منتديات تو زوو - عايز افهم

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - عايز افهم (http://www.2zoo.com/vb/showthread.php?t=215956)

elgendy

23-04-2011 02:21 AM

عايز افهم

السلام عليكم جميعا
انا طول عمرى نفسى اربى كلب جيرمن شيبرد
المهم علشان مش عايز اطول عليكم انا اسمى الجندى عندى 23 سنه
اللى انا عايز اعرف رايكم فيه دلوقتى انا قررت خلاص انى هشترى كلب وهيكون مكانه ان شاء الله فوق سطوح العماره وانا قبل ما اجهز بيته اوى اى حاجه من حاجاته حبيت اعرف حاجه انا عندى حشب قديم بس نظيف وقلت انى ممكن ابنى منه البيت كده صح ولا لازم يكون خشب جديد وحاجه كمان لما هعمل البيت احط الكلب فيه امتى وكمان قبل ما احط الكلب فيه هو المفروض انظفه بماده ايه علشان تكون قويه وفى نفس الوقت لا تضر بصحة الجرو اللى هجيبه ياريت كل اللى عنده معلومات يقولى علشان انا اول مره هربى كلب وخايف على صحته جدا

راعي النبات

23-04-2011 12:06 PM

رد: عايز افهم

يا معلم عادي الكلاب تعيش في البيت اللى قولت عليه عادي بس مدرهنوش بأي حاجه وكمان اهم حاجه تحمي الكلب بمعدل مرة في الاسبوع لان الحر جا ي خلاص وخد معاك واحد خبير في الكلاب أحسن

imad0555

23-04-2011 01:11 PM

رد: عايز افهم

اقتباس:

المشاركة الأصلية كتبت بواسطة راعي النبات (المشاركة 2093701)

شوف يا اخي ركز على نقاوة الكلب أولا أما موضوع الخشب القديم عادي ينفع حتى الجديد بيقدم مع الوقت وممكن تنظفه والأحسن أنك تطليه بطلاء الخشب المظاظ للماء بلون من اختيارك ويفظل الأصفر أو الأزرق لينجدب الكلب تلقائي للبيت وأنصحك يكون البيت متسع لاتتهاون بنقاوت الكلب خد كلب بيور ليسهل عليك تدريبه خصوصا انك مبتدئ
موفق

elgendy

23-04-2011 11:06 PM

رد: عايز افهم

مشكورين يا اخوانى على الاهتمام لكن انا بفكر فى شئ اخر ايه رايكم لو بنيت بيت الكلب بالطوب بس يكون يعنى حجمه عادى زى البيت الخشب وفى الحاله دى اعتقد انه من الافضل انى امعجن الحوائط والسقف وادهنه وبرضو محدش رد عليا فى موضوع الماده اللى انظف بيها البيت من الداخل انا بسال عن ماده تكون قويه وفعاله وفى نفس الوقت لا تضر بصحة الكلب يعنى ومعلش يعنى سؤال كمان بيت الكلب هيكون على سطوح العماره وفى جيران عندى يا ترى اغلق الباب على كلبى لما اكون رايح مشوار علشان محدش يحطله اى اكل وعلشان ميتعدوش على اى حد ولا كده نفسيته تتعب .....

:confused::confused::confused:

imad0555

24-04-2011 12:27 AM

رد: عايز افهم

شوف اول شيئ أحب انبهك لازم تاخد رئي كل جيرانك في العمارة أكيد رح تحصل مشاكل بسبب الكلب خصوصا إن كان السطح مشترك مع الجيران خصوصا لي ساكنين اخر دور عشان تكون عملت لازم ولو حد اشتكى تكون قد اخدت رئيه لأن الكلب بيعمل دوشة
ثاني شيئ البناء بالطوب أو الخشب لا فرق بينهم أما موضوع المنظفات عادي يعني أي منظف يفي بالغرض والمنظفات لا تؤثر على الكلاب وبعد التنظيف اشفط بالماء جيدا وبالتالي تزيل المادة المنظفة لي أنت قلقان منها
وحاجة كمان بما أنك قررت بناء البيت من الطوب عليك باللجوء لحرفي بناء يتكلف بالمهمة لأنك ستلخبط الدنيا إلا إدا كان لديك خبرة
أكيد لازم تعمل باب بقفل للبيت
وأنا من رئي استشير الجيران أولا مهم جدا لك موفق وإن شاء الله أكون فدتك

Musab Pro

24-04-2011 07:19 PM

رد: عايز افهم

بعد استخدام المنضفات اشطفها تمام بالمويه .

و خلها لمدة ٤ ساعات تتهوى مضبوط .

romaneez

24-04-2011 09:00 PM

رد: عايز افهم

والله انا عن نفسي بفضل الطوب الاحمر ف بنا بيت الكلب الخشب بيحوي حشرات ساعات وبالنسبه لتطهيرو
يكون بماده الديزانول ((مش عارفه كده كتباها صح ولالا بس هيا ماده مطهره معروفه)))
علشان الحشرا والكلام ده بتتجاب من محلات اكسسوارات الكلاب وبتتخف بتركيز معين وبيترش بيها ارض البيت وبتتساب تتهوي علشان تقتل اي حشرات
والنظافه النظافه النظافه
علشان وهوا ع السطوح معرض لاي حاجه ياعني لازم السطوح ميبقاش مترب ولا فيه اي زباله علشان كل ده بيحوي حشرات
وانتا طبعا عايز كلبك سليم وان شاء الله ميجيلهوش حاجه ابدا

elgendy

25-04-2011 04:08 AM

والله انتم فعلا نعم الاصدقاء مشكورين جميعا

ايمادو انا عندى ليك خبر حلو انا جيرانى كلهم وافقو وكمان اللى فى اخر دور وكده خلاااااااااااص هجيبه يعنى هجيبه

ان شاء الله يعنى

جميع الأوقات بتوقيت GMT +3. الساعة الآن 08:45 PM.