منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   هل طيري مريض ؟!! (http://www.2zoo.com/vb/showthread.php?t=224409)

F-9 21-06-2011 03:00 PM
هل طيري مريض ؟!!
 
السلام عليكم

يا اخواني الطير ( افريقي عمره 8 شهور ) اليوم لاحظت ببرازه وانتوا بكرامه سيوله غير المعتاده

يعني الاخضر سايل اكثر بشوي من الطبيعي دايم
صورته للتأكد بس اذا ما وضحت لكم المشكله من كلامي حطيتها ..

انا هاليومين أعطيته نص تفاحه واليوم الثاني ربع كمثرا .. هل هذا سبب " اكله الدايم حب شمسي و معه احيانا بسكوت شاي "
وهذي اول مره اعطيه فواكه ..
والصبح سمعت منه صوت زي الغرغره ..

اذا كان مريض وش تنصحوني اعطيه اذا دوا يا ليت تكتبوا الاسم

ولاحظت الطير طايح بحركه يمسك بالشبك اللي يرفعه عن الفضلات بمنقاره و برجل وحده والرجل الثانيه يحكها بحق الأكل او اقرب شي لها مع العلم انه ما يسويها بالرجل الثانيه ويطول وهو يسويها وصل مره لـ10 دقايق ما يوقف هو يلعب ولا وش السالفه .. واحد قالي يمكن في شي برجله والله اعلم


يا ليييييت تفيدوووني باسرع وقت ..


*

كاسكـــو 21-06-2011 03:12 PM
رد: هل طيري مريض ؟!!
 
اقطع الفواكه عنه لأنها تسبب اسهال

لاتكثر له من الفواكهـ الحركه الثانيه بأمكانه يحكها بمنقاره لو فيه شي

اعتقد عاديه ان شاء الله .... انت ملاحظ شي برجله ؟؟

F-9 21-06-2011 03:20 PM
رد: هل طيري مريض ؟!!
 
لا رجله أشوفها طبيعيه بس اللي استغربته ان هالحركه ما يسويها بالرجل لثانيه وصار دايم يسويها عكس اول كان دايم يتعلق بالقفص ..


يعني اخوي ما يحتاج دوا او اعطيه شي معين ياكله ؟!

F-9 21-06-2011 03:22 PM
رد: هل طيري مريض ؟!!
 
و حبيت اسالك ،، الطير صار له عندي اسبوع ويومين يمديني اروشه ولا اخليه .. لانه يحك كثير وناس قالت لانه جديد

من خبرتك وش تنصحني ؟!

F-9 21-06-2011 03:22 PM
رد: هل طيري مريض ؟!!
 
و حبيت اسالك ،، الطير صار له عندي اسبوع ويومين يمديني اروشه ولا اخليه .. لانه يحك كثير وناس قالت لانه جديد

من خبرتك وش تنصحني ؟!

*هاوي البادجي* 21-06-2011 05:35 PM
رد: هل طيري مريض ؟!!
 
لا روشه افضل بس تأكد انه مو مريض

كاسكـــو 21-06-2011 06:05 PM
رد: هل طيري مريض ؟!!
 
اذا انت مو ملاحظ شي برجله الحمد لله الوضع ان شاء الله سليم

بالنسبه للترويش مافي مشكله روشه بس انتبه من المكيفات والتيارات الهوائيه

fawzi 21-06-2011 06:41 PM
رد: هل طيري مريض ؟!!
 
طيرك طبيعي ولا فيه اي شيء اذا رجله مو متعوره او كان مربوط فيها شيء لان بعض الاحيان من لعب البغبغاء وخصوصا اذا كان القفص يتغطى بقطعه قماش ممكن يعلق فيها خيوط القماش ويتظايق منها طبعا هذه كثير ماتصير وانا بالذات صارت عندى مرات عده اما بخصوص الفواكهه زينه ومفيده للطير بس الاكثار منها تسبب الاسهال لان الفواكهه فيه نسبه كبيره من الالياف والعصاره ...نصيحه لاتخلي الفاكهه اكثر من يوم في القفص خصوصا وقت الصيف وتخرب بفعل الحراره


جميع الأوقات بتوقيت GMT +3. الساعة الآن 03:37 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو