|
ساعدوني الله يخليكم همستري جريح !!!
السلام عليكم ورحمة الله وبركاته شلونكم شخباركم؟؟ انا يديده على المنتدى ويديده على تربية الهمسترات توني من اسبوعين شريت لي ذكر وانثى روسيين عمرهم شهر تقريبا ومن البدايه حبوني وقامو ياكلون من يدي .. ولحد أمس كانو تمام وحلوين لكن اليوم انصدمت .. تركتهم في غرفتي في قفصهم عادي مثل كل مرة .. وغبت عنهم تقريبا ساعه ونص ولما رجعت تفاجأت إن الذكر قاعد يضرب الانثى وعضها وجرحها وطلع الدم منها!!! :( فصلتهم ألحين .. لكن الجريحه مسكينه تعور القلب ,,, جرح في قدمها وفي مؤخرتها عزكم الله لدرجة إن شعر المؤخرة تقريبا مو موجود!! شاسوي لها؟؟؟ ماقدر آخذها لبيطري وأخاف تموت! :( كلها دم وما تخليني ألمسها لأنها اكيد خايفه ومتألمة أرجوكم قولو لي شاسوي حق جروحها؟؟؟ :confused: في دواء أو شي ممكن احطه لها؟؟ *** في دواء أحمر سائل نستعمله حق الجروح (للبشر طبعا) .. ما أعرف اسمه الطبي لكن في البحرين نقول عنه (آيدين) .. أتمنى اللي يعرفه ينصحني إذا اقدر استعمله أو لا :( ساعدوني الله يخليكم وجزاكم الله ألف خير |
رد: ساعدوني الله يخليكم همستري جريح !!!
http://www.tl3b.com/uploads/02-23-07~Yallah7ayyoham.gif .+[ أول شي.. زين سويتي إنج فصلتيها.. أما بالنسبة للآيدين.. أنا أعرف الدوا.. بس صراحة ماعرف إذا مناسب للهمسترات أو لا؟! بس في مطهر للجروح.. نصحت فيه مرة ويذرد.. أعتقد هو من ديتول.. تقدرين تحطينه على الجرح حالياً.. حاولي تاخذين قطن وفيه ماي.. أو حتى ديتول خفييف.. وامسحي جروحها حتى لو قاومتج.. البسي قفاز وامسكيها به.. لأن الجروح اذا ماتنظفت مشكلــة،، وإن شاء الله تصحى جريــب = ( ]+. http://www.tl3b.com/uploads/02-23-07..._6komAllah.gif |
رد: ساعدوني الله يخليكم همستري جريح !!!
اختي حاولي تسوين مثل مس لكسوزة
بالايدين خفبيفه مع الماي الدافي وامسحي بالقطن وفيه مطهر للحيوانت يجي بخاخ لونه بنفسجي مادري شسمه والله سبق ونصحوني فيه اذا تعرفينه فهذا ممتاز للجروح |
رد: ساعدوني الله يخليكم همستري جريح !!!
مشكوره عزيزتي Miss lexus girl وان شالله راح اطبق اللي نصحتيني فيه لأنها حاليا خامله وهادئة واخاف تلتهب جروحها وتموت ! * * * اخوي رعوود مشكور عزيزي على النصيحه وراح اطبق اللي قالته Miss lexus girl بس إذا ممكن تفيدوني باسم المطهر البخاخ ومشكورين وما قصرتو |
رد: ساعدوني الله يخليكم همستري جريح !!!
والله اختي الاسم مو عندي حاليا
لكن احاول اييبه لج باقرب فرصه ممكنه |
| جميع الأوقات بتوقيت GMT +3. الساعة الآن 06:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو