|
سؤالي بخصوص الدره
مساء الخير
هذه اول مشاركه لي بالموقع، وان شاءالله اكون من ضمن الاعضاء النشيطين بالمنتدى هذذي اول مره اشتري لي دره واربيها بس عندي كم سؤال - عمر الطير - جنس الطير - ساعات بعدما يشرب الماي أو ياكل، يرجعه !! شنو السبب ؟؟ - ساعات يطلع صوت كأنه يعطس، مع اني مخليته بعيد عن تيار الهوا !! - ساعات يسوي حركه وكأنه بيرجع الاكل بس مايطلع شي .. شنو سبب الحركه ؟؟ - شنو انسب اكل له في هالعمر ؟؟ انا اعطيه خبز وماي ومن الفواكه التفاح، وخليت له حبوب في القفص بس ماياكل منه وايد، وبغيت اعرف شنو نوع الفواكه والخضره اللي اقدر اعطيه ؟ - هل يحتاج فيتامينات ؟ - كم مره لازم اروشه ؟ مره في الاسبوع يكفي ؟؟ - شنو انسب جو له ؟ غرفه بدون مكيف واكتفي بالمروحه ؟؟ اول صوره له في شهر مارس http://www.bahrain-future.com/upload...8119213a5e.jpg صور ثانيه .. http://www.bahrain-future.com/upload...1d4b178a15.jpg http://www.bahrain-future.com/upload...f861f36565.jpg http://www.bahrain-future.com/upload...f19a8127e1.jpg http://www.bahrain-future.com/upload...349c30afcd.jpg آخر صوره له http://www.bahrain-future.com/upload...b2a5af9f8a.jpg الحمدلله الطير حبوب واليف ومتعود على كل اهل البيت، مايخاف من احد وياكل من يد الكل جزاكم الله خير .. |
رد: سؤالي بخصوص الدره
ماشاء الله هذا اعتقد مو درة هندية
ظنتي نيبالية والله وأعلم - عمر الطير بس من اول صوره له بمارس اعتقد عمره من شهر لشهر ونصف وفرضا شهرين معناه قبل 3 اشهر يعني الحين عمره تقريبا 5 أشهر.. جنس الطير .. مايبان الحين انتظري ان طلع له طوق اسود فهو ذكر ان ماطلع له فهو انثى .. بالنسبه للماي يمكن مايحتاج كثير لانه يتشبع منه عن طريق الاكل مثل الخبز والماي وبالنسبه انه يحرك راسه كانه بيستفرغ احتمال وايد تأكلينه لاتجبرينه اذا رفض .. استمري بنفس ماتاكلينه وخلي له حبوب بالقفص وأكليه ماشئتي من الفواكه والخضار بس موكلها دفعه وحده شكلي له يوم قطعة تفاحة وخيار وجزر ويوم حب رمان وخس ويوم عنب وجذيه وعطيه خبز مبلل بشوي ماي دافيه واعصيره من الماي وعطيه اياه على شكل كور صغيرووونه بحجم حبة الرمان وبسكويت عادي لامالح ولا سكر وبعد نفس ماتسوين بالخبز سوي بالبسكويت درتي لها سنة عايشه على بسكويت sky flaks ابلله بماي دافيه واعصره باصابيعي يصير زي العجينه واعطيه درتي على شكل كور .. بالاضافة الى ذرة صفرا مسلوقة .. الفروخ ينصح بعدم ترويشها واذا بتروشينها مره بالشهر ولا مره كل اسبوعيين وحطيه بمكان جاف نهائي لا تكيف ولا مروحه ولا شباك مفتوح ولا باب مفتوح لين ماينشف ريشه نهائيا.. واذا يعطس كثير اكيد يتغير الجو حوله من برد الى حر والعكس.. انسب مكان يكون درجة الحراره من 25 الى 30 يعني مثلا بركن بالصالة بعيد عن التكيف بس ما ينحرم منه والمروحة ما انصحج فيها ماغير تجيب تيار هوا وبس وبالنسبه للفيتامين اذا ياكل فواكه وخضار ماله داعي للفيتامينات ياخذها من مصادرها بس لاتحرمينه من أشعة الشمس وهي بارده بالصباح او المساء .. هذا من واقع تجربتي مع درتي وان شاءالله يدخل من يفيدج اكثر.. |
رد: سؤالي بخصوص الدره
مشكووووووره اختي صوغه على الرد
ماشاءالله يعني لي عمرهم سنه ياكلون بسكويت وماي، انا توقعت خلاص يعتمد بعدين على الحبوب وبس صح كنت باسأل بأي عمر ياكل بروحه ؟ لان للحين اكور له الخبز بيدي واعطيه وساعات ايود له هاي الشي اللي ينحط فيه الاكل (وعاء بالفصحى خخخخخخخخخخ) واخليه ياكل بروحه بخصوص الاكل ساعات من يسمع صوتي يتم يصوفر ويكأنه بيستذبح وميت من اليوع واقعد اعطيه لين يبتدي يمش منقاره بيدي وافهم انه شبع يعني ابداً ما غصبه على الاكل او الماي |
رد: سؤالي بخصوص الدره
شوفي اختي
محاولاتي لآفطام درتي باءت بالفشل كلها وحاليا عمرها 22 شهر ومازالت رافضه اكل الحبوب مع انه دايم بقفصها قالوا جوعيها جوعتها ويمر 12 ساعه بدون أكل والقاها ناشفه ميته جوع ولا قربت الحبوب مو مرة ولا مرتين اجرب هالشي ومانفع لذلك اقطع لها فواكه او ذره مسلوقة واتركه بالقفص ووجبتها الرئيسيه البسكويت مع الماي او الخبز مع الماي.. اغيب بحكم الدراسه عنها ساعات وأرجع القاها ماحاولت حتى اتجرب الحب من نفسي صرت أقشر وأعطيها ومانفع ترميه لو أغير البسكويت ترفضه وتعشق الذره الصفر اء المسلوقة والخبز بالماي ومابدأت تشرب ماي الا من اسبوع مع انه عمرها 22 شهر كل ماجربت احط لها ماي على اساس تتعلم تشرب تتروش فيه بجنون حتى لو العلبه ماتكفي منقارها الا تشوفينها تنشر اجنحتها وتفرش ذيلها واتهزه واتدفع براسها داخل علبه الماي وشكلها تكتفيبالماي المشبع بالبسكويت والخبز فماعاد احط لها ماي بالقفص بس كل ساعتين اجرب اجيب لها ماي وتفاجات بالصدفة وانا معي زجاجة ماي جن جنونها على الزجاجه عبيت المغطاه ماي وقدمته لها اشربت لآول مره بحياتها .. فصرت اجوعها من 8 العشا لين 8 الصبح ومع انها صاحيه من 5 الفجر لكن تظل بجوعها ولاتقرب الحبوب.. عاد شنو الحل؟ حاليا تمر بمرحله تغيير الريش لخلصت هالمرحلة على خير بأكلها شي بسيط وبتركها باقي اليوم بدون أكل لعل وعسا اتجرب الحبوب .. http://www.youtube.com/watch?v=PAiZk9AqwNk طريقه أفطام فرخ الدرة تفرجي عليه للأخ سكر ابحثي عن مواضيعه وراح تستفيدين ان شاءالله وان لقيتي حل اسعفيني هههههه |
رد: سؤالي بخصوص الدره
اقتباس:
اتمنى اني افدتك تحياتي لك |
رد: سؤالي بخصوص الدره
اقتباس:
ان شاءالله بحاول وإذا لقيت الحل اكيد باخبرج :D هذي وقايلين لي ان تربية الدره سهله، بس الله يستر |
رد: سؤالي بخصوص الدره
الف شكر لك اخوي هاوي على الرد
ان شاءالله باترك الترويش عشان مايمرض .. يعطيك ربي العافيه |
| جميع الأوقات بتوقيت GMT +3. الساعة الآن 12:57 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو