غرفه يكون جوها معتدل لا بارد ولا حار .. وغطي القفص بلحاف خفييف لاكن لاتكتمه

يتغذى على الحبوب .تجده بمحلات الطيور .
والخضروات والفواكه <وانتبه من البذور
ولا تعطيه اكلات المطبوخه . ( املاح وسكريات ومنبهات والكاكاو ) لاتعطيه


كل ما كبر كل ماكان افضل


نصيحتي لك قبل ان تشتري طيــــر صورهـ ونزل صورهـ بهالمنتدى
عشـــان لاينصبون عليك بالاسعار ,, او يعطيك طير مريض

وايضاً ..
قبل ماتشتري .. هل يوجد لديك الوقت الكافي للاعتناء والاهتمام به ؟

وللعلم ترى الطيور عندها مشاعر تحزن وتغضب وتجيها حالات نفسيه اذا لم يتم الاعتناء بها بشكل جيد
لدرجه ان بعضها تنتف ريشها

الله يوفقك

رد: ابي اشتري ببغاء وعندي بعض الاسئلة
 

شي عادي جدا انا الكوكاتو القدييم كنت اطلعه وما يطير كان يحبني والدره والبلو فرنتد والكاسكو

كانوا ما يطيرون بس اذا كانوا جدد قص جناحهم علشان ما يقدروون يطيرن على ما تدربه ويحبك ويطلع جناحه وما يطير واذا طار يجي على ايدك على راسك على كتفك هذا بعد عشره بعد وقت من التدرييب

رد: ابي اشتري ببغاء وعندي بعض الاسئلة
 

رد: ابي اشتري ببغاء وعندي بعض الاسئلة
 

اضيف صوتي لصوت هاوي البادجي

تقبلو مروري

ابوغزل

حبتييييييييييييييييييييييييييييييييييين

:88: