|
رايكم بالبورميس الجديدة حقتي !
بعد السجادية و ال بوا واخيرا وبعد طول انتظار جبنا البورميس بايثون :) قولولي وش رايكم فيها طبعا اذكرو الله وقولو ما شاء الله http://a7.sphotos.ak.fbcdn.net/hphot..._1955657_n.jpg http://a4.sphotos.ak.fbcdn.net/hphot..._5174229_n.jpg http://a3.sphotos.ak.fbcdn.net/hphot..._2784695_n.jpg |
رد: رايكم بالبورميس الجديدة حقتي !
مبروك :D
بس أقولك شي ، صح ينصحون بالجرايد أفضل من نشارة الخشب بس مع الرطوبه و و و .. بتلاحظ اللون يلزق عليهم &&" يروح مع تبديل اليلد بس ليش كل هذا ، حط كلنكسات أحسن أو إذا تبي شكل حلو مثل ما قلتلك مره قبل حشيش صناعي + شوية ديكورات بيطلع الحوض 100% + التنظيف ما تتعب فيه ~ و موفق اخوي و اهتم فيهم عدل ، و دام الي عندك صغار إقعد أحسب نموهم ترى وناسه :D . . |
رد: رايكم بالبورميس الجديدة حقتي !
الله يبارك فيك . ترا لك فضل بعد الله في محبتي للبروميس من خلال قرائتي لمواضيعك ومشاركاتك :)
وهاذي البيت مبدئي مخلي لها الين ما اسويلها بيت كبيرة بعرض متر ونص او مترين وبحط فيه الحشيش الاخضر الصناعي :) من يوم ما غيرت الجلد الي اليوم تقريبا 5 ايام اكلتها صوصين ( الصوص فرخ الدجاج ) واحد اول يوم غيرت والتاني امس :) |
رد: رايكم بالبورميس الجديدة حقتي !
اوكي بالتوفيق ^^
الأحواض تفصلهم انت ؟ و فعلاً تربية البورميس حلوه ، ولو انهم مرات يفصلون و يحاولون يعضون :D بس نوع لها بالأكل ، عطها هامسترات و كتاكيت و ارانب و فري و أي شي تقدر تعطيها لا تتعود عندك على شغله معينه ، ترى بعدها توقف الأكل و ما تاكل الا الشي الي كانت كلمره تاكله و صعب تغير عادتها ^^ . . |
رد: رايكم بالبورميس الجديدة حقتي !
ايه كل واحد بصندوقها لوحدها !!
كويس انك قلتلي علي سالفة التنويع لانه السجادية حدها هامستر وما شاء الله تبلع !!! والكبيرة اعطيها صيصان المرة الجاي بجيبلها فري او ارنب توه مولود بس بخليها تجوع شوي لانه الثنتين ماكلين قبل امس واليوم اكلو ( مفاجيع ) ودي بشي ثاني للسجادية الصغيرة تاكله بس ما ودي اغامر ودي اكبرها علي الهامستر بعدين اعطيها صوص لاني ما ظنيت تاكل صوص الحين !! |
رد: رايكم بالبورميس الجديدة حقتي !
تفصلهم = الأحواض تفصال ؟ :D
فهمتني غلط :D بالنسبه للكاربت تقدر تاكل كتاكيت صغار ~ و البورميس ماني عارف حجمها ، بس شكلها تقدر تاكل ارنب صغير مو شرط توه مولود &&" ترى الأرنب منفوخ عالفاضي يعني لما بتوكلها بتقول لا ما تقدر او شي ، بالأخير ينعصر و تشوف حجمه الصجي :D لو تبيهم يكبرون بسرعه كل اسبوع مره او مرتين وكلهم عآدي ~ ما عليك من الي كـلوه من تـشوف البطن رجع حجمه طبيعي قط شي لهم ~ . . |
رد: رايكم بالبورميس الجديدة حقتي !
بجوعهم شوي والكبيرة علي ارنب والصغيرة علي صوص بس ان شاء الله ما تغير
|
رد: رايكم بالبورميس الجديدة حقتي !
واليوم ما شاء الله اكلت الصوص الثالث !!
وتوني انتبه ايل البيوت تفصيل احسن واريح |
رد: رايكم بالبورميس الجديدة حقتي !
مبروك عليك البرومايس ما شاء الله مره حلوه وتتربى بعزك
|
رد: رايكم بالبورميس الجديدة حقتي !
ماشاءالله عليك اخوي دخلت هالمجال بقوه
والبورميس جميله تتربى بعزك |
| جميع الأوقات بتوقيت GMT +3. الساعة الآن 08:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو