|
مشكله ما ادري وش اسوي لها؟؟؟
عندي مشكله في ببغائي انه انا شاريه من واحد والببغاء يتكلم الكلمات اللى كان مع صاحبه وهي كلمات بسيطه واغلبها تصفير المهم المشكله انه عندي له 5 شهور والا الان ما تكلم اي كلمه انا اكررها او سمعها عندي ولا ادري وش سببه ؟؟ بس يقول الكلمات اللى هو حافظهاقبل ياليت تعلمون وش اسوي له يعطك ربي الف عافيه |
رد: مشكله ما ادري وش اسوي لها؟؟؟
يا هلا الطير متمسك بالكلمات السابقة وهذا شي طبيعي عند الطيور الحين انت حاول انك ماتكرر عليه الكلمات السابقة وعلم الطير كلمات جديدة الطريقة انا هذه الطريقة اتبعتها والحمد لله جابت نتيجة 10على 10 الطير يكون في القفص،خفف الاضاءه اللي يتواجد فيه الطير،غط القفص بغطاء ابحيث يكون واجهة القفص مفتوح ويستطيع ان يراك ولو قليل من بصره اللي يضعف في النور الضعيف نفرض مثلاً الكلمة الجديدة >>>>> ( مرحبا ) كرر كلمة مرحبا >>>>>> 15 الى 20 دقيقة بصوت واضح وحاول تطقطق له او تصفر عشان يكون مركز معاك ومنتبه كرر هذه الطريقة لفترة وان شاء الله راح تسمع الطير ينطقها اول الفترة تكون الكلمة غير واضحه ومع تكرار العملية والتدريب وهناك تفاوت طبعاً بين الطيور عن مدى استيعاب الطير للكلمات ونطقها وأهم نقطة في الموضوع هي (الصبر) وعدم اليأس اذا عندك ارادة وإصرار راح تنجح العملية واما اذا انت من النوع اللي يمل ابسرعة اعذرني لا نتيجة ;) بالتوفيق لك |
رد: مشكله ما ادري وش اسوي لها؟؟؟
ما شاء الله طبعا كاسكو البحرين ما قصر و لي تعقيب بسيط على الموضوع هو ان اغلب الببغاوات تركز بشكل كبير مع مربيها ان كانت هنالك الفه بينهم و تحاول تقليدهم بشكل سريع فارجو منك محاوله التقرب الى الطائر بشكل اكثر و محاوله اطعامه من يدك و مداعبته بشكل اوسع و اتمنى لك التوفيق |
رد: مشكله ما ادري وش اسوي لها؟؟؟
مشكووورين الله يعطيكم الف عافيه وان شاء الله اسوي الطريقه معه وباذن الله راح تنفع شكرا |
| جميع الأوقات بتوقيت GMT +3. الساعة الآن 05:44 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو