|
اليوم ان شاء الله بشتري كاسكو
السلام عليكم
أخواني معروض علي ببغاء كاسكو عيون رمادية عمره من 6 الشهور الي 8 شهور صيد طبعا غير اليف فيه جعره على خفيف لونه رمادي فاتح وتوه جاي من افريقا بالشحن بقيمة 1100 ريال وش الراي وش تنصحوني أخذه ولا لأ وش الشي الي لازم انتبهله قبل الشراء اذا تنصحوني استقبل نصايحكم واليوم بروح اشوفه الساعه 7 المغرب السعر مناسب ولا لأ |
رد: اليوم ان شاء الله بشتري كاسكو
والله سعره غالي شوي
|
رد: اليوم ان شاء الله بشتري كاسكو
سعره طبيعي بحكم العمر
انتبه للحجم جامبو او عادي ... رقبته طويله ؟؟ فتحة الخشم نظيفه مافيه مايدل على المرض البراز اكرمك الله ومن يقرا هل هو طبيعي متماسك اخضر مع ابيض وعلى شكل خطوط بشكل دائري مافي انتفاخ بصدره ( وذلك يدل على وجود الدود ) حركته طبيعيه مافيه خمول تعال للطير من الجهتين وصفر وتكلم شوف ينتبه لك ( عشان تتأكد من السمع والنظر ) جعرته خفيفه او بشكل مزعج ؟؟ ريشه مرتب ؟ هذي نقاط مهمه لازم تنتبه لها |
رد: اليوم ان شاء الله بشتري كاسكو
السعر جدا مناسب على عمر الطير .. والباقي مثل ما ذكر الاخ ابو فزاع
|
رد: اليوم ان شاء الله بشتري كاسكو
اقتباس:
ما خليت لنا شي نذكره ههههههههههههههههههههههههههههههههههههه الا الرجل انته للاصابع والاضافر لا يكون فيهم قطع واول ما تاخذ الطير اشتره له مضاد حيوي وقايه من الامراض غالبا ما تكون الطيور المستورده فيها مرض لا تنسى المضاد واسال صاحب المحل اكيد بيعطيك دواء لهم وبالتوفيق يارب ولا تنسي اول ما تجيب الطير تكرمه بالاكل والشرب لمده اسبوع وبعدها سو الي انت تبيه |
رد: اليوم ان شاء الله بشتري كاسكو
الله يبيض وجيهكم يا رجال ويسعدكم ربي كنت ناوي ٩٠ ٪ اخذه والحين ١٠٠٪ ان الله كتب وراح اصوره لكم كل النقاط الي قلتوها
ابتداء من العين المنقار الرقبه والضخر والذيل والارجل والاطراف وراح اوريكم اياها باذن الله بكره بعد الشراء والرجال طيب والله يرزقنا علي قد نيتنا يا احلا اعضاء منتدي |
رد: اليوم ان شاء الله بشتري كاسكو
كاسكو عيون رمادية عمره من 6 الشهور الي 8 شهور
ــــــــــــــــــــــــــــــــــــــــــــــــــــــــــــ ماشاء الله والف مبروك مقدماً توكل على الله السعر مناسب جداً |
رد: اليوم ان شاء الله بشتري كاسكو
[QUOTE=كاسكـــو;2163158]كاسكو عيون رمادية عمره من 6 الشهور الي 8 شهور
ــــــــــــــــــــــــــــــــــــــــــــــــــــــــــــ ماشاء الله والف مبروك مقدماً توكل على الله السعر مناسب جداً[/QUOTE ايه حبيبي الكاسكو عيون رماديه عمره من 6 شهور الي 8 اذا الملعومه خطاء تكفي علمني |
رد: اليوم ان شاء الله بشتري كاسكو
سعره مناسب
بس نزل صور للطير |
رد: اليوم ان شاء الله بشتري كاسكو
ابشر اخوي خلني بكرا بأذن الله بنزل صور للكاسكو بموضوع جديد
|
| جميع الأوقات بتوقيت GMT +3. الساعة الآن 11:35 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو