|
اسهال فالكاسكو
السلام عليكم ورحمة الله وبركاته ببغائي الكاسكو عمره من 3 الى 4 شهور من جبته امس كان طبيعي ولكن بعدين جاه اسهال ووديته للبيطري واعطاني حبوب اذوبها مع الاكل واعطيه لمدة 5 ايام بس انا ما اثق بالبيطريين اللي عندنا اعطيته امس واليوم ومدري احس مافي تحسن مع انه ياكل واحيانا يلعب وعلى اخر الليل يسوي ازعاج كأنه يكلم أحد بس الاسهااال مخوفني واحيانا اشوفه كسلان وكأنه مريض مدري هل لانه صغير وهذا الشي طبيعي او مريض :( اتمنى تطمنوني والله خايفه عليه :( |
رد: اسهال فالكاسكو
مافيه الا العافية
بس انتي دفيه ولا تعطينه فواكه بس اهم شيء تدفيه |
رد: اسهال فالكاسكو
طبيعي بعض الاوقات يسكت تبينه طول الوقت شغال
اول شي تأكدي اسهال والا لا نزلي صوره |
رد: اسهال فالكاسكو
متأكده اسهال والبيطري اكد هذا الشي وقال قوي بعد :(
|
رد: اسهال فالكاسكو
قلبي ممكـن صوره له + فضلآته ( الله يكرمك )
|
رد: اسهال فالكاسكو
انا بس اريد اعرف ليش الاسهال
هل ممكن يكون من الاكل انا اعطيه سيريلاك بالقمح والفواكه هل هو مناسب والا اعطيه فواكه بس ؟ |
رد: اسهال فالكاسكو
اخي لاتعطيه سيرلاك لوحده
اليك الوصفة فول يابس+فول سوداني+عدس+جوز+وشوية سيرلاك وتطحنهم مع بعضهم بالمطحنة الين يصيرو زي البوردة بعدين تخلطهم مع الموية وتحطهم بي أبرة وغر الطير فيهم وبالنسبة للاسهال ياريت تنزلين صورة لاخراج الطير وخليك مستمرعلى الدواء الي اعطاك البيطري مع الوصفة الي اعطيتك هيه موفق باذن الله |
رد: اسهال فالكاسكو
اتوقع تغير عليه الاكل وتغير الجو
حاولي الاكل مايكون كثير ساااائل وابعدي عنه الماي اثناء الليل ودفيــــــــــــــــــــــــه اعتقد جو الامارات كل يوم على حال ^^! الفروخ يقل نشاطها بعد الاكل .. تنام .. وهو واايد صغير مستحيل يكون واايد نشيط ماقدر افيدج اكثر لاني مستحيل اربي فرخ من سوق الشارجه!! اخذ عمره سنه وفوق اضمن واريح ^^ الله يشفي طيرج حبوبه وانصحج بالعيادات الاجنبيه في العين مب عيادات البيطريه الحكوميه |
رد: اسهال فالكاسكو
اذا كان سهال بس و مب مريض
ف انا مجربه الجاهي الي بدون الشكر ( السكر ) و الحمد لله فاد بس ما ادري هل ينفع له ب هالعمر ولا لا |
رد: اسهال فالكاسكو
شكرا كرماوي وان شاء الله اجرب هالخلطه
اليوم انا اعطيته حبوب حمص معلب غسلتها وحطيتها بماء دافي واكل منهاا النون انا صرت اسمك الخلطه اكثر من قبل والحمدلله هو بخير وصحة زينه بس الاسهال مخوفني بس امس قريت انه هذا بسبب الاكل لانه صحته زينه وانه فهالعمر يحتاج اعطيه اشياء ياكلها بروحه واحط له حب فالقفص علشان يبدا يتعود انا فالبداية ندمت اني خذت فرخ صغير بهالعمر لكن الحمدلله احس الامور طيبه وان شاء الله خير ومتوكلة على ربي ^_^ واذا تعرفين بيطري زين فالعين ياريت تخبريني اسمه ومكانه بالضبط ميكووو ما اقدر اجازف واعطيه بس ان شاء الله خير ويصير احسن تسلموون ع المروور الطيب ويزاكم الله خير |
| جميع الأوقات بتوقيت GMT +3. الساعة الآن 02:00 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو