|
lحتاج مشورتكم يا اخوان بخصوص الكاسكو
السلام عليكم ورحمة الله وبركاته
يعطيكم العافيه اخواني الاعضاء انا بحاجة اخذ رايكم بخصوص اقتناء الكاسكو نوع هولندي بما اني هاوي جديد للطيور وعندي بعض الاساله ولا عليكم امر احتاج اجوبتها حصلت كاسكو هولندي اثنين وكلها اليفه واحد عمره اربع شهور والثاني ٨ شهور شرايكم ايهم اخذ؟؟ اللي عمره ٨ شهور يطلع على اليد الشي الثاني تنصحوني اقتني الهولندي او الافريقي مع تضيح السبب؟؟ نصائح بحكم اني جديد في تربية الببغاء كاسكو وعندي نقطه مدري هي مهمه ام لا القفص يكون كبير او صغير؟؟؟ ادري كثرت عليكم بالاساله لكن تحملوني بما اني جديد بالمنتدى وجديد بتربية الطيور ومشكورين مقدما |
رد: lحتاج مشورتكم يا اخوان بخصوص الكاسكو
ولا عليكم امر سوال مهم وهو اسعار التوعين من عمر ٤ شهور لحد ٨ شهور
علما بأني من سكان الرياض ابي اعرف اسعارها بالرياض وافضل مكان ثقه يبيعها وتكون نوعيتها وصحتها ممتازه |
رد: lحتاج مشورتكم يا اخوان بخصوص الكاسكو
اخوي انا اشتريت كاسكو هولندي عمره 4 شهور والف لكن مايطلع على اليد والله في يوم واحد خليته يطلع على يدي
وطبعا انا اديه الاكل بالابره واديه بطاطس مسلووقه عشاان عظمه يقوى واهم شئ لا تحطه في غرفه باارده لانك لو حطيته بيروح عليك باختصاار يبغااله عناايه خااصه فانت شوف نفسك لو تقدر توفرله هذي العناايه خذه لو ماتقدر خذ ابو 8 شهور احسن اتمنى اكون افدتك واذا عندك اي سوال انا حااضر |
رد: lحتاج مشورتكم يا اخوان بخصوص الكاسكو
السلام عليكم ورحمة الله وبركاته
يامرحبا اخوي ابوسارة بما انك جديد على الشغلة احب اذكرلك بعض الامور يمكن تختصر عليك المشوار اولا وقبل كل شي خصص لك اسبوع زمان تقرأ كل صغيرة وكبيرة عن الطيور بصفة عامة والبغبغاء بصفة خاصة *انواعها *عاداتها *مصادرها *غذائها *طرق تربيتها ومعيشتها بالاسر *متطلبات العناية بها ويمكن الاستعانة بالنت من مواضيع ومقاطع فيديو واستشارة اهل الخبرة بعد هذا اذا حسيت انك قادر على الوفاء بمتطلبات هذه الطيور باكمل وجه فتوكل على الله وشوف الطير المناسب لامكانياتك والاقرب لك لان هذه الطيور اذا الله ستر عليها ممكن يتوارثونها احفادك منك لانها معمره. نرجع لصلب الموضوع: اول معلومة لازم تعرف ان الافريقي والهولندي اصلهم وموطنهم واحد لكن الفرق ان الاول يجي صيد من الغابة والثاني تفريخ مزارع وهذا الشي يفرق بالسعر الضعف عشان التفريخ غالبا يجي اليف وهادي لانه متعود على البشر. الاختيار انت اللي تحدده اذا كنت تبي تبدي من الصفر مع افريقي متوحش وتتحمل مصاعب التدريب وعندك وقت يوصل حوالي 3 شهور حتى تصير بمستوى التفريخ من الالفة والهداية والا خلك على التفريخ او المسمى بالهولندي على شرط يكون فيه حجل معدني صك لايمكن فتحه حتى لاتاخذ شي مغشوش وبما انك جديد فابو 4 شهور راح يكون غالبا ينعس او ينغر (يعني لازم توكله بنفسك) وهذي اظن صعبه عليك اما اذا كان يعتمد على نفسه فاكيد كل ماكان العمر اصغر كان اسرع بتقبل التدريب من الكبير اما الاسعار فلا اعلم عن الرياض لكن سعر الكويت واظنه متقارب مع اسعاركم الافريقي الفرخ وحش جامبو بين 6 الى 8 شهور 70 الى 80 د.ك التفريخ بين 5 الى 8 شهور ابتداء من 170 د.ك *ملاحظه استخدم القاعده الصينية في اتخاذ القرار اذا بغيت شي اجل تنفيذه 3 ايام واذا مازلت مصمم عليه فتوكل على الله واذا شفت نفسك متردد اتركه حتى لاتكون متسرع باتخاذ القرارات :) مع اطيب التمنيات اخوك ابو احمد |
رد: lحتاج مشورتكم يا اخوان بخصوص الكاسكو
شوف يالغلي الأخوان ماقصرو لكن تبي نصيحتي بما انك جديد ابتعد عن الهولندي .. الهولندي مناعته ضعيفة مره هو الكاسكو يعتبر من اضعف الببغاوات مناعة لكن الهولندي اضعف من المصيود .......حكمة ربك سبحانه المصيود اعتنو فيه والديه واكتسب مناعتهم لكن التفريخ لا ... مثل الطفل الصغير لما يولد تلاحظ الدكتور يشدد على الأم ارضاعة على شان تقوي مناعته بعد الله سبحانة ... صحيح الهولندي جميل واليف وماتتعب معه لكن اشوف عيوبه اكثر ..مع ذلك الأعمار بيدالله سبحانه لكن احنا نقولك الأسباب وربي يوفقك |
رد: lحتاج مشورتكم يا اخوان بخصوص الكاسكو
بالنسبه للهولندي خذ ابو 8 شهور فهو ان شاء الله تعدآ مرحله الخطر
الاسعار للهولندي 2000 - 2300 ريال وافضل مكان اسعاره معقوله هو سوق الحمام والقفص يكون مناسب لاصغير ولا كبير |
رد: lحتاج مشورتكم يا اخوان بخصوص الكاسكو
خذ 8 شهور احسن مناعته اقوى من ابو 4 شهور
اسعارها من 2000 وفوق |
رد: lحتاج مشورتكم يا اخوان بخصوص الكاسكو
اقتباس:
ومشكور على تفاعلك وردك اقتباس:
وبالنسبة للقاعده الصينيه اسجل اعجابي فيها وفي نقلك لها ومشكور على تفاعلك وردك اقتباس:
ومشكور على تفاعلك وردك اقتباس:
واذا غيرته هل اجيب كبير ؟؟؟ يعني فيه مشكله اذا حطيته بقفص كبير؟ ومشكور على تفاعلك وردك اقتباس:
ومشكور على تفاعلك وردك بس ما استغني عن نصايحكم واقتراحاتكم بعد اقتناء الطير ان شاء الله اليوم والف شكر لكم جميعا اخواني |
رد: lحتاج مشورتكم يا اخوان بخصوص الكاسكو
|
| جميع الأوقات بتوقيت GMT +3. الساعة الآن 05:51 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو