منتديات تو زوو

الربط : يفضل ربطها عند شخص محترف وجرب يربط اكثر من مره .

اما الاوامر فاعتقد فيه مشكله بتوصيل المعلومه .

التمرين كالتالي يا اخي الكريم ...

تجيب الكلب قدامك ومعاك حبوب مكافئات .. قطع دجاج ،، لحم ،، دراي فود ،، نقانق ... الخ

اهم شي يكون اكل ينجن عليه الكلب . وتاكد انه يحبه حيل ومستعد يسوي اي شي عشانه .

الطريقه تضع الاكل فوق راس الكلب بدون ما يوصل له وترجع بحركه بطيئه بحيث ان الكلب يرفع راسه

ويصل الى درجه ما يقدر يرفع راسه اكثر .. هنا يضع الكلب مؤخرته على الارض .

بمجرد ما تلمس مؤخرة الكلب الارض .. انت تسوي مارك .. تقوله (يسس) وتعطيه المكافئه .

كرر الموضوع عشرين او ثلاثين مره (لا تقوووله سيت في هذي المرحله ) .

لما كلبك يجلس مايل او بطريقه غير صحيح لا تعطيه المكافئه حتى يتعدل .

الكلب راح يفهم تلقائيا انك مجرد ما تضع الاكل فوق راسه راح يجلس .

بعد ما تطبق التمرين ٣٠ مره او اكثر وتتاكد ان الكلب يتقن الجلوس تماما

هنا ندخل امر (sit) والطريقه كالتالي .

تمد الاكل فوق راسه وتقول سيت ... تكافئ وتعيد نفس التمرين .

بعدين تكتفي فقط بالايماء (كانك بتحط الاكل فوق راسه بس ما توصل الاكل فوق راسه)

مع امر سيت .. واذا جلس ضاعف المكافئه الى حبتين .. و شوي شوي توصل المعلومه

اكثر واكثر .. كرر التمرين ٤ حصص او ٥ حصص باليوم وكل حصه فيه ٣٠ او ٤٠ جلسه .

خله على مثل هذي الحاله لمدة اسبوع وركز التمرين قد ما تقدر .

وان شاء الله ما راح ينسى ابد .