|
سؤال عن الدره
ا لسلام عليكم ورحمه الله وبركاته
بعد مشاورات عن نوع الطير اللي ناوي اشتريه باذن الله طاح الاختيارعلى الدره ياريت اهل الخبره يساعدوني ودي بفرخ صغير عشان يتعود علي لكن مدري كم العمر المناسب وفي اي عمر يعتمد على نفسه في الاكل وكيف يكون شكله وهو صغير اخاف يعطيني صاحب المحل واحد منتف ومرضان ويقول عشانه صغير ومن وين تنصحوني اشتري انا من الرياض وهل الايام ذي فيه فروخ صغيره وكم سعر فرخ النيبالي و ماودي ينضحك علي وهل اقدر اميز بين النيبالي والهندي وهم صغار اعذروني طولت عليكم بالاسئله وشكرا مقدما |
رد: سؤال عن الدره
اذا ماتبي تتحمل مسؤوليه اطعامها باليد فخذ لك عمر شهرين واطالع
ويكون شكله عادي زي اي ببغاء شكل طبيعي بدون تنتيف الاهم النشاط وعيونه سليمه وتنفسه سليم انت شوف بالرياض سوق الحمام شيك خميس وجمعه بالحراج ممكن تحصل لان هذا موسها الآن تحصل فروخ شوف اسعار الفروخ للدره العاديه مابين 200 الى 300 والنيبالي اكثر طبعاً والسبب لانه نادر تحصله بالسوق والنيبالي تعرفه من جناحه فيه لون احمر |
رد: سؤال عن الدره
اقتباس:
الله يعطيك العافيه ماقصرت ياالغالي |
| جميع الأوقات بتوقيت GMT +3. الساعة الآن 03:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو