كـوكـاتـيل + دره ( بـيبي مـتوه ) !!
 

بـسـم الله الرحـمن الرحـيم ..

السـلام عـليكم .. وحـمة الله وبـركاته ..

اخـواني اخـواتي .. انا شـريت امـس طائـر الـدره ( الـبيبي مـتوه ) انـثـى .. ومـدرب ويـصـعد عالايد بس مو كل مره ! .. لكـنه يـنـحاش شوي لمن ادخل ايدي داخل القـفص .. ومرات مايخاف ويخليني .. عـمره 3 شـهور او اكـثر مـبين عـليه .. واسـمه EL C'HiNo :p .. وماشاءلله بـصـحة ممـتازه الطـير .. :)

وعـندي طائـر الكـوكـاتـيل الرمـادي انـثى وراسه اصـفر .. وماشاءلله ربـوه الطـير .. ويرقص ويتـكـلم ويـقلد الكـاسكو .. :) شـريته من السـنه اللي طـافت شـهر 9 كان عـمره 9 شـهور .. والحـين عـمره سـنه ونـص تـقـريبا .. :)

..... ___ .....

بـغيت اسـتـفسر عن كـذا شـغله وهـي ..

1 _ هل الـطيرين يـتـوالفـون مع بـعض .. ؟ << انا عارف انه عـلى حـسب الطائرين لـكن .. هل من الممكن ان يـتوالفون ولا لا يـمكن .. ؟ :)

2 _ تـغـذية الطـيرين ؟ مع العـلم اني اوكـلهم الكـوكاتيل : حب شمسي خاص صـغير مع خـلطه + تفاح .. والـدره ( البيبي متوه ) : حـب شـمسي صـغير واللي شـريته منه كان يوكله تفاح .. وقبل قليل .. قـريت موضوع متكامل عن الدره وعن تـغذيتها .. وهي .. بـرتقال رمـان .. خـضـروات .. الخ

3 - الـتـربيه وطـرقها واوقاتها .. الخ !!

4 - هل من المـمكن اسـبح المـتوه ؟ لانه الكوكاتيل كـبرت واعـتقـد مافيها شي اذا سـبحتها .. !

5 - هل من الممكن اسـتـخدم الالـعاب .. وخـصـوصا اللي فـيها خـيوط .. << لاني قـريت موضـوع قـبل فتره انه هذي الالـعاب خـطره عـموما .. ومن الممكن انه تـخلي الطير وحشي .. وكذلك .. توفى كاسكو من هذي الالعاب .. لانه الخـيط تـعلق بـرقبته واخـتـنق ..

وعــذرا عالاطـاله .. :)

رد: كـوكـاتـيل + دره ( بـيبي مـتوه ) !!
 

... وشـــكــرا لـــكــم ... :)

رد: كـوكـاتـيل + دره ( بـيبي مـتوه ) !!
 

يــاريــت لـو فـي احـد يـرد عــلي .. :)

رد: كـوكـاتـيل + دره ( بـيبي مـتوه ) !!
 

_ هل الـطيرين يـتـوالفـون مع بـعض .. ؟ << انا عارف انه عـلى حـسب الطائرين لـكن .. هل من الممكن ان يـتوالفون ولا لا يـمكن .. ؟

ممكن و كان عندي غيني صديقه قطوة و يمتون على بعض .. بس بقول لك كيف اول شيء حط الكوكتيل في قفص و الدرة في قفص و خلي بينهم مترين وخلي كل واحد يشوف الثاني و كل يومين قرب المسافة بين القفصين و عقب اسبوعين لصق القفصين في بعض و راقبهم اذا حاولو يتحاربون او شيء بعدهم بس بالعادة تشوفوهم يلعبون مع بعض
عقب كذا طلعهم في برى القفص و خلهم يلعبون راقب ومع الايام يصيرون ولايف .. بس انتبه تدخل الكوكتيل على الدرة تراه بيموت الدرة طير ما يحب احد يدخل معاه القفص الا اذا تحبه ..


2 _ تـغـذية الطـيرين ؟ مع العـلم اني اوكـلهم الكـوكاتيل : حب شمسي خاص صـغير مع خـلطه + تفاح .. والـدره ( البيبي متوه ) : حـب شـمسي صـغير واللي شـريته منه كان يوكله تفاح .. وقبل قليل .. قـريت موضوع متكامل عن الدره وعن تـغذيتها .. وهي .. بـرتقال رمـان .. خـضـروات .. الخ
الدرة تاكل اي شيء ( بس نصيحة جيب لها حب بلجيكي نظيف و حلو وفيه فتيمات و فواكه مجففه )
3 - الـتـربيه وطـرقها واوقاتها .. الخ !!
شوف الترويض و التدريب يبغالك تقراء المواضيع اللي في المنتدى و صدقني على قد ما تقراء بتلاحظ اثناء التدريب انك قريت عن الاشياء هذي من ردة فعل الطير و من خوفه و تحصل انك مسيطر ...
4 - هل من المـمكن اسـبح المـتوه ؟ لانه الكوكاتيل كـبرت واعـتقـد مافيها شي اذا سـبحتها .. !
اشتري ملهع الزجاج 5 ريال في اي بقالة فرغه تماما ً و غسله كويس و حط فيه مويه و رش على طيورك وبما اننا في الصيف انصحك تروشهم في الاسبوع مرتين ولا بيصيبهم مشاكل بالريش ...من قمل و بكتريا و غيرة

5 - هل من الممكن اسـتـخدم الالـعاب .. وخـصـوصا اللي فـيها خـيوط .. << لاني قـريت موضـوع قـبل فتره انه هذي الالـعاب خـطره عـموما .. ومن الممكن انه تـخلي الطير وحشي .. وكذلك .. توفى كاسكو من هذي الالعاب .. لانه الخـيط تـعلق بـرقبته واخـتـنق ..
حط الالعاب في القفص وقت تكون موجود ولا فيه العااااب حلوة لدرة مثلا ً السلم و الحبل اللي مليان مجسمات مربع ومستطيل و دائرة .. تحب تعضهم الدرة

وسلامتك يا رب