|
كوكاتو أمبريلا
السلام عليكم
عندي أستفسار لاهل الخبره يفيدونا بمعلومات عن الكوكاتو امبريلا . اشتريت كوكاتو امبريلا ما شاء الله ما عليه كلام عمره 6 شهور تقريبا لعوب ويحب يلطلع على اليد والكتف ما يعرف العض ولكن المشكله اللي فيه انه راعيه الاولي قص ذيله والطير بدون ذيل فحصته والحمدلله الصحه 100 من 100 بس مشكلة الذيل .ناقشت الموضوع ويا الدكتور قال يريدله وقت تقريبا 160 يوم يبدء الذيل يطول . السؤال هل في فيتامين تنصحوني فيه له ؟ مشكورين وما قصرتوا |
رد: كوكاتو أمبريلا
رح للبيطري واستشيره عشان يعطيك فيتمينات لذيل وان كان مقصوص لازم تنتفه عشان يطلع بعده
|
رد: كوكاتو أمبريلا
مشكور يا خوي على الرد , تراني سرت عند الدكتور وقالي بيظهر الذيل يباله 160 يوم
|
رد: كوكاتو أمبريلا
لاتنتف الذيل .. راح تعرض الطير لألم شديد ممكن يكرهك .. او يزعل حيل ولا يتكلم
وحاسب الكوكاتو .. يشيل بقلبه لو حد ضره وماينسى دام عمره سبع شهور .. اصبر عليه لما يكمل سنه او سنه ونص الريش راح يتجدد من نفسه بيطيح الريش القديم ويطلع جديد بداله .. الفتره المعروفه بالقلش .. عموما الاهتمام والتغذيه الصحيحه والبيئه الامنه للطير .. راح تهليه يرتاح وبتلاحظ الريش راح يكون افضل حتى شخصيته راح تكون اروع واروع لكن بالاهتمام بعده صغير اهتم بتغذيته الطبيعيه دام صحته تمام بدون فيتامينات تقبل مروري |
رد: كوكاتو أمبريلا
مشكوره يا elnoon على المرور الجميل , ان شاء الله هذا شي اكيد اذا حد يبى طيره يحبه لازم يوفرله كل شي
من اكله وشرب واهتمام . ان شا ءالله يطلع ريشه عن قريب . |
رد: كوكاتو أمبريلا
الله يوفقك اخوي
بس اذا مفي احراج ممكن تقولي بكم شريته؟ |
رد: كوكاتو أمبريلا
تسلم يا ااخوي al3'asy راسلني على الخاص
|
رد: كوكاتو أمبريلا
فعلاً الببغاء يأخذ وقت في نمو ريشه
|
رد: كوكاتو أمبريلا
الله يعين يا اخوي , تسلم على مرورك الطيب .
|
| جميع الأوقات بتوقيت GMT +3. الساعة الآن 06:47 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو